កូនលោកសហគមន៍នេសាទឃុំកំពង់ព្រះគគីរ ហ៊ុំសម្រាស់ចាប់ត្រីកណ្តាលថ្ងៃត្រង់ គ្មានសមត្ថកិច្ចណាបង្ក្រាប ចំណែកលោកសោម ភិរុណ នាយខ័ណ្ឌរដ្ឋបាលជលផលសម្ងំលាបឡេបន្ទំសាច់
ខេត្តកំពង់ឆ្នាំង៖ ជនល្មើសនេសាទមួយក្រុម បាននាំគ្នាហ៊ុំសម្រាស់ខុសច្បាប់ ចាប់ត្រីទាំង កណ្តាលថ្ងៃត្រង់យ៉ាងរំភើយ ដោយគ្មានសមត្ថកិច្ចណារំខាន ឬចាប់គេឡើយ ដែលម្ចាស់ សម្រាស់នោះត្រូវបានគេថាជាកូនលោកប្រធានសហគមន៍នេសាទឃុំកំពង់ព្រះគគីរ។ ករណីហ៊ុំសម្រាស់ខាងលើនេះបានធ្វើទាំងកណ្តាលថ្ងៃត្រង់ទី០៨ ខែមិនា ឆ្នាំ២០១៥ នៅតែប្រមាន១០០ម៉ែត្រ ខាងកើតភូមិកោះតាម៉ូវ ឃុំកំពង់ ព្រះគគីរ ស្រុកបរិបូណ៌ តែប៉ុណ្ណោះ ប៉ុន្តែមន្ត្រីជលផលគ្មានប្រតិកម្មឈឺក្បាលហាលថ្ងៃអ្វីឡើយ គឺសំកុកតាមទៀមកាហ្វេ តៀមស្រាចាំទទួលលាភសក្ការៈយ៉ាងរំភើយ ទំនងដោយសារនាយខ័ណ្ឌថ្មីកូនចៅវាស់សម្មភាពបាន។
ប្រជាពលរដ្ឋភូមិកោះតាម៉ូវបានរាយការណ៍អោយអ្នកយកព័ត៌មានយើងដឹងថា៖ ជនល្មើសដែលកំពុងហ៊ុំសម្រាស់ខាងលើនេះ ឈ្មោះ មាន សុខុម ហៅស្រូ ជាកូនប្រសាររបស់លោកប្រធានសហគមន៍នេសាទឃុំកំពង់ព្រះគគីរ ដែលគេបានរត់ការបង់លុយអោយសមត្ថកិច្ចជលផលរួចហើយទើបគេហ៊ានហ៊ុំសម្រាស់ចាប់ត្រីទាំងកណ្តាលថ្ងៃត្រង់ក្បែរភូមិបែបនេះ នេះគឺជាទង្វើល្មើសច្បាប់ដែលជាការរួមដៃឃុបឃិតពីភាគីសហគមន៍នេសាទ មន្ត្រីក្បាលខូចមួយក្តាប់តូច ដែលពួកគេធ្លាប់រួមដៃគ្នាប្រព្រឹត្តជាយូរឆ្នាំមកហើយសមនឹងលោក សោម ភិរុណ នាយ ខ័ណ្ឌ រដ្ឋបាលជលផលកំពង់ឆ្នាំងខ្លាចពន្លឺថ្ងៃខ្មៅសាច់ និងមិនសូវស្គាល់ភូមិសាស្ត្រផងនោះពួកគេអាចប្រព្រឹត្តបានតាមអំពើចិត្ត។
នៅម៉ោង១ និង៣០នាទីថ្ងៃទី០៨ ខែមិនា ឆ្នាំ២០១៥ អ្នកយកព័ត៌មានយើងបានចុះទៅដល់បាន ពិនិត្យឃើញ ជនល្មើសមួយក្រុមមានគ្នាប្រមាណ១០នាក់ មានកាណូតបាឡាស្មាច់២គ្រឿង និងទូក២គ្រឿង កំពុងធ្វើសម្មភាពរើសម្រាស់ចាប់ត្រី និងនៅលើគោកក្បែរកន្លែងហ៊ុំ សម្រាស់ មានម៉ូតូ៥គ្រឿង និងកង់២គ្រឿងរបស់អ្នកហ៊ុំសម្រាស់បានទុកចោលនៅក្បែរព្រៃជិតនោះ។
ករណីនេះអ្នកយកព័ត៌មានយើងបានទូរស័ព្ទរាយការណ៍ជូនលោក សោម ភិរុណ នាយ ខ័ណ្ឌ រដ្ឋបាលជលផលជួយបង្ក្រាប លោកបាននិយាយអោយដឹងថា លោកនឹងអោយសមត្ថកិច្ច ជលផលដែលនៅឈរជើងការពារឡូត៍អភិរក្សនៅជិតនេះមកបង្ក្រាប។ ប៉ុន្តែទំរាំសមត្ថកិច្ចទាំង នោះមកដល់ជនល្មើសបាននាំគ្នាសារសាច់អួនយកចេញហើយគេចខ្លួនបាត់អស់ទៅហើ យតែ បើគេចង់ចាប់ប្រកដជាអាចចាប់បានព្រោះអ្នកភូមិបានស្គាល់ឈ្មោះពួកនោះ យ៉ាងច្បាស់។
ប្រភពពីប្រជាពលរដ្ឋម្នាកទៀតបានអោយដឹងថា៖ កាលពីល្ងាចថ្ងៃទី០៨ ខែមិនា នេះដែរ មានជនជាតិវៀតណាមមួយក្រុមអូសឆៃរា ដែលមានឈ្មោះចយ ជាអ្នកកាង បានមកលួចហ៊ុំសម្រាស់អ្នកភូមិកោះតាម៉ូវ និងពេលម្ចាស់សម្រាស់ដឹងបានឈ្លោះគ្នាយ៉ាងខ្លាំងខ្លាទៀងផង។
នៅចំណុចក្នុងភូមិកោះតាម៉ូវនេះកន្លងមកសមត្ថកិច្ច និងលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្ត ធ្លាប់ចុះមកបង្ក្រាបជាច្រើនករណីមកហើយ ប៉ុន្តែបង្ក្រាបខាងមុខកើតខាងក្រោយគឺមិនចេះអស់។ ដែលករណីទាំងអស់នេះឆ្លុះបញ្ចាំងបានថា ទាំងសហគមន៍នេសាទ ទាំងអាជ្ញាធរ និងទាំងសមត្ថកិច្ចគឺមិនសូវខ្វាយខ្វល់នឹងរឿងបទល្មើស នេសាទទាំង អស់នេះឡើយ មិនតែប៉ុណ្ណោះមន្ត្រីមួយចំនួនថែមទាំងឃុបឃិតវ៉ៃអែប ជាមួយជនល្មើសប្រ ព្រឹត្តបទល្មើសតាមទំនើងចិត្តដើម្បីលាភសក្ការៈ ទៀតផង។ រឿងនេះសូមឯកឧត្តមប្រតិភូរាជរដ្ឋាភិបាលនិង ជាប្រធានរដ្ឋបាលជលផលថ្មីមេត្តាជួយដុសក្អែល និងព្យាបាលជម្ងឺមហាអសកម្មជូនកូនចៅនៅខ័ណ្ឌកំពង់ឆ្នាំងផង៕ ដោយ យុវតីកំពង់ឆ្នាំង
http://ift.tt/18ztKf9
