អាហារល្អបំផុត សំរាប់ដុតបំផ្លាញ ខ្លាញ់ក្នុងខ្លួន
វាជាការពិត អាហារមួយចំនួន មានផ្ទុកនូវសារធាតុម្យ៉ាង ដែលអាចផលិត កំដៅនៅក្នុងខ្លូនតាមរយៈការធ្វើមេតា ប៉ូលីស ។ ដូច្នេះហើយវាអាចដុតបំផ្លាញនូវ កាឡូរី បានយ៉ាងមានប្រសិទ្ធិភាព ។ ខាងក្រោមនេះជាអាហារទាំង ៦ ប្រភេទ ដែលអាចដុតបំផ្លាញខ្លាញ់ក្នុងខ្លួនអ្នកបានយ៉ាងឆាប់រហ័ស ៖
១. គ្រាប់ធញ្ញជាតិ
ពេលដែលអ្នកបរិភោគគ្រាប់ធញ្ញជាតិដែលសំបូរទៅដោយជាតិសរសៃ ដូចជាម្ស៉ៅស្រូវសាលី និង អង្ករសំរូប វាអាច ដុតបំផ្លាញនូវ កាឡូរីលក្នុងខ្លួនបានរហូតដល់ពីរដង ។
២. សាច់គ្មានខ្លាញ់
ប្រូតេអ៊ីននៅក្នុងសាច់ផ្ទុកនូវសារធាតុម្យ៉ាង ដែលអាចផលិតកំដៅនៅក្នុងខ្លូនតាមរយៈការធ្វើមេតាប៉ូលីស។ វាអាច ដុតនូវកាឡូរីប្រមាណ 30% ក្នុងអំឡុងពេលរំលាយអាហារ ។
៣. ផលិតផលដោះគោដែលមានជាតិខ្លាញ់ទាប
ផលិតផលដោះគោសម្បូរទៅដោយជាតិកាល់ស្យូមនិងវីតាមីន D ដូច្នេះវាជួយថែរក្សាការពារនិងជួយដល់ការ លូតលាស់នៃសាច់ដុំ ហើយជួយសំរួលដល់ការរំលាយអាហារបានយ៉ាងល្អ ។
៤. តែបៃតង
ផឹកតែបៃតងចំនួនបួនពែងក្នុងមួយថ្ងៃ អាចជួយឱ្យអ្នកស្រក់ទំងន់ ជាង ៦ ផោន (ប្រហែល ៣ គីឡូ) ក្នុងបីសប្តាហ៍ បើយោងតាមសេចក្តីរាយការណ៍ របស់ ការសែតរបស់ក្លីនិចអាហារូបត្ថម្ភនៅអាមេរិច (American Journal of Clinical Nutrition) ។
៥. សណ្តែក
សាស្រ្តចារ្យម្នាក់ឈ្មោះ Tammy Lakatos Shames អ្នកនិពន្ធសៀវភៅ អាថ៌កំបាំងធ្វើអោយរាងស្គម បានសរសេរថា “វាជាដំនឹងល្អមួយសំរាប់អ្នក ដែលសណ្តែកមួយពែង មិនថាសណ្តែក ខៀវ ក្រហម ឫ លឿង អាចបំពេញតម្រូវការ ជាតិដែក របស់អ្នកជារៀងរាល់ថ្ងៃ 35% ដោយសារមនុស្សរហូតដល់ទៅ 20% គឺកង្វះ ជាតិដែក ។ នៅពេលដែល អ្នកខ្វះ សារធាតុដែក វាធ្វើអោយការរំលាយអាហាររបស់អ្នកយឺត ដោយសារតែរាងកាយមិនទទួលបាននូវអ្វីដែលវា ត្រូវការ ដើម្បីធ្វើការអោយមានប្រសិទ្ធិភាព ។ ”
៦. ម្ទេសខ្មាំង
សាស្រ្តចារ្យ Tammy Lakatos Shames បានបន្ថែមទៀតថា ម្ទេសគឺជាបន្លែដែលអាចបង្កើត កំដៅនៅក្នុងខ្លួន ហេតុ នេះវាក៏អាចដុតនូវកាឡូរីបានផងដែរ ។ អ្នកអាចបរិភោគម្ទេសឆៅ ឆ្អិន ម្ទេសស្ងួត ឬម្សៅម្ទេសក៏បាន ហើយ អាចបន្ថែមទឹកម្ទេសអោយច្រើនតាមតែអាចធ្វើទៅបាន ទៅក្នុង ស៊ុប ស៊ុត និងសាច់ពេលដែលអ្នកបរិភោគ ។
ដោយ៖ ខ្មែរណូត
from Khmernote - The best entertainment website in Cambodia http://ift.tt/1Bm7ZLf
