នគរបាលចាប់បានជនសង្ស័យជះទឹកអាស៊ីតដាក់នារីជាសន្តិសុខរោងចក្រស៊ិនតាយនៅរសៀលថ្ងៃនេះ
ភ្នំពេញ ៖ នគរបាលខណ្ឌពោធិ៍សែនជ័យ បានដុតដៃដុតជើងបន្ទាប់ពីមានការជះទឹកអាស៊ីដដាក់កម្មការិនីម្នាក់ជាសន្តិសុខនៅរោងចក្រស៊ិនតាយ ខណៈពេលដែលនារីរងគ្រោះរូបនោះដើរទៅធ្វើការដល់ចំណុចមុខផ្សារកាណាស៊ីធីនោះ តែ ជនសង្ស័យម្នាក់ត្រូវបានឃាត់ខ្លួន ក្រោយពីរយៈពេលជាច្រើនម៉ោង បន្ទាប់ពីមានការវាយប្រហារដោយទឹកអាស៊ីតនៅព្រឹកថ្ងៃទី៦ ខែមីនា ឆ្នាំ២០១៥ តាមបណ្តោយផ្លូវវេងស្រេងសង្កាត់ ចោមចៅ រួចមក នៅរសៀលថ្ងៃដដែលនេះ ។
សមត្ថកិច្ចបានថ្លែងឲ្យដឹងថា ជនសង្ស័យដែលឃាត់ខ្លួននេះឈ្មោះ ស្រឿន នាក់ ភេទស្រី អាយុ៣៨ឆ្នាំ ជា កម្មការិនីរោងចក្រមានស្រុកកំណើត ភូមិទទារ ស្រុកកងមាស ខេត្តកំពង់ចាម ដែលមានប្តីឈ្មោះ ជុន ខឿន មានស្រុកកំណើតនៅឃុំផ្តៅជុំ ស្រុកជើងព្រៃ ខេត្តកំពង់ចាម ។ ចំណែកមូលហេតុ ដែលបណ្តាលឲ្យឈានដល់ការវាយប្រហារដោយទឹកអាស៊ីតដ៏សាហាវលើនារីឈ្មោះ សុវណ្ណនី អាយុ២០ឆ្នាំ ជាសន្តិសុខរោងចក្រស៊ិនតាយនោះ សមត្ថកិច្ចនៅមិនទាន់បង្ដើបឲ្យដឹងឡើយទេ ៕
http://ift.tt/1G63OCZ
