បុរសវ័យចំណាស់ម្នាក់អាងខ្លួនមានក្រដាស់បេសកម្មអង្គរក្សមួយសន្លឹក ដើរចង្អលដីពលរដ្ឋរស់នៅជាច្រើនឆ្នាំថាជារបស់ថ្នាក់លើរបស់ ខ្លួនចំនួន៨ហិតា
ខេត្តបន្ទាយមានជ័យ៖ ពលរដ្ឋរស់នៅភូមិសាមគ្គីមានជ័យ សង្កាត់-ក្រុងប៉ោយប៉ែត ខេត្តបន្ទាយមានជ័យ ប្រមាណជា១០០នាក់ បានឡោមព័ទ្ធបុរសម្នាក់ ខណៈគាត់បានយកជីភីអេសចុចជាមួយនឹងភូមិបាលក្រុងប៉ោយប៉ែត និងអាងខ្លួនមានក្រដាស់បេសកម្ម ចេញពីបញ្ជាការដ្ឋានអង្គរក្ស មួយសន្លឹក និងថាទីតាំងនោះជាដីរបស់ថ្នាក់លើ របស់ខ្លួនចំនួន២០០ គុណ៤០០ម៉ែត្រ ស្មើនឹង៨ហិតា ។ ហេតុការណ៍នេះ នៅវេលាម៉ោង៣ និង៣០នាទីល្ងាច រហូតដល់ម៉ោង៦ និង៥០ល្ងាច ថ្ងៃទី១១ ខែមិនា ឆ្នាំ២០១៥ ទើបរំសាយ ដោយ មានការសម្របសម្រួលពីអាជ្ញាធរក្រុង។
បើតាមកាអះអាងពីពលរដ្ឋបានប្រាប់ឲ្យដឹងថា មុនកើតហេតុពួកគាត់បានឃើញបុរសខាងលើនេះ និងក្រុមភូមិបាលក្រុងបានយកប្រព័ន្ធជិភីអេសមកចុចទីតាំងដែលពួកគាត់បានរស់នៅជាច្រើនឆ្នាំ និងមានលិខិត ប្លង់ដីត្រឹមត្រូវ បែរជាបុរសវ័យចំណាស់នោះថា ជាដីរបស់ ថ្នាក់លើរបស់គេ ។ ពួកគាត់បន្តថា ភ្លាមនោះពួក គាត់បានហ៊ុំព័ទ្ធឃាត់សួរនាំរឿង រីឯក្រុមភូមិបាលបានរត់គេចខ្លួនតែម្តង ហើយបុរសរូបនោះបានអះអាង ដោយ និយាយថា ខ្លួនមកនេះគឺមានការសម្របសម្រួលពីសាលាខេត្ត និងខាងស្នងការខេត្តបន្ទាយមាន ជ័យផងដែរ។
ប្រភពបានអោយដឹងថា បុរសនោះមានឈ្មោះគឹម សារិន អាយុ ប្រមាណ៥១ឆ្នាំ ជាមន្ត្រីយោធាអង្គរក្ស បំពាក់ឋានន្តរសក្កិ៥ផងដែរ ហើយបុគ្គលនេះតែងតែមកដើរចង្អុលដីនេះ ដីនោះជារបស់ស្ទើរទាំងអស់ហើយ ។បើតាមការរៀបរាប់ពីពលរដ្ឋម្នាក់ទៀតថា មុនដំបូងបុរសខាង លើនេះបានមកដោះស្រាយ និងមកត្រួតពិនិត្យដីមែន តែនៅត្រង់ចំណុចដី ស្ថិតនៅភូមិក្បាលស្ពាន សង្កាត់ -ក្រុងប៉ោយប៉ែត ខេត្តបន្ទាយ មានជ័យ តាំងព្រឹកថ្ងៃដដែរ ហេតុបានជាចង្អុលដីនៅចំណុចភូមិកើតហេតុខាងលើនេះទៅវិញ ។ ដោយមានការផ្ទុះរឿងកាន់តែធំ ក៏មានខាងសាលាក្រុងមកសម្រប សម្រួលដើម្បីជួយបុរសខាងលើនេះ ដើម្បីជៀសវាងអំពើហិង្សាកើតឡើង ។
សូមបញ្ជាក់ថាបុរសខាងលើនេះ មានឈ្មោះគឹម សារិន អាយុ ប្រមាណ៥១ឆ្នាំ ជាមន្ត្រីយោធាអង្គរក្ស បំពាក់ឋានន្តរសក្កិ៥ បានកាន់លិខិតបេសកម្ម ចេញពីបញ្ជាការដ្ឋានអង្គរក្ស ដើម្បីមកចុះនៅស្ថិតនៅភូមិក្បាលស្ពាន សង្កាត់ -ក្រុងប៉ោយប៉ែត ខេត្តបន្ទាយមានជ័យ ៕ ដោយ យីហាំង
http://ift.tt/1BvB4Ea
