ISIS បង្ហោះវីដេអូបង្ហាញ សកម្មភាព កុមារបាញ់សម្លាប់ ភ្នាក់ងារ ស៊ើបការណ៍អ៊ីស្រាអែល

(CNN)៖ វីដេអូថ្មីមួយរបស់ក្រុមឧទ្ទាមរដ្ឋឥស្លាម បានបង្ហាញសកម្មភាព កុមារបាញ់សម្លាប់បុរសម្នាក់ ដែលគេស្គាល់ថា ជាអ្នកស៊ើបការណ៍ របស់អ៊ីស្រាអែល នេះបើយោងតាមសារព័ត៌មាន CNN ចេញផ្សាយ នៅ ថ្ងៃទី១១ ខែមីនា ឆ្នាំ២០១៥។

បុរសរូបនេះ មានឈ្មោះថា Mohamed Said Ismail Musallam អាយុ១៩ឆ្នាំជាប្រជាពលរដ្ឋអ៊ីស្រាអែលជាប់ខ្សែស្រឡាយជនជាតិប៉ាឡេស្ទីន។

នៅក្នុងវីដែអូក្រុមឧទ្ទាមបានបង្ហាញព័ត៌មានរបស់ជនរងគ្រោះ ហើយប្រកាសថាលោកជាភ្នាក់ងារដែលត្រូវគេបញ្ជូនមកស៊ើបការណ៍ក្រុម ISIS។

នៅក្នុងវីដេអូបង្ហាញរូបភាពជនរងគ្រោះលុតជង្គង់ក្នុងឈុតពណ៌ទឹកក្រូច ក្រោយមកត្រូវកុមារម្នាក់បាញ់ត្រង់ក្បាលមួយគ្រាប់ និងដងខ្លួនពីរគ្រាប់ថែមទៀត៕