ឧបករណ៍នេសាទខុសច្បាប់ និងអាំងវ៉ាត់ទ័រឆក់ចំនួន៩២៨គ្រឿងមានជាទឹកប្រាក់ស្មើនឹង២៧.៨៤០ដុល្លារ ត្រូវដុតកំទេច
ខេត្តកំពង់ឆ្នាំង៖ ឧបករណ៍ឆក់ត្រីចំនួន៩២៨គ្រឿង គិតជាទឹកប្រាក់ស្មើនឹង២៧.៨៤០ដុល្លា ដែលប្រជាពលរដ្ឋស្ម័គ្រចិត្តបានប្រគល់អោយសមត្ថកិច្ច និងអាជ្ញាធរកន្លងមក នៅព្រឹកថ្ងៃទី០២ ខែមេសា ឆ្នាំ២០១៥ត្រូវបានខ័ណ្ឌរដ្ឋបាលជលផលកំពង់ឆ្នាំង បានប្រមូលមកធ្វើពិធីដុតកំទេចចោល ក្រោយអធិបតីភាព លោក អេង ជាសាន ប្រតិភូរាជរដ្ឋាភិបាល ទទួលបន្ទុកប្រធានរដ្ឋបាលជលផល ដោយមានការចូលរួមពីលោកលោកអភិបាលរងខេត្តមន្ត្រីរាជការជុំវិញខេត្ត សិស្សានុសិស្ស និងប្រជាពលរដ្ឋសរុបជាង១០០នាក់បានចូលរួម ក្នុងកម្មវិធី នេះផងដែរ។
លោក សោម ភិរុណ នាយខ័ណ្ឌរដ្ឋបាលជលផលកំពង់ឆ្នាំង បានរាយការណ៍ជូនអង្គពិធីអោយបានដឹងថា៖ យោងតាមការអនុវត្តបទបញ្ជា អនុក្រឹត្យ ប្រកាសអនុសាសន៍ និងលិខិតបទដ្ឋានគតិយុត្តិនានា របស់រាជរដ្ឋាភិបាល និងរបស់គណៈបញ្ជាការឯកភាពខេត្ត រយៈពេល៣ខែឆ្នាំនេះ សមត្ថកិច្ចខ័ណ្ឌរដ្ឋបាលជលផល កំពង់ ឆ្នាំងសម្រេចបង្ក្រាបបទល្មើសបាន៥៩ករណីក្នុងនោះគឺ បានបំផ្លាញវត្ថុតាងបទល្មើសនេសាទ៤៥ ករណីមាន៖ នេសាទរបាំងស្បៃមុង១១ករណី, លូនិងរបាំស្បៃមុង២១ករណី, សម្រាស់១០ករណី, លបប្រើស១០០មួយ ករណី, នេសាទក្នុងកន្លែងអភិរក្សជលផល១ករណី។ដោយឡែកពិន័យអន្តរការណ៍៩ករណី, ដឹកជញ្ជូនផលនេ សាទគ្មានច្បាប់៣ករណី, មិនព្រមផ្អាកការនេសាទតាមច្បាប់៦ករណី។ ធ្វើកំណត់ហេតុបញ្ជូន៥ករណីគឺ ឆក់ត្រី ៤ករណី មានមនុស្ស៨នាក់បញ្ជូនទៅតុលាការ ,កសាងសំណុំរឿងចោទប្រកាន់មនុស្ស៣នាក់ជាមុខ សញ្ញាឆក់ ត្រី និងម្នាក់ជាមុខសញ្ញាផលិតឧបករណ៍ឆក់ទៅតុលាការ, និងអ្នកនេសាទក្នុងតំបន់អភិរក្ស១ករណី។
ជាក់ស្តែងក្នុងថ្ងៃនេះយើងប្រមូលបានពីប្រជាពលរដ្ឋស្ម័គ្រនូវឧបករណ៍ឆក់ត្រី បានចំនួន៩២៨គ្រឿង យកមកធ្វើពិធីដុតកំទេចចោលក្នុងពេលនេះ។ ប៉ុន្តែសមត្ថកិច្ចយើងស្រង់ស្ថិតិបានថា មានឧបករណ៍ឆក់ចំនួន២៣ ០គ្រឿងទៀតនៅលាក់ទុកមិនទាន់ប្រគល់អោយ ដែលសមត្ថកិច្ចបន្តការអប់រំទៀត តែជាចុងក្រោយត្រូវតែ កសាងសំណុំរឿងបញ្ជូនទៅតុលាការកោះហៅ និងចាត់ការតាមផ្លូវច្បាប់។
លោក អេង ជាសាន ប្រតិភូរាជរដ្ឋាភិបាល ទទួលបន្ទុកប្រធានរដ្ឋបាលជលផល បានលើកឡើងថា៖ អ្នកមិនព្រមប្រគល់ឧបករណ៍ឆក់ត្រីត្រូវប្រឈមច្បាប់ស្តីពីជលផល ដែលត្រូវចាប់មកផ្តន្ទាទោសមាន៣ថ្នាក់គឺថ្នាក់ ទី១ជាប់គុកពី៣ទៅ៥ឆ្នាំ ថ្នាក់ទី២ជាប់គុកពី១ទៅ៣ឆ្នាំ និងពិន័យរហូតដល់៥០ម៉ឺនរៀល។ លោកបាន ស្នើសុំ អោយមន្ត្រីជលផលយើយត្រូវខិតខំបន្ថែមទៀតក្នុងការប្រមូលឧបករណ៍ឆក់ត្រីនៅស្រុកលើ ដែលការឆក់ត្រី តាមដងស្ទឹងមិនមែនអត់នោះទេ។ទន្ទឹមនោះដែរឯកឧត្តមសូមអំពាវនាវអោយបណ្តាខេត្តផ្សេងៗទៀត ត្រូវខិត ខំប្រឹងប្រែង ដោយត្រូវយកខេត្តកំពង់ឆ្នាំងធ្វើជាគំរូក្នុងការលប់បំបាត់ឧបករណ៍ឆក់ត្រីខុសច្បាប់អោយអស់ ដើម្បីរក្សាពូជពង្សមច្ឆាជាតិទាំង២៣០ប្រភេទ អោយបានគង់វង្សសំរាប់កូនចៅជំនាន់ក្រោយរបស់យើង។
លោកស្រី ប៉ាល់ យឿន អភិបាលរងខេត្តដែលបានចូលរួមក្នុងកម្មវិធីនេះបានធ្វើការផ្តាំផ្ញើរដល់អាជ្ញាធរ ប្រ ជាពលរដ្ឋ និងសមត្ថកិច្ចជលផលទាំងអស់ថា៖ធនធានមច្ឆាជាតិគឺជាសម្បត្តិរបស់ជាតិខ្មែរទាំងអស់គ្នាមិន មែន ជា របស់មន្ត្រីជលផល សហគមនេសាទ ឬអាជ្ញាធរមូលដ្ឋានណាមួយឡើយ ដូច្នេះត្រូវតែរួមគ្នារក្សា និងការពារ អោយបាន។ពេលឃើញមានបទស្មើលនេសាទត្រូវតែរាយការណ៍ជាបន្ទាន់មកសមត្ថកិច្ចឬអាជ្ញាធរពាក់ ព័ន្ធ ដើម្បីបង្ក្រាបអោយបានទាន់ពេលវេលានិងមានប្រសិទ្ធភាព។ទន្ទឹមនោះដែលសមត្ថកិច្ចត្រូវតែមានឆន្ទះនិង មនសិការជាតិ ហើយក៏ត្រូតែប្រុងប្រយត្ន័ងដែរព្រោះកន្លងមកមន្ត្រីនគរបាល២នាក់ត្រូវបានជនល្មើសឆក់ស្លាប់ នៅក្នុងស្រុកកំពង់ត្រឡាចបានរកឃើញតែសពម្នាក់ទេ ដូច្នេះការបង្ក្រាបបទល្មើសត្រូវតែសហការគ្នាអោយ បានម៉ឺងម៉ាត់ កុំធ្វេសប្រហែសអោយសោះ៕ ដោយ រិទ្ធិ ជ័យ
http://ift.tt/1Hrg5mq
