ឡានសាំងយ៉ុង ដឹកជន្លង់ម្រេចបើកលឿនដូចព្យុះក្រឡាប់ជាច្រើនត្រឡប់ មនុស្ស៣នាក់ខ្លះស្លាប់កៀបជាប់ក្នុងឡាន និងខ្លះខ្ទាតហោះចេញផ្លោងជាច្រើនម៉ែត្រ
ខេត្តក្រចេះ ៖ឧប្បត្តិហេតុក្រឡាប់រថយន្តសាំងយ៉ុងដឹកជន្លង់ម្រេចក្រឡាប់ជាច្រើនត្រឡប់ធ្លាក់ចេញពីផ្លូវកំពិតខ្ទេចខ្ទីបានបណ្តាលឲ្យ អ្នកបើកបររថយន្តម្នាក់ និងកម្មករលើកឈើជន្លង់ម្រេច ២នាក់ បានស្លាប់រួមគ្នានៅនឹងកន្លែងកើតហេតុ ដោយខ្លះស្លាប់កៀបជាប់ក្នុងរថយន្ត និងខ្លះខ្ទាតហោះចេញមកក្រៅសាកសពសុទ្ធសឹងតែបាក់ឆ្អឹកខ្ទេចខ្ទី។ហេតុការណ៏ក្រឡាប់រថយន្តដឹកឈើជន្លង់ម្រេចដ៏រន្ធត់នេះ បានកាលពីវេលាម៉ោង១រសៀល ថ្ងៃទី៦ ខែមេសា ២០១៥ ស្ថិតនៅលើកំណាត់ផ្លូវជាតតិលេខ៧ ក្នុងភូមិឃ្សឹមក្រៅ ឃុំឃ្សឹម ស្រុកស្នួល ខេត្តក្រចេះ
មន្ត្រីប៉ូលិសស្រុកស្នួលចរាចរណ៍បានឲ្យដឹងថា ជនរងគ្រោះទាំងបីនាក់ស្លាប់ក្នុងហេតុការក្រឡាប់រថយន្តសាំងយ៉ុងដឹកឈើជន្លង់ម្រេច ដែលបង្កឡើងដោយខ្លួនឯងនេះ ទី១-ឈ្មោះបុត អាយុ២៤ឆ្នាំ ២-ឈ្មោះដៀង អាយុ២៣ឆ្នាំ និង៣-ឈ្មោះពៅ អូន អាយុ២៨ឆ្នាំ (ជាអ្នកបើកបរ) ជនរងគ្រោះទាំង៣នាក់មានទីលំនៅក្នុងភូមិមានជ័យ ឃុំស្រែចារ ស្រុកស្នួល ខេត្តក្រចេះ ។ ប្រភពបានបន្តថា រថយន្តបង្កក្រឡាប់ដោយខ្លួនឯងនេះ ម៉ាកសាំយ៉ុងពណ៍ស្លែចាស់គ្មានស្លាកលេខ ហើយមូលហេតុដែលបង្កឲ្យមានគ្រោះថ្នាក់នេះ គឺបណ្តាលមកពីរថយន្តខាងលើបើកលឿន និងបានបើកជែងជាមួយរថយន្ត មួយគ្រឿងទៀត ក្នុងទិសដៅពីលិចទៅកើត ក៏បណ្តាលឲ្យជ្រុលចង្កូតធ្លាក់ទៅមួយចម្ហៀងផ្លូវ បណ្តាលឲ្យរថយន្តក្រឡាប់ជាច្រើនត្រឡប់តែម្តង។
ក្រោយពីកើតហេតុ នគរបាលបានប្រគល់សាកសពអ្នកទាំង៣ឲ្យទៅក្រុមគ្រួសារ ចំណែកឯរថយន្ត ត្រូវបាននាំមករក្សា ទុកបណ្តោះអាសន្ន នៅអធិការរដ្ឋាននគរបាលស្រុកស្នួល។ មានការកត់សម្គាល់ថា គ្រោះថ្នាក់ចរាចរណ៍នេះ ត្រូវបានប្រជាពលរដ្ឋនៅតំបន់នោះលើកឡើងថា ភាគច្រើនគឺបង្កឡើងដោយសាររថយន្តដឹកឈើ និងពេលខ្លះបង្កគ្រោះថ្នាក់ដោយខ្លួនឯង និងខ្លះទៀតកើតឡើងមកពីការប្រដេញស្ទាក់ចាប់ពីសំណាក់សមត្ថកិច្ចជាក្រុមកុងត្រូវជជុះ គោះយកលុយ ដែលកំពុងតែដាក់ពង្រាយក្បាលឡានតាមដងផ្លួវជាតិលេខ៧ក្នុងស្រុកស្នួលចាំប្រដេញឡានខណៈអ្នករកស៊ីដឹកឈើមិនបង់លុយឲ្យ៕
http://ift.tt/1Jg2OOQ
