យវជនម្នាក់ពាក់ខ្សែចង្កេះ ជិះម៉ូតូល្បឿនលឿន តែភ្លាត់ស្នៀតជ្រុលទៅបុកគូទឡានគេ ដួលច្រងាប់ច្រងិលបោកលើថ្នល់បាក់ជើងឆ្វេង ចំណែកម៉ូតូខ្ទេច១កំណាត់ខាងមុខ
ខេត្តកណ្តាល៖ យុវជនម្នាក់ពាក់ខ្សែកថាគ្រូម៉នៅនឹងចង្កេះ បានបំផាយម៉ូតូក្នុងល្បឿនលឿន ខណៈកំពុងបើកបរលើផ្លូវជាតិលេខ៥ បានភ្លាត់ស្នៀតជ្រុលទៅបុកគូទឡានដែលកំពុងបើកបរនៅពីមុខយ៉ាងពេញទំហឹង បណ្តាលឲ្យដួលច្រងាប់ច្រងិលបោកលើថ្នល់រហែកខោខៅបូយខ្ទេច និងបាក់ជើងឆ្វេង របួសធ្ងន់ កាលពីវេលាម៉ោង១១ និង១៥នាទីព្រឹកថ្ងៃទី០៥ ខែមឹសា ឆ្នាំ២០១៥ ចំណុចភូមិព្រែកក្តី ឃុំព្រែកតាទែន ស្រុកពញាឮ ខេត្តកណ្តាល។
សមត្ថកិច្ចបានឲ្យដឹងថា យុវជនរងគ្រោះមានឈ្មោះ ធី ធន ភេទប្រុស អាយុ២១ឆ្នាំ ទីលំនៅ ភូមិត្រោកល័ក្ខជុំថ្ពង ស្រុកថ្ពង ខេត្តកំពង់ស្ពី ។ ជនរងរបួសបើកបរម៉ូតូម៉ាក HONDA dream ពណ៌ខ្មៅ ពាក់ស្លាកលេខកំពង់ស្ពឺ 1E-6600 បើកបរទិសដៅពីត្បូងទៅជើងតាមបណ្តោយផ្លូវជាតិលេខ៥ លុះមកដល់ចន្លោះគីឡូម៉ែត្រលេខ២២ និង ២៣ បានគេចពីជង្ហុក ក៏ជ្រុលទៅបុករថយន្តកំពុងបើបរស្របទិសគ្នាម៉ាក TUNDRA ពណ៌ត្រីឆ្លូញ ពាក់ស្លាកលេខភ្នំពេញ2R- 4588 ពីក្រោយពេញទំហឹងបណ្តាលឲ្យដួលបាក់ជើងឆ្វេង។
ចំណែកអ្នកបើកបររថយន្តម៉ាក TUNDRA ឈ្មោះម៉ៅ ចក់ភេទប្រុស អាយុ៤០ឆ្នាំ នៅភូមិ បូរីសន្តិភាព 2សង្កាត់ ចោមចៅ ខណ្ឌពោធិសែនជ័យ រាជធានីភ្នំពេញ ។ ក្រោយកើតហេតុ ជនរងរបួសបានបញ្ជូនទៅព្យាបាល ហើយចំណែក ម៉ូតូ១គ្រឿងដែលខូចខាតមួយកំណាត់មុខ និង រថយម្តតូចខូចខាតបន្តិចបន្ទួចនោះត្រូវនគរបាលយកទៅរក្សាទុកនៅអធិការស្រុកពញាឮដើម្បីរងចាំដោះស្រាយពេលក្រោយ៕
http://ift.tt/1JiXp9M
