វិធីសាស្ត្រ៤យ៉ាងអាចជួយ កាត់បន្ថយការហៀរសំបោរ

បរទេស៖ អាការៈហៀរសំបោរ តែងតែកើតមានទ្បើង នៅពេលអ្នកផ្ដាសាយ ឈឺបំពង់ក ឬក្ដៅខ្លួន ដែលជាហេតុបង្កឲ្យអ្នកពិបាកដកដង្ហើម ។ ខាងក្រោមនេះ ជាវិធីសាស្ត្រ៤យ៉ាង អាចជួយកាត់បន្ថយការហៀរសំបោរ៖

១. ម៉ាស្សា

ប្រសិនបើអ្នកមានអារម្មណ៍ពិបាកដកដង្ហើម ដោយសារតែការហៀរសំបោរ ឬតឹងច្រមុះនោះ អ្នកអាចសាកល្បងជាមួយនឹងការម៉ាស្សាទងត្រចៀក ទាំងសងខាងរយៈពេល១០នាទី នឹងជួយធ្វើឲ្យអ្នកមានភាពធូរស្បើយ ។

២. ប្រើទឹកអំបិល

ការប្រើទឹកអំបិល ឬទឹកឆ្អិនមកលាងជម្រុះក្នុងរន្ធច្រមុះទាំងសងខាង អាចជួយបន្ធូរបន្ថយការហៀរសំបោរ និងតឹងច្រមុះបាន ប៉ុន្តែគួរជៀសវាងការស្រូបយកទឹកចូលក្នុងច្រមុះ ។

៣. ញីសំបោរចេញ

ការញីសំបោរចេញដោយថ្នមៗ ជាមធ្យោបាយដ៏ល្អបំផុត ក្នុងការជួយកាត់បន្ថយអាការៈហៀរសំបោរ ប៉ុន្តែអ្នកគួរជៀសវាងការញីសំបោរ ចេញញឹកញាប់ពេក ព្រោះអាចនឹងបណ្ដាលឲ្យរលាក និងទ្បើងក្រហមក្នុងច្រមុះ ។

៤. ប្រើកន្សែងពោះគោក្ដៅឧណ្ហៗស្អំ

ការយកកន្សែងពោះគោ ដាក់ត្រាំក្នុងទឹកក្ដៅឧណ្ហៗ រួចយកស្អំនៅលើផ្ទៃមុខ អាចជួយធ្វើឲ្យអ្នកមានអារម្មណ៍ថា ធូរស្បើយជាងមុន ៕

ផ្តល់សិទ្ធិដោយ ដើមអម្ពិល

from Khmernote - The best entertainment website in Cambodia http://ift.tt/19HRUF5