ឪពុកកំណាចទាញយកកាំបិតផ្គាក់កាប់កូនស្រីខ្លួនឯង អាយុ២ឆ្នាំម្នាក់ស្ទើរតែដាច់ក្បាលស្លាប់ភ្លាម និងកូនស្រីម្នាក់ទៀត អាយុ៤ឆ្នាំរបួសធ្ងន់
ខេត្តមណ្ឌលគិរី៖ ឪពុកបង្កើតសង្ស័យបែកថ្នាំ បានកាប់កូនស្រីខ្លួនឯង២នាក់នឹងកាំបិតផ្គាក់ ដោយកូនស្រីអាយុ២ឆ្នាំម្នាក់កាប់ត្រូវស្ទើរតែដាច់ ក្បាលស្លាប់ភ្លាមៗយ៉ាងអាណោចអាធ័ម និងកូនម្នាក់ទៀត អាយុ៤ឆ្នាំក៏ត្រូវកាប់ចំបណ្តាលឲ្យរងរបួសធ្ងន់ តែត្រូវបានរំដោះទាន់ និងដឹកយកទៅសង្ក្រោះបន្ទាន់ នៅមន្ទីរពេទ្យខេត្តដាក់ណុងប្រទេស វៀតណាម។ ក្រោយពីកើតហេតុជនបង្ក ត្រូវបានកម្លាំងនគរ បាលព្រហ្មទណ្ឌនៃ ស្នងការនគរបាលខេត្តមណ្ឌលគិរី ចាប់ខ្លួនបានភ្លាមៗ កាលពីវេលាម៉ោង ១៩ និង៣០នាទី យប់ថ្ងៃទី១០ ខែមេសានេះ នៅចំណុចទួលស្វាយក្នុងភូមិ ពូឡេះ ឃុំដាក់ដាំ ស្រុកអូររាំង ខេត្តមណ្ឌលគិរី ។
លោក សូ សុវណ្ណ ស្នងការរង និងជាប្រធានការិយាល័យកណ្តាល ព្រហ្មទណ្ឌ នៃស្នងការនគរបាលខេត្តមណ្ឌលគិរី បានឲ្យដឹងថា ជនសង្ស័យជាឪពុក ដែលមានចិត្តសាហាវបានយកកាំបិតផ្គាក់កាប់សម្លាប់កូនស្រីខ្លួនឯងនោះឈ្មោះ មីន ម៉ាត់លី អាយុ២៨ឆ្នាំ ជនជាតិខ្មែរ ឥស្លាមមុខរបរ កសិករមាន ទីលំនៅភូមិកើតហេតុ ខាងលើ។ ចំណែកកូនស្រីរងគ្រោះឈ្មោះ ម៉ាត់ លីរ៉ូហនី ភេទស្រី អាយុ២ឆ្នាំ ស្លាប់បាត់បង់ជីវិតនៅនឹងកន្លែង កូនស្រីម្នាក់ទៀតឈ្មោះម៉ាត់ លីយះ អាយុ៤ឆ្នាំ បានរងរបួសធ្ងន់ ត្រូវប្រពន្ធជនល្មើសជាម្តាយ បាននាំទៅសង្គ្រោះបន្ទាន់ នៅមន្ទីរពេទ្យខេត្តដាក់ណូងប្រទេសវៀត ណាម។
សមត្ថកិច្ចសន្និដ្ឋានថា ជនសង្ស័យបែកថ្នាំញៀនទើបស្មារតីមិនប្រក្រតី មិនអាចគ្រប់គ្រងខ្លួនឯងបានវង្វេងវង្វាន់ បានយកកាំបិតផ្គាក់ កាប់កូនស្រីបង្កើត សម្លាប់បែបនេះ។ បច្ចុប្បន្នជនសង្ស័យ ត្រូវសមត្ថកិច្ចនគរបាល ជំនាញកំពុងសាកសួរដើម្បីកសាងសំណុំរឿង បញ្ជូនខ្លួនទៅសាលា ដំបូងខេត្តចាត់ការតាមច្បាប់៕ ដោយ ឦសាន២
http://ift.tt/1Emrvt3
