រថយន្ត១គ្រឿង ដឹកគ្រឿងសង្ហារិមបង្កប់ឈើប្រណឹត លោតឆ័ត្រត្រូវនគរបាលប្រឆាំងបទល្មើសសេដ្ឋកិច្ចខេត្តស្ទាក់ចាប់បាន ងាយដូចបកចេកទុំ
ខេត្តកំពង់ឆ្នាំង៖ ឈើលេខមួយប្រភេទកកោះធំៗចំនួន៤សន្លឹក ដែលក្រុមឈ្មួញដឹកបង្កប់ពីក្រោមគ្រឿងសង្ហារិមឆ្លងកាត់ខេត្តកំពង់ឆ្នាំងលោតឆ័ត្រមិនបានរត់ការ ត្រូវបានកម្លាំងនគរបាលការិយាល័យប្រឆាំងបទល្មើសសេដ្ឋកិច្ចខេត្តស្ទាក់ចាប់បានភ្លាមយ៉ាងប្រសិទ្ធភាពបំផុត។ ការបង្ក្រាបរថយន្តដឹកឈើខាងលើនេះ បានធ្វើឡើងនៅវេលាម៉ោង៩និង១០នាទីព្រឹកថ្ងៃទី០១ ខែមេសា ឆ្នាំ២០១៥ លើផ្លូវជាតិលេខ៥ ស្ថិតនៅមុខសាលាស្រុករលាប្អៀរ ក្នុងភូមិព្រៃកោះ ឃុំជ្រៃបាក់ ស្រុករលាប្អៀរ នៅពេលដែលឈ្មួញដឹកឆ្ពោះទៅកាន់ក្នុងក្រុងភ្នំពេញ។
លោកវរសេនីយទោ ជិន សុផាត នាយការិយាល័យប្រឆាំងបទល្មើសសេដ្ឋកិច្ចខេត្តកំពង់ឆ្នាំងបាននិយាយឲ្យដឹងថា រថយន្តនោះម៉ាកអ៊ីស៊ុយស៊ុយពណ៌ស្ករ ពាក់ស្លាកលេខពោធិសាត់២អា០៩០៦ បើកបដោយឈ្មោះ ប៉ម វិចិត្រ អាយុ៣៨ឆ្នាំ រស់នៅក្នុងស្រុកភ្នំក្រវ៉ាញ ខេត្តពោធិសាត់។ មុនឈានដល់ការបង្ក្រាបបានរថយន្តដឹកឈើខាងលើកម្លាំងរបស់លោកបានទទួលព័ត៌មានយ៉ាងច្បាស់ទើប រលោកបានរាយកាណ៍ជូនលោកស្នងការនគបាលខេត្ត ហើយបានសុំការអនុញ្ញាតពីលោកព្រះរាជអាជ្ញាបញ្ចេញកម្លាំងស្ទាក់ចាប់បានមួយរំពេចងាយដូចបកចេកទុំ និងនាំយកមកកាន់ស្នងការដ្ឋាននគរបាលខេត្ត។
ឈើប្រណីតទាំង៤សន្លឹក ជាវត្ថុតាងខាងលើនេះ រួមនឹងអ្នកបើកបរថយន្ត ត្រូវបានសមត្ថកិច្ចនគរបាលខេត្តប្រគល់អោយខណ្ឌរដ្ឋបាលព្រៃឈើកំពង់ឆ្នាំងដែលតឺនុយយ៉ាងស្អាត់នៅប៊ុយរ៉ូ ដើម្បីទទួលយកទៅកសាងសំណុំរឿង បញ្ជូនទៅសាលាដំបូងខេត្តចាត់ការតាមច្បាប់៕ ដោយ យុវតីក្រុងកំពង់ឆ្នាំង
http://ift.tt/1BTGAgz
