ខ្យល់កន្ត្រាក់បានបំផ្លាញផ្ទះប្រជាពលរដ្ឋចំនួន២ស្រុកផ្សេងគ្នា បណ្តាលអោយមនុស្សម្នាក់រងរបួស
ខេត្តបន្ទាយមានជ័យ៖ ភ្លៀងរលឹមលាយឡំជាមួយខ្យល់កន្ត្រាក់ បានបំផ្លាញផ្ទះប្រជាពលរដ្ឋជាង១០ខ្នង និង ស្ត្រីម្នាក់របួសធ្ងន់ កាលពីវេលាម៉ោង៦ល្ងាច ថ្ងៃទី០៧ ខែមេសា ឆ្នាំ២០១៥ នៅភូមិចំការគោ ឃុំ-ស្រុកស្វាយចេក ខេត្តបន្ទាយមានជ័យ ។
លោកឧត្តមសេនីយ៍ត្រី សេង ធារិន មេបញ្ជាការរងកងពលតូចថ្មើរជើងលេខ៥១ បានប្រាប់ថា កំលាំងយោធារកងពលតូចថ្មើរជើងលេខ៥១ ដែលការពារក្រវ៉ាត់ព្រំដែនបានថ្លែងថា មានខ្យល់កន្ត្រាក់ក្រោយមកមានភ្លៀងរលឹមបានបំផ្លាញផ្ទះសំបែងប្រជាពលរដ្ឋអស់ប្រមាណជាង១០ខ្នង ដែលបណ្តាលរងរបួសធ្ងន់ស្ត្រីចំណាស់ម្នាក់ អាយុជាង៥០ឆ្នាំ ត្រូវបានបញ្ជូនបន្ទាន់ទៅមន្ទីរពេទ្យបង្អែក។ លោកបានបន្តថា ក្រោយពេលដែលខ្យល់កន្ត្រាក់បំផ្លាញ់ផ្ទះសំបែងប្រជាពលរដ្ឋអស់ជាង១០ខ្នងលោកបានអោយកម្លាំងជួយធ្វើអន្តរាគមន៍ជួយដល់ប្រជាពលរដ្ឋដែលរងគ្រោះ។
ដោយឡែកនៅស្រុកអូរជ្រៅវិញ លោក ឆេងអី សុខាអធិការស្រុកអូរជ្រៅ បានប្រាប់អោយដឹងថា នៅក្នុងស្រុកនេះមានរកណី ខ្យល់កន្ត្រាក់បានកើតឡើង វេលាម៉ោង ១៦ និង៣០នាទី មានភ្លៀង និងខ្យល់កន្ត្រាក់ បណ្តាលឲ្យ រលំផ្ទះ១ខ្នង ប៉ើងដំបូល ៦ខ្នង និងប៉ើងដំបូលក្រោលគោចំនួយ២ ក្នុងនោះនៅភូមិសូភីជើង (បឹងខ្ទុម) ឃុំសូភី រលំផ្ទះ ១ខ្នង ប៉ើងដំបូល ៥ខ្នង និងប៉ើង ដំបូលរោងគោ១ ភូមិស្នួលទ្រេត ឃុំអូរបីជាន់ ប៉ើងដំបូលផ្ទះ ១ខ្នង រោងគោ ១។ ទោះបីយ៉ាងពុំមានពលរដ្ឋនៅទីតាំងកើតហេតុ នោះរងរបួសអ្វីឡើយ ៕ ដោយ ក្រមុំអូរជ្រៅ
http://ift.tt/1IJy203
