ទិវា​ជាតិ​ទីក្រុង​ស្អាត​នៅ​ខេត្តមណ្ឌល់គិរី បាន​ទាក់ទាញ​ការចាប់អារម្មណ៍​យ៉ាងខ្លាំង​ពី​គ្រប់​មជ្ឈដ្ឋាន​

ខេត្តមណ្ឌលគិរី៖ មន្ត្រីរាជការ ជុំវិញសាលាខេត្ត កងកម្លាំង ប្រដាប់អាវុធ សិស្សានុសិស្ស និងប្រជាពលរដ្ឋ ដឹកនាំដោយ លោក ស្វាយ សំអ៊ាង អភិបាលរងខេត្តមណ្ឌលគិរី បានដើររើសសំរាម នៅជុំវិញផ្សារក្រុងសែនមនោរម្យ និងតាមដងផ្លូវ ជាតិ ចាប់ពីរង្វងមូលគោព្រៃ នឹងជុំវិញបរិវេណទីធ្លាព្រានយន្តហោះ ដើម្បីអបអរសាទរ ទិវាជាតិទីក្រុងស្អាត ហើយក៏ ជា សកម្មភាពមួយ ឲ្យប្រជាពលរដ្ឋ និងអាជីវករបានយល់ពីសារៈសំខាន់ នៃទីក្រុងស្អាត និងបាន ចូលរួមផងដែរ ។

ពិធីនេះធ្វើឡើង កាលពីព្រឹកថ្ងៃទី០៤ ខែមិនា ឆ្នាំ២០១៥ ស្ថិតនៅទីធ្លាមុខរង្វងមូលគោព្រៃ ។ លោក ស្វាយ អ៊ាង អភិបាលរងខេត្ត បានមានប្រសាសន៍ថា ចង់ឲ្យទីក្រុងយើងស្អាត យើងត្រូវមានបរិស្ថានល្អ ស្អាត ប្រកប ដោយសុខមាលភាពល្អ យើងត្រូវរៀបចំផែនការឲ្យជាក់លាក់ ដើម្បីទាញយកការចូលរួមសំអាតផ្សារ ក៏ ដូចជាគ្រប់កន្លែង គ្រប់មជ្ឈដ្ឋាន ពិសេសត្រូវមានការចូលរួមពីអាជីវករ ពីប្រជាពលរដ្ឋគ្រប់ៗរូប ។

លោកបន្តថា តាម រយ:ព្រឹត្តិការណ៍នេះ ពិតជាការចូលរួមចំណែកបន្ថែមទៀត ក្នុងការស្វែងរកកាលានុវត្តភាពថ្មីៗ សម្រាប់ពង្រឹង និងពង្រីកកិច្ចសហប្រតិបត្តិការ ក្នុងវិស័យទេសចរណ៍ ពិសេសនាំមកនូវការផ្សព្វផ្សាយអំពី សក្កានុពល ទេសចណ៍ របស់ព្រះរាជាណាចក្រកម្ពុជា ឲ្យកាន់តែទូលំទូលាយ ទៅកាន់បណ្តាប្រទេស តំបន់អាស៊ាន និងពិភព លោក ។

លោកអភិបាលខេត្តបន្តទៀតថា បើទីក្រុងស្អាត មូលដ្ឋានរបស់យើងតាមបណ្តាសង្កាត់ តាមផ្សារ ក៏ត្រូវស្អាត ប្រជាពលរដ្ឋ ក៏មានសុខភាពទៅតាមនោះដែរ ។ លោកក៏បានណែនាំឲ្យអាជ្ញាធរ សង្កាត់ ក្រុង ស្រុក ត្រូវចុះផ្សព្វផ្សាយដល់ ប្រជាពលរដ្ឋដើម្បីចូលរួមសំអាតអនាម័យ ក្នុងមូលដ្ឋាន ដើម្បីអបអរទិវាជាតិទីក្រុងស្អាត ។ ការប្រារព្ធទិវាជាតិ ទីក្រុង ស្អាតនាពេលនេះ គឺជាព្រឹត្តិការណ៍ដ៏មានសារៈសំខាន់ ដែលបានឆ្លុះបញ្ចាំង ឲ្យឃើញពីកិច្ចខិតខំប្រឹងប្រែងរួមគ្នាពីគ្រប់ ភាគីពាក់ព័ន្ធ អាចចូលរួមដល់កិច្ចការពារបរិស្ថាន និងសង្គម ដើម្បីរួមចំណែក លើកកម្ពស់សោភ័ណភាពខេត្ត និងបណ្តាទីក្រុងដទៃទៀត នៅទូទាំងប្រទេស ។

លោក ងិន សុវិមាន ប្រធានមន្ទីរទេសចរណ៍ខេត្តមណ្ឌលគិរី បានលើកឡើងទៀតថា តាមរយៈការប្រារព្ធទិវាជាតិ ទីក្រុងស្អាតនាពេលនេះ នឹងនាំមកនូវការ ផ្សព្វផ្សាយកាន់តែទូលំទូលាយ អំពីសក្តានុពលទេសចរណ៍ខេត្តមណ្ឌលគិរី ទៅ បណ្តាប្រទេសក្នុងតំបន់ និងពិភពលោក ហើយព្រឹត្តិការណ៍ នឹងជំរុញការប្រឡងប្រណាំង ទីក្រុងស្អាតនៅទូទាំងប្រទេស កាន់តែមានភាពសកម្មខ្លាំងក្លានិងរស់រវើក ក្នុងបុព្វហេតុរួមចំណែក ជំរុញការអភិវឌ្ឍន៍សេដ្ឋកិច្ចបៃតង ជំរុញមជ្ឈដ្ឋាន ការរស់នៅឲ្យកាន់តែល្អប្រសើរ ផ្តល់ភាពកក់ក្តៅ សុខមាលភាពរស់នៅ តាមបណ្តាក្រុង ស្រុក ក្នុងខេត្តមណ្ឌលគិរី ពិសេសត្រៀមខ្លួនចូលរួមប្រឡងប្រណាំង ដណ្តើមយកជ័យលាភី ទីក្រុងទេសចរស្អាត នាពេល ខាងមុខនេះ៕ ដោយ ឦសាន២

KA-410MD KA-411MD KA-413MD KA-414MD KA-416MD KA-418MD KA-417MD