សមត្ថកិច្ចចាប់រថយន្តដឹកដី៥គ្រឿង ដឹកដីកំពប់ពេញផ្លូវផាកពិន័យ និងអោយដឹកទឹក លាងសំអាតផ្លូវកៅស៊ូក្នុងក្រុងអោយស្អាតឡើងវិញ
ខេត្តកំពង់ឆ្នាំង៖ រថយន្តបែនដឹកដី៥គ្រឿង របស់ក្រុមអ្នករកស៊ីដឹកដីលក់ម្នាក់ ត្រូវបានសមត្ថកិច្ចនគរបាលចរាចរណ៍ខេត្តស្ទាក់ចាប់យកមកផាកពិន័យ ខណៈពេលដែលរថយន្តដឹកដីទាំងនោះបានដឹកដីក្រហមស្អិតធ្លាក់កំពុបជ្រុះពេញថ្នល់កៅស៊ូរលោងស្អាត នៅក្នុងសង្កាត់កំពង់ឆ្នាំង ក្រុងកំពង់ឆ្នាំង។ ការស្ទាក់ចាប់រថយន្តនេះបានធ្វើឡើងនៅម៉ោង ៩និង៣០នាទីព្រឹកថ្ងៃទី២៣ ខែមេសា ឆ្នាំ២០១៥ តាមបញ្ជាថ្នាក់លើ និងនាំយករថយន្តទាំង៥គ្រឿងនោះមកឃាត់ទុក ដើម្បីហៅអ្នកគ្រប់គ្រងរថយន្តមកព្រមាន និងផាកពិន័យអោយរៀងចាល។
លោក អៀរ ប៊ុនធឿន នាយការិយាល័យនគរបាលចរាចរណ៍ផ្លូវគោខេត្តបាននិយា យអោយដឹងថា៖អ្នកគ្រប់គ្រងរថយន្តទាំង៥គ្រឿងនេះមានឈ្មោះ ឆាយ ហេង អាយុ៥៥ឆ្នាំ រស់នៅភូមិក្តីត្នោត ឃុំស្រែថ្មី ស្រុករលាប្អៀរ មានមុខរបរជាអ្នកឈូសដី និងដឹកដីលក់។
មុនពេលស្ទាក់ចាប់រថយន្តនេះមន្ត្រីនគរបាលចរាចរណ៍ខេត្តចេញធ្វើការ បានប្រទះ ឃើញ រថយន្តទាំង៥គ្រឿងនេះ ដឹកដីក្រហមស្អិតកាត់សង្កាត់កំពង់ឆ្នាំង និងបានធ្វើអោយ ដីស្អិតទាំងនេះជ្រុះកំពុបរាយប៉ាយតាមផ្លូវកៅស៊ូដែលរលោងស្អាត ក្លាយទៅជាផ្លូវគគ្រិច ចាប់ពីមុខមន្ទីរសុខាភិបាលខេត្ត ដល់មុខផ្ទះសំណាក់ផ្កាយព្រឹក ដែលមានប្រវែង ប្រមាណ ៥០០ ម៉ែត្រ។ក្រោយពីឆ្លងយោបល់ថ្នាក់លើ សមត្ថកិច្ចបាននាំគ្នាស្ទាក់ចាប់រថយន្តទាំង ៥គ្រឿង នាំមកទុកនៅក្នុងស្នងការដ្ឋាននគរបាលខេត្ត ចាត់ការតាមផ្លូវច្បាប់។
លោក អៀរ ប៊ុនធឿន បានអោយដឹងទៀតថា៖ តាមគោលការណ៍របស់គណៈបញ្ជា ការ ឯកភាពខេត្ត សមត្ថកិច្ចនិងត្រូវធ្វើការទី១ ផាកពិន័យប្រាក់ពីរថយន្តទាំង៥គ្រឿង នេះតាម កំណត់ច្បាប់ ទី២គឺតម្រូវអោយលោក ឆាយ ហេង ជួលរថយន្តដឹកទឹកមកដុសលាងផ្លូវកៅ ស៊ូ ដែលប្រឡាក់ដីស្អិតទាំងនោះអោយបានស្អាតល្អដូចដើមវិញ និងទី៣ត្រូវធ្វើកិច្ច សន្យា បញ្ឈប់ការដឹកដីអោយកំពុបបែបនេះបន្តទៀត បើមិនគោរពបានតាមកិច្ចសន្យាទេ នោះ និងត្រូវធ្វើការផាកពិន័យប្រាក់ទ្វេដងថែមទៀតនៅពេលរថយន្តទាំងអស់នោះប្រព្រឹត្តខុសលើកក្រោយ។
អ្នកបើកបររថយន្តទាំងនោះបាននិយាយអោយដឹងថា៖ ដីដែលកំពុបតាមផ្លូវកៅស៊ូក្នុង ក្រុងនេះ គឺជាដីស្អិតជាប់តាមកង់រថយន្ត នៅពេលរថយន្តចូលចាក់ដីតាមភូមិអោយគេ មិនមែនជាដីកំពុបពីរថយន្តនោះឡើយ។ប៉ុន្តែទោះមានការឆ្លើយដោះសារបែបណាក៏ដោ យ ការធ្វើអោយផ្លូវកៅស៊ូរលោងស្អាតក្លាយជាផ្លូវគគ្រិចមានដីស្អិតពេញផ្លូវបែបនេះ គឺ សមត្ថកិច្ចត្រូវតែចាប់ផាកពិន័យ និងចាប់អោយលាងផ្លូវអោយស្អាតវិញ ដើម្បីជាការព្រមា ន កុំអោយរថយន្តដឹកដីដ៏ទៃទៀតយកតម្រាប់តាម៕ ដោយ រិទ្ធិ ជ័យ
http://ift.tt/1FiHoB8
