ភ្លៀងមួយមេធំជាមួយខ្យល់ព្យុះកន្ត្រាក់ បានបំផ្លាញផ្ទះពលរដ្ឋអស់ចំនួន៤៩ខ្នង នៅឃុំទាំងបី តែគ្មានអ្នករងរបួសទេ
ខេត្តបន្ទាយមានជ័យ៖ ក្នុងចុងពិធីបុណ្យចូលឆ្នាំថ្មីប្រពៃណីជាតិឆ្នាំមមែពស ២៥៥៩ គស២០១៥ សម្រាប់ពលរដ្ឋឃុំទឹកជោរ ភ្នំលៀប និងប្រាសាទ ស្រុកព្រះនេត្រព្រះ ខេត្តបន្ទាយមានជ័យ ត្រូវខ្យល់ព្យុះកន្ត្រាក់ពេលមានភ្លៀងមួយមេធំ កាលពីម៉ោង៤ និង៤០នាទី ល្ងាចថ្ងៃទី១៨ ខែមេសា ឆ្នាំ២០១៥ ចំពេលដែលអ្នកស្រុកនៅបន្តលេងកំសាន្តយ៉ាងរីករាយបុណ្យផង មានភ្លៀងមួយមេធំហើយនាំមកជាមួយនូវខ្យល់ព្យុះកន្ត្រាក់បំផ្លាញផ្ទះពលរដ្ឋចំនួន៤៩ខ្នងនៅឃុំទាំងបី។
លោកលី សុវណ្ណរិទ្ធិ អភិបាលស្រុកព្រះនេត្រព្រះយោងតាមសេចក្តីរាយការណ៍ របស់មេភូមិ និងមេឃុំ ដែលនិយាយថាគ្រោះ ធម្មជាតិនោះ តួលេខបឋមគឺបំផ្លាញអោយខូចខាតរលំ ប៉ើងដំបូលចំនួន៤៩ខ្នង។ ក្នុងនោះនៅភូមិសំរោង ភូមិស្នាយល្អ ភូមិទឹក ជោរ ភូមិតាសៀវ ភូមិកណ្តាលក្នុង ឃុំទឹកជោរ២៧ខ្នង,នៅភូមិទ្រយោង ភូមិទ្រលោកត្បូវ ភូមិទ្តលោកជើងក្នងឃុំទឹកភ្នំលៀប១៧ខ្នង,និងភូមិចារក្នុងឃុំប្រាសាទ ១ខ្នង។
ដោយឡែកលោក មាស រិទ្ធី អធិការនគរបាលស្រុកព្រះនេត្រព្រះ អោយដឹងតាមរយៈទូរស័ព្ទនៅព្រឹកថ្ងៃទី១៩ ខែមេសា ឆ្នាំ២០១៥នេះថា ខ្យល់ព្យុះកន្ត្រាក់នោះបានវាយប្រហារយ៉ាងទាន់ហន់ ដោយពុំនឹកស្មានដល់ព្រោះភ្លៀង កក់ខែវាចាប់ផ្តើមដោយស្លូតដែរពីដំបូង តែបានប្រែជាកាចនៅពេលបន្ទាប់មក។ ប៉ុន្តែគ្រោះធម្មជាតិនោះពុំបង្កស្លាប់ ឬរបួសមនុស្សណាម្នាក់ ទេដោយសារពួលគេបានដឹងខ្លួនហើយចាកចេញពីលំនៅដ្ឋានភ្លាមៗផងដែរ។
មកដល់ពេលនេះកងកម្លាំងនគរបាលប៉ុស្តិ៍រដ្ឋាបាលឃុំ និងនគរបាលស្រុក កងកម្លាំង កងរាជអាវុធហត្ថ ស្រុក ខេត្ត បានចុះគ្រប់គោលដៅក្នុងការសង្គ្រោះ ជួយប្រមូលទ្រព្យសម្បត្តិ និងជួយជួសជុលផ្ទះពលរដ្ឋផងដែរ ៕ ដោយ យីហាំង
http://ift.tt/1E06C6p
