ពិធីបុណ្យចូលឆ្នាំថ្ងៃទី១នៅខេត្តកំពង់ចាម
ដោយ សូត សុខប្រាថ្នា 2015-04-14 RFA សកម្មភាពដែលពលរដ្ឋនាំគ្នាលេងល្បែងប្រជាប្រិយនៅបរិវេណវត្តនគរបាជ័យ ខេត្តកំពង់ចាម ក្នុងថ្ងៃចូលឆ្នាំទី១ ថ្ងៃ១៤ មេសា ឆ្នាំ២០១៥។ RFA/Saut Sokprathna ពិធីបុណ្យចូលឆ្នាំប្រពៃណីជាតិខ្មែរ ថ្ងៃទីមួយបានចូលមកដល់ ដោយពលរដ្ឋតាមផ្ទះនាំគ្នារៀបចំគ្រឿងរណ្ដាប់ដើម្បីទទួលទេវតាឆ្នាំថ្មី។ សកម្មភាពពលរដ្ឋនៅខេត្តកំពង់ចាម តាមវត្តអារាម និងការដើរលេងកម្សាន្តនៅថ្ងៃទីមួយ គឺមានភាពស្ងប់ស្ងាត់ខុសពីឆ្នាំមុនៗ។ ពលរដ្ឋតំបន់ខ្លះថា ដោយសារអ្នកភូមិនាំគ្នាទៅរកស៊ីតំបន់ឆ្ងាយៗ មិនបានត្រឡប់មកចូលរួមពិធីចូលឆ្នាំនៅស្រុកកំណើត និងខ្លះថា ខ្លាចមានបញ្ហាសុវត្ថិភាពផ្ទាល់ខ្លួនជាដើម។ ថ្ងៃទី១ នៃពិធីបុណ្យចូលឆ្នាំប្រពៃណីជាតិខ្មែរនៅខេត្តកំពង់ចាម នៅតាមវត្តខ្លះ និងតាមកន្លែងកម្សាន្តខ្លះឃើញដាក់ទង់ជ័យព្រះពុទ្ធសាសនា និងទង់ចម្រុះពណ៌ផ្សេងទៀត ប៉ុន្តែបែរជាមានលក្ខណៈស្ងប់ស្ងាត់មិនសូវមានមនុស្សដើរលេងច្រើនដូចរាល់ឆ្នាំ។ ពលរដ្ឋខ្លះហាក់មិនចង់ដើរទៅលេងទីណាទេ ដោយពួកគេចង់នៅជួបជុំក្រុមគ្រួសារនៅផ្ទះនៅថ្ងៃចូលឆ្នាំដំបូង។ ចំណែកពលរដ្ឋតំបន់ខ្លះថា ដោយសារឆ្នាំនេះ គេបង្កបង្កើនផលមិនបានលទ្ធផលល្អទើបធ្វើឱ្យពួកគេខកខានរៀបចំបុណ្យចូលឆ្នាំឲ្យបានអធិកអធម។ ពលរដ្ឋនៅឃុំសណ្ដែក ស្រុកបាធាយ លោក ហ៊ុន ហាង មានប្រសាសន៍ថា ជារៀងរាល់ឆ្នាំ ពលរដ្ឋនៅក្នុងភូមិតែងនាំគ្នាមកធ្វើបុណ្យ ដោយយកចង្ហាន់មកវត្ត ឬមកលេងកម្សាន្តច្រើននៅថ្ងៃបុណ្យចូលឆ្នាំខ្មែរថ្ងៃដំបូង។ ក៏ប៉ុន្តែលោកថា ឆ្នាំនេះពលរដ្ឋនៅក្នុងឃុំភាគច្រើនជួបគ្រោះរាំងស្ងួត ដែលជាហេតុធ្វើឱ្យស្រូវរបស់ពួកគាត់ខ្លះខូចខាតទាំងស្រុង។ ស្របពេលស្រូវក៏ខូច បំណុលគេក៏ជំពាក់ ពលរដ្ឋខ្លះ ពិសេសយុវជននាំគ្នាទៅរកការងារធ្វើនៅតំបន់ឆ្ងាយៗ ខ្លះរហូតប្រទេសថៃ ក៏មាន […] http://ift.tt/eA8V8J
ពិធីបុណ្យចូលឆ្នាំថ្ងៃទី១នៅខេត្តកំពង់ចាម
![ពិធីបុណ្យចូលឆ្នាំថ្ងៃទី១នៅខេត្តកំពង់ចាម]()
Reviewed by yim PH
on
10:58 PM
Rating:
