វិធីសាស្ត្រ ៧ យ៉ាង ដើម្បីការពារ និង កាត់បន្ថយបញ្ហា ឈឺក្បាល យ៉ាងមានប្រសិទ្ធិភាព
តើអ្នកទទួលរងនូវបញ្ហាឈឺក្បាលជាញឹកញាប់ដែរ ឬ ទេ ? មូលហេតុដែលអ្នកធ្វើអោយអ្នកឈឺក្បាល អាច បណ្តាលមកពីការស្ត្រេស ឬ ការធ្វើការងារច្រើនម៉ោង ។ វាជាការសំខាន់ដើម្បីការពារការឈឺក្បាល ពីព្រោះ វាអាចនាំឱ្យអ្នកឈានទៅកើតជំងឺប្រកាំង ។ ប្រសិនបើអ្នកមានជំងឺឈឺក្បាលជាប្រចាំ ថ្ងៃនេះខ្មែរណូត សូមណែនាំគន្លឺះខ្លះ ៗ ដើម្បីអោយអ្នកអាចកាត់បន្ថយនូវបញ្ហាឈឺក្បាលនេះ ។
1. យកពេលខ្លះដើម្បីសម្រាក
ប្រសិនបើការឈឺក្បាលរបស់អ្នក បណ្តាលមកពីអ្នកធ្វើការច្រើន អ្នកគួរតែឆ្លៀតពេលសំរាកខ្លះក្នុងអំឡុងពេល ដែលអ្នកធ្វើការ ។ អ្នកអាចសម្រាក ដោយគ្រាន់តែបិទភ្នែកប្រហែលប្រាំនាទី ។ អ្នកអាចធ្វើដូចនេះបានដោយ អង្គុយនៅលើកៅអីរបស់អ្នក ស្តាប់ចម្រៀងដែលអ្នកចូលចិត្ត និង សម្រាក ។ ការសម្រាករយះពេលខ្លីអាចជួយគ្រប់គ្រងភាពតានតឹង ដែលអាចការពារការឈឺក្បាល ។
2. ញ៉ាំអាហារតិចៗ តែច្រើនដង
ការឈឺក្បាលអាច បណ្តាលមកពីជាតិស្ករក្នុងឈាមទាប ឬ សម្ពាធឈាមទាប។ ដូច្នេះ ការបរិភោគអាហារតិចៗ តែច្រើនដង ក្នុងមួយថ្ងៃ គឺមានសារៈសំខាន់ ។ ការញ៉ាំអាហារតិច អាចជួយគ្រប់គ្រងជាតិស្ករក្នុងឈាមរបស់អ្នក ។ ការញ៉ាំអាហារដែលសម្បូរទៅដោយប្រូតេអ៊ីន និងម៉ាញ៉េស្យូម ធ្វើអោយអ្នករហ័សរហួន និង មានរាងកាយរឹងមាំ។
3. ការម៉ាស្សា
ការម៉ាស្សា ជាវិធីសាស្រ្តដ៏ល្អក្នុងការទប់ស្កាត់ និង ព្យាបាលការឈឺក្បាលរបស់អ្នក ។ ម៉ាស្សាក្បាល រយះពេលដប់ប្រាំនាទីអាចធ្វើអោយសាច់ដុំរបស់អ្នកសម្រាក ។ ម៉ាស្សានៅលើសៀតផ្កា របស់អ្នកដើម្បីបន្ធូរបន្ថយភាពតានតឹង។ កាត់បន្ថយភាពតានតឹងដោយការម៉ាស្សាជារៀងរាល់ថ្ងៃ វានឹងជួយកាត់បន្ថយការឈឺក្បាលរបស់អ្នកក្នុងកម្រិតដ៏ល្អមួយ។
4. ទទួលទានវត្ថុរាវឱ្យបានគ្រប់គ្រាន់
ការខ្វះជាតិទឹក ក៏ជាមូលហេតុមួយនៃការឈឺក្បាល។ ប្រសិនបើអ្នកមិនផឹកទឹកឱ្យបានគ្រប់គ្រាន់ពេញមួយថ្ងៃនោះវានឹងបង្កឱ្យមានបញ្ហាខ្វះជាតិទឹក ដែលអាចបង្កឱ្យមានការឈឺក្បាល។ ដូច្នេះអ្នកគូរញ៉ាំ ទឹកយ៉ាងហោចណាស់ពីរលីត្រនៃទឹកពេញមួយថ្ងៃ។ អ្នកអាចញ៉ាំ ទឹកផ្លឈើស្រស់ ឬ តែបៃតងបន្ថែមក៏បាន ។ បង្កើនការទទួលទានវត្ថុរាវនៅក្នុងរបបអាហាររបស់អ្នកដើម្បីការពារការឈឺក្បាល។
5. កុំនៅមុខកុំព្យូទ័រច្រើនពេក
ការសម្លឹងមើលអេក្រង់កុំព្យូទ័ររយៈពេលយូរអាចបង្កឱ្យអ្នកឈឺក្បាល ។ ខណៈពេលកំពុងធ្វើការនៅមុខកុំព្យូទ័ររបស់អ្នក អ្នកអាចសម្លឹងមើលទៅទិសដៅមួយផ្សេងទៀត ជារៀងរាល់ ៥ ទៅ ១០ នាទីម្តង ។ សម្លឹងមើលអេក្រង់កុំព្យួទ័ររបស់អ្នករយៈពេលយូរក៏អាចបណ្តាលឱ្យសាច់ដុំនៅតំបន់ករបស់អ្នករឹង ដែលបណ្តាលឱ្យឈឺក្បាលផង ដែរ ។
6. ធ្វើលំហាត់ប្រាណជាទៀងទាត់
ការធ្វើលំហាត់ប្រាណអាចជួយទប់ស្កាត់បញ្ហាឈឺក្បាល ។ ការធ្វើលំហាត់ប្រាណជាទៀងទាត់ធ្វើឱ្យរាងកាយរបស់អ្នកដែលអាចបត់បែនបាន ដូច្នេះអ្នកមិនទទួលរងនូវបញ្ហាសាច់ដុំឡើងរឹង ឬការឈឺសាច់ដុំ ដែលអាចបង្កឱ្យមានការឈឺក្បាល ។ ការធ្វើលំហាត់ប្រាណក៏អាចបង្កើនអុកស៊ីសែនទៅកាន់ខួរក្បាល ដែលការពារបញ្ហាឈឺក្បាលរបស់អ្នក ។
7- កាត់បន្ថយការជក់បារី និង ការផឹកស្រា
ការជក់បារី និងការផឹកស្រាបណ្តាលឱ្យឈឺក្បាល ដូច្នេះវាជាការល្អក្នុងការកាត់បន្ថយវា។ ការជក់បារីបណ្តាលឱ្យខ្វះជាតិទឹកច្រើននៅក្នុងរាងកាយដែលជាលទ្ធផលធ្វើអោយឈឺក្បាលនេះ។ ការផឹកស្រាក៏បណ្តាលអោយមានបញ្ហាសម្ពាធឈាមក្នុងរាងកាយ។ សូមចៀសវាងការផឹកស្រានិងការជក់បារី ដើម្បីការពារបញ្ហាឈឺក្បាល ។
ដោយ៖ ខ្មែរណូត
ប្រភព៖ បរទេស
from Khmernote - The best entertainment website in Cambodia http://ift.tt/1E5dqja
