ប្រជាពលរដ្ឋប្តឹងពីមន្ត្រីជលផល៣នាក់ ជំរិតទារប្រាក់ ឈានដល់ប៉ុនប៉ងធ្វើឃាត តែតុលាការផ្អិបចោល តែបែរជាចាត់ការរឿងជលផល កំហូចប្តឹងចោទគាត់មួលបង្កាច់រឿងដាក់សម្រាស់វិញ
ខេត្តកំពង់ឆ្នាំង៖ រឿងក្តីបញ្ច្រាស់គ្នា២ ក្នុងថ្ងៃតែមួយ ត្រូវបានតុលាការលើកយកមកចាតត់ការតែមួយដោយរឿងសមត្ថកិច្ចជលផល៣នាក់ទៅ «ជំរិតទារលុយ និងគំរាមបាញ់សម្លាប់» មិនចាត់ការទេ បែរជាចាត់ការរឿងមន្ត្រីជលផលប្តឹងចោទប្រកាន់ខុសការពិតក្នុង ថាប្រជាពលរដ្ឋជាដើមបណ្តឹងបានដាក់សម្រាស់ខុសច្បាប់ទៅវិញ។ការប្តឹងផ្តល់គ្នាទៅវិញទៅមកនេះបានកើតហេតុតាំងពីថ្ងៃទី១៤ ខែកុម្ភៈ ឆ្នាំ២០១៣ មកម្លេះ ហើយតុលាការទើបតែកោះហៅប្រជាពលរដ្ឋជាប់ចោទមកជំនុំជម្រះនៅល្ងាចថ្ងៃទី៣០ ខែមិនា ឆ្នាំ២០១៥នេះ។ តែរឿងប្រជាពលរដ្ឋប្តឹងមន្ត្រីជលផល៣នាក់ថា បានជំរិតទារប្រាក់ និងគំរាមបាញ់សម្លាប់ កើតហេតុម៉ោង៨យប់ ថ្ងៃទី១៤ ខែកុម្ភៈ ឆ្នាំ២០១៣ និងបានដាក់ពាក្យបណ្តឹងនៅថ្ងៃទី១៩ ខែកុម្ភៈ ឆ្នាំ២០១៣ បែរជាតុលាការខេត្តកប់បាត់សូន្យឈឹងទៅវិញនេះជារឿងអយុត្តិធម៌ ជាក់ស្តែងណាស់ដែលទាមទារឲ្យតុលាការអនុវត្តបណ្តឹងរបស់ពួកគាត់។
លោក ទូច សាឡន អាយុ៣៥ឆ្នាំ មុខរបរលក់ដូរចាប់ហួយ រស់នៅភូមិក្រម៉ាល់ ឃុំប្រឡាយមាស ស្រុកកំពង់ លែង បាននិយាយអោយដឹងនៅល្ងាចថ្ងៃទី៣០ ខែមិនា ឆ្នាំ២០១៥ ក្នុងពេលតុលាករកោះហៅមកជុំនំជម្រះថា៖ កាលពីហេតុម៉ោង៨យប់ ថ្ងៃទី១៤ ខែកុម្ភៈ ឆ្នាំ២០១៣ មន្ត្រីជលផលខេត្ត៣នាក់ មាន៖ ១.ឃឹម ផាន ជាអ្នកកាន់កាំភ្លើង ២.ម៉ូវ ម៉ន និង៣.ប៉ាសីស បានទៅដល់ផ្ទះរបស់គាត់នៅចំណុចក្បាលកោះដូនតី ពេលនោះ គាត់កំពុងនៅរាយមងក្នុងព្រែកក្បែរផ្ទះ ពួកគេបានជំរិតទារប្រាក់ចំនួន១៥០ម៉ឺនរៀល ដោយចោទថា គាត់ជាអ្នកដាក់សម្រាស់ តែការពិតគាត់គឺជាអ្នកដាក់តែមងប៉ុណ្ណោះ ចំណែកសម្រាស់នៅក្បែរផ្ទះគាត់ជារបស់អ្នកផ្សេងនៅក្នុងភូមិ។ នៅពេលលនោះគាត់ថាគាត់ជាអ្នកដាក់មង មានលុយតែ៤០ម៉ឺនទេបើយកគាត់អោយ តែពួកគេមិនទទួលយក ហើយលើកកាំភ្លើងគំរាមបាញ់គាត់សម្លាប់ចោលបើមិនអោយលុយ១៥០ម៉ឺននោះទេ ក្នុងពេលនោះគាត់ភិតភ័យក៏បាន ស្រែកហៅអោយអ្នកក្នុងភូមិជួយឃើញដូច្នោះពួកគេក៏នាំគ្នាគេចខ្លួនអស់ទៅ។
នៅថ្ងៃទី១៩ ខែកុម្ភៈ ឆ្នាំ២០១៣ គាតត់បានដាក់ពាក្យប្តឹងនៅសាលាដំបូងខេត្ត ក្រោយមកមន្ត្រីតុលាការខេត្ត បានកោះហៅគាត់មកសាកសួរ២ដង ហើយក៏បង្កប់ផ្អិបរឿងនេះរហូតមកដល់សព្វថ្ងៃ។ ស្រាប់តែក្រោយមករូប គាត់ត្រូវបានគេប្តឹងចោទប្រកាន់ថា ជាអ្នកដាក់សម្រាស់ខុសច្បាប់ទៅវិញ ហើយត្រូវបានលោក សាន សុផាត ជាចៅក្រមស៊ើបសួរដាក់ស្ថិតនៅក្រោមការត្រួតពិនិត្យរបស់តុលាការ និងត្រូវបានតុលាការហោះហៅមកជំនំជំរះនៅល្ងាចថ្ងៃទី៣០ ខែមិនា ឆ្នាំ២០១៥នេះ។ នៅល្ងាចថ្ងៃនេះគាត់បាននាំសាក្សីក្នុងភូមិចំនួន៩នាក់ មកបំភ្លឺក្រុមប្រឹក្សាជំនុំជំរះ ប៉ុន្តែពេលគាត់បានប្រគល់ដីកាកោះហៅអោយមន្ត្រីនគរបាលនៅ តុលាការហើយនោះ រហូតដល់ម៉ោង៤ល្ងាច ទៅគេហៅចូលក្នុងបន្ទប់ជំនុំជំរះ ពេលនោះក្រុមប្រឹក្សាជំនុំជំរះ ថាមិនបានដឹងថាពួកគាត់មកទេ ឥឡូវហួសម៉ោងទៅហើយគឺត្រូវលើកទៅថ្ងៃក្រោយវិញ។ សូមបញ្ជាក់ថានៅរសៀលថ្ងៃនោះមានប្រជាពលរដ្ឋជាច្រើននាក់មកតវ៉ាជាមួយតុលាការរឿង តុលាការបង្កប់សំណុំរឿងឆរបោកលុយតុងទីងជាង២០០លានរៀល ជាង២ឆ្នាំមិនដោះស្រាយ ធ្វើអោយតុលាការភ័យព្រួយច្របូកច្របល់ ស្មានថាពួកគាត់មកតវ៉ារឿងតុងទីនជាមួយគេដែរទើប តុលាការភ្លេចហៅពួកគាត់ចូលបន្ទប់ជំនុំជំរះ។
សាក្សីចំនួន៩នាក់ ដែរបានមកជាមួយ លោក ទូច សាឡន ជាជនជាប់ចោទថា បានដាក់សម្រាស់នោះ បាន បញ្ជាក់ អោយអ្នកយកព័ត៌មានយើយដឹងថា៖ លោក ទុច សាឡន មិនដែលរកស៊ីដាក់សម្រាស់ខុសច្បាប់ទេ គឺដាក់តែមង និងលក់ដូរចាប់ហួយតែប៉ុណ្ណោះ ហេតុនេះស្នើសុំតុលាការផ្តល់យុត្តិធម៌អោយគាត់ផង។ដោយឡែករឿងលោក ទូច សាឡន ប្តឹងមន្ត្រីជលផលកំហូច៣នាក់ដើរគម្រាមគេយកលុយ និងប្រើកាំភ្លើងគម្រាមបាញ់សម្លាប់គេនោះ សូមលោកតុការការលើកយកមកជំនុំជំរះ ផង កុំផ្អិបចោលយូរពេក ស្រសិនបើមិនចាត់ការទេពួកគាត់នឹងប្តឹងទៅថ្នាក់លើដើម្បីរកយុត្តិធម៌ហើយ។
លោក ទូច សាឡន បាននិយាយអោយដឹងថា៖ លោកនឹងដាក់បណ្តឹងជាថ្មីសើរើរឿង ជំរិតទារប្រាក់ និងប៉ុនប៉ងធ្វើឃាតលោក ដែលរឿងនេះសូមលោកតុលាការខេត្តលើកយកមកជំនុំជំរះ ផ្តន្ទាទោសជនល្មើសទាំងនោះអោយបានត្រឹមត្រូវតាមច្បាប់ទើបលោកសុខចិត្តព្រោះពួកគាត់បានយកតួនាទី និងអាំជជំនាញគម្រាមគាត់យកប្រាក់ និងប៉ុនប៉ងបាញ្ស់ម្លាប់គាត់ចោលដែលគាត់គ្មានទោសអ្វីសោះនោះ៕ ដោយ យុវតីខេត្តកំពង់ឆ្នាំង
http://ift.tt/1I6BOne
