ពលរដ្ឋថា ដរចម្លងឆ្លូងគំពង់គរ ត្រូវប៉ាន់ចម្លងរថយន្តដឹកឈើល្មើសច្បាប់ចេញពីតំបន់ព្រៃឡង់ តែចំពោះអ្នកដំណើរធម្មតាគ្មានជួយរៀបចំសណ្តាប់ធ្នាប់
ខេត្តក្រចេះ៖ ប្រជាពលរដ្ឋ ក៍ដូចជាសិស្សានុសិស្សដែលធ្វើដំណើរតាមដរចម្លងកំពង់គរឆ្ពោះទៅស្រុកឆ្លូង បានរអ៊ូចំពោះ ដរចម្លងកំពង់ដរ ឆ្លូង ដែលមានថៅកែរជាមន្ត្រីយោធារ ឈ្មោះ មាត់ ហ៊ីម មានតួរនាទីជាមេបញ្ជាររងស្រុកឆ្លូង ថាតាំងពីត្រូវប៉ាន់ក្នុងការចម្លងរថយន្តដឹកឈើតូចធំ ក្នុងរយៈពេលជិតមួយឆ្នាំកន្លងទៅនេះ ហាក់ដូចជាមិនសូវរវល់នឹងប្រជាពលរដ្ឋអ្នកដំណើរធម្មតានោះទេ ។
កាលើកឡើងបែបនេះ ខណៈដែលអ្នកដំណើរជាច្រើននាក់នាំគ្នាឆ្លងតាមដរចម្លងមួយនេះ ឆ្ពោះទៅឃុំកំពង់គរ ស្រុកព្រែកប្រសព្វ កាលពីថ្ងៃទី១៩ ខែមិថុនាកន្លងទៅនេះ នៅលើដរចម្លងមួយនេះគេសង្កេតឃើញថា ពុំមានអ្នករៀបចំម៉ូតូ ឬរថយន្តអោយបានត្រឹមត្រូវនោះទេ គឺបណ្តោយអោយអ្នកដំណើរបើកឡើងហើយរៀប ចំទុកដាក់សំភារៈដោយខ្លួនឯង។ ក្នុងនោះគេសង្កេតឃើញចំពោះរថយន្តធន់ធំៗមួយចំនួនក៍គ្មានការដាក់កំណល់ទប់កង រថយន្តអោយបានត្រឹមត្រូវដែរ ។
បុរសវ័យចំណាស់ម្នាក់ដែរសុំមិនអោយបញ្ជេញអត្តសញ្ញាណបានរៀបរាប់ថា ដរចម្លងមួយនេះហាក់ដូចជាមានសភាពយឺតយ៉ាវណាស់ ជួនកាល មានអ្នកដំណើរជិះពេញហើយ ក៍មិនចេញដំណើរភា្លមដែរ ក្នុងដំណើរចុះឡើងមួយរាប់ម៉ោងទើបចេញដំណើរបន្តទៀត។ បរុសម្នាក់ទៀត ឈ្មោះ មៅ ដែលរួមដំណើរជា មួយគ្នានោះក៍បានបង្ហើបអោយដឹងដែរថា ចំពោះតម្លៃរឆ្លងទៅមក គេមិនសួវសាញនោះទេ សំខាន់សេវាគឺមានភាពយឺតយ៉ាវណាស់ បើសិនជាអ្នកមានជំងឺត្រូវប្រញ៉ាប់វីញក៍មិនអាចពន្លឿនដំណើរគេបានដែរ ។
ក្នុងនោះចំពោះតម្លៃវីញ ក៍អាចលើសពីសៀវភៅបន្ទុកច្រើនដែរ ដោយរថយន្ត ធន់តូចតម្លៃ១ម៉ឺនរៀល រថយន្តកូរេ២ភ្នៅ ដឹកទំនិញផ្ទាល់ខ្លួន ឬដឹកកសិផល ក្នុងមួយជើងទៅមកតម្លៃ ២២ម៉ឺនរៀលតែបើឆ្លងយប់វីញត្រូវប៉ះពូវបន្ថែម មួយចំនួនទៀតសម្រាប់អ្នកបើកប ។ ប្រជាពលរដ្ឋនិយាយតៗគ្នាថា បើប្រជាពលរដ្ឋអ្នកដំណើរធម្មតា ឆ្លងមានភាពយឺតយ៉ាវខ្លាំងណាស់ តែរថយន្តដឹកឈើវិញយប់ថ្មើរណាក៍ដោយអោយ call ហៅ ទៅចម្លងគេលឿនណាស់ ។
ប្រភពពីបងប្អូនអាជីវករ ដែលលក់ដូរ នៅឃុំកំពង់គរ ក្បែរកំពង់ដរចម្លងបានង្ហើបអោយដឹងថា នៅក្នុងរយៈពេលប៉ុន្មានខែកន្លងទៅនេះ គេសង្កេតឃើញ រថយន្តតូចធំគ្រប់ប្រភេទ មានទាំងប្រភេទរថយន្តដឹកគ្រឿងក្រអូប និងរថយន្តបែនដឹកដី ដឹកដំឡូងម៉ីបង្កាប់ឈើប្រណីត ឆ្លងតាមដរចម្លងខាងលើស្ទើរតែរាល់យប់ មិនដែលមានសមត្ថកិច្ចណាហ៊ានបង្ក្រាបនោះឡើយ ពួកឈ្មួញឈើបានចម្លងឈើជាហូរហែដោយសុខសាន្ត៕ និរតី
http://ift.tt/1Jiuwhr
