សពទារិកាកូនភ្លោះ២នាក់ទើបនឹងកើតត្រូវគេយកទៅបោះចោលនៅគំនរសំរាម
ខេត្តព្រះសីហនុ ៖ សពទារិកា២នាក់ ដែលគេសង្ស័យថាជាកូនភ្លោះទើបនឹងកើត ត្រូវបានគេយកមកបោះចោលក្នុងធុងសំរាមទុកឲ្យស្រមោចស៊ី និងរុយរោមយ៉ាងអាណោចអាធ័មបំផុតបង្កអោយមនុស្សម្នាស្ទើរមួយភូមិ មានការភ្ញាក់ផ្អើល ខណៈពេលពួកគេប្រទះឃើញ កាលពីព្រឹកថ្ងៃទី២២ ខែកក្កដា ឆ្នាំ២០១៥នេះ ស្ថិតនៅក្នុងភូមិលេខ១ សង្កាត់លេខ១ ក្រុង/ខេត្តព្រះសីហនុ(តំបន់ផ្ទះជួលខាងមុខរោងចក្រដេរស្បែកជើង( ញ៉ូរស្តារ)។
ជុំវិញហេតុការណ៍ប្រទះឃើញសពទារិកាខាងលើនេះត្រូវបាន លោក អនុសេនីយ៍ទោប្រាក់ ពុទ្ធា នាយប៉ុស្តិ៍រដ្ឋាបាលនគរបាលសង្កាត់លេខ០១ បានរៀបរាប់ប្រាប់ឲ្យដឹងថា៖ នៅព្រឹកកើតហេតុនោះ ខណៈពេលប្រជាពលរដ្ឋយកសំរាមមួយស្បោងទៅបោះចោល ក៏ស្រាប់តែប្រទះឃើញសពទារិកាទាំង២នោះប្រឡាក់សុទ្ធតែឈាម រុំកំណាត់កញ្ចាស់មួយផ្ទាំង បោះចោលក្នុងធុងសំរាម ដោយខ្លួនប្រាណទារិកា ត្រូវស្រមោចស៊ី និងរុយរោមគួរឲ្យអាសូរបំផុត។
លោកបន្តថា ហើយភ្លាមៗនោះ រូបគាត់ក៏បានស្រែហៅឲ្យគេឯងមកជួយមើល ព្រមទាំងទូរស័ព្ទជម្រាបមកសមត្ថកិច្ចប៉ូលិសប៉ុស្តិ៍រដ្ឋបាលសង្កាត់ លេខ១ របស់លោក ដើម្បីឲ្យទៅធ្វើការពិនិត្យ។ជុំវិញបញ្ហានេះ គេមិនដឹងថាអត្តសញ្ញាណម្ដាយទារិកាទាំងពីរនេះ ជាអ្នកណានៅឡើយទេហើយក៏មិនដឹងថាទារិកាទាំងពីរនេះត្រូវម្ដាយរបស់ ខ្លួនយកបោះចោលទាំងរស់ ឬស្លាប់ហើយបានយកមកបោះចោលនោះដែរ។
លោកបន្តទៀតថា៖ តែទោះបីជាយ៉ាងណាក៏ដោយ សម្រាប់បងប្អូនប្រជាពលរដ្ឋដែលបានឃើញហេតុការណ៍ដ៏សែនស្រណោះនេះ ដោយម្នាក់ៗបាននិយាយថា ម្ដាយទារិកាទាំងពីរនេះមិនដឹងជាមនុស្សចរិតបែបណាទេ ដែលបានយកកូនដែលកើតចេញពីផ្ទៃរបស់ខ្លួនទៅចោលនៅក្នុងធុងសំរាម ដូចខ្មោចឆ្កែ ខ្មោចឆ្មា ទុកឲ្យរុយរោមបែបនេះ វាជាអំពើអមនុស្សធម៌បំផុត។
បើតាមប្រភពមួយបានបង្ហើបថា៖ ម្ដាយទារិកាទាំងពីរជាស្ត្រីបម្រើការក្នុងរោងចក្រ(ដេរស្បែក ជើងញ៉ូ ស្តារ) ដោយស្ត្រីរូបនោះបានស្រឡាញ់លួចលាក់ជាមួយបុរសម្នាក់អស់រយៈពេលជាច្រើន ខែមកហើយ រហូតដល់មានផ្ទៃពោះមាន(កូនភ្លោះ)ទាំង២ខាងលើនេះ។ ពាក់ព័ន្ធនឹងសពទារិកាខាងលើនេះ។ ទារិកាទាំងពីរនេះមានអាយុពពោះប្រាំពីរខែ ប៉ុន្តែត្រូវម្ដាយរបស់វាចាក់ថ្នាំទម្លាក់សម្លាប់ចោល ខណៈពេលដែលបុរសជាអ្នកផ្ដល់កំណើតឲ្យទារិកាទាំងពីរនេះធ្វើ ការ បដិសេធន៍ព្យាយាមមិនទទួលខុសត្រូវ ជាហេតុធ្វើឲ្យស្ត្រីជាម្តាយដែលមានចរិតឆេវឆាវពោរ ពេញទៅកំហឹងផងនោះ និងចង់ចាញ់ចង់ឈ្នះ ក៏សម្រេចចាក់ថ្នាំរំលូតសម្លាប់កូនបែប នេះតែម្ដងទៅ។
តែទោះបីជាយ៉ាងណា អ្វីដែលបានបញ្ជាក់ខាងលើនេះវាគ្រាន់តែជាពាក្យចចាមអារ៉ាមតែ ប៉ុណ្ណោះ មិនអាចយកជាផ្លូវការនោះទេ។ បច្ចុប្បន្នសពទារិកាត្រូវបានអ្នកស្រុកអ្នកភូមិនាំគ្នាវេចខ្ចប់ដើម្បីកប់ឲ្យ បានត្រឹមត្រូវរួចរាល់ហើយ។ ចំណែកឯសមត្ថកិច្ចប៉ូលិសកំពុងធ្វើការស្រាវជ្រាវរឿងនេះជាបន្តទៀត ដើម្បីស្វែងរកការពិត និងមានវិធានការតាមផ្លូវច្បាប់៕សមុទ្រខៀវ
http://ift.tt/1CUZQjX
