ម្ចាស់សិប្បកម្មកែឆ្នៃឈើធំៗនៅខេត្តមណ្ឌលគិរីកំពុងសម្រុកធ្វើសកម្មភាពបំផ្លាញព្រៃឈើលោក ឡុង ប៊ុង ប្រធានព្រៃការពារមណ្ឌលគិរី WWS ចង្អុលដាក់ លោក កែប កក នាយខណ្ឌរដ្ឋបាលព្រៃឈើខេត្តជាអ្នកបើកដៃ
ខេត្តមណ្ឌលគិរី៖ ឈ្មួញរកស៊ីឈើធំៗ នៅខេត្តមណ្ឌលគិរីនាពេលបច្ចុប្បន្ន កំពុងតែបង្វែករូបភាពការជួញដូរឈើ ទៅជារូបភាព បើកសិប្បកម្មកែឆ្នៃឈើធំៗ គ្រប់ប្រភេទសម្រុកដឹកជញ្ជូនទៅស្រុកមេមត់ខេត្តត្បូងឃ្មុំ និងទៅភ្នំពេញ ដោយចំហដែលខ្វល់ជាមួយសមត្ថកិច្ចជំនាញ ដែលគេដាក់ការសង្ស័យថាប្រហែលក្រុមឈ្មួញទាំងនោះបានរត់ការបង់លុយ សមត្ថកិច្ចតាមដងផ្លូវជាមុនអស់ទៅហើយ ទើបមានការដឹកជញ្ជូនបានដោយសេរី និងគេពុំបានដែលបានឃើញជំនាញរដ្ឋបាលព្រៃឈើ និងសម្ថកិច្ចពាក់ព័ន្ធបង្ក្រាប់ឡើយ ហើយបានធ្វើឲ្យគេមើលឃើញសកម្មភាពដឹកជញ្ជូនឈើមិនទាន់កែឆ្នៃ និងឈើកែឆ្នៃមានសភាពមមារញឹកគ្រប់ទីកន្លែងនៅក្នុងខេត្តមណ្ឌលគិរី។
បច្ចប្បន្នគេសង្កេតឃើញសិប្បកម្មកែរច្នៃឈើជាច្រើនកន្លែង កំពុងធ្វើសកម្មភាពកែរច្នែយ៉ាងសកម្មក្នុងស្រុកពេជ្រា ដា ពិសេស ឃុំពូជ្រៃ គ្រាន់តែភូមិចុងផាង (ក្រុមដេអេ) មានរោងសិប្បកម្មមិនតិចជាង ២០កន្លែងនោះទេ ហើយភាគ ច្រើនសុទ្ធតែគ្មានច្បាប់អនុញ្ញាតទៀតផងតែដោយសារក្រុមឈ្មួញប្រើលុយបិទបាំងអំពើល្មលសច្បាប់របស់ពួកគេ។ ហើយបើយោងតាម ច្បាប់ស្ដីពីសិប្បកម្ម រោងសិប្បកម្មអាចអនុញ្ញាតអោយធ្វើបានតែមួយកន្លែង ហើយទីតាំងត្រូវ មានចំងាយជាង៥គីឡូម៉ែត្រពីព្រៃឈើ ហើយការផ្គត់ផ្គង់ឈើសម្រាប់កែឆ្នៃតម្រូវអោយមានក្រុមហ៊ុនស្របច្បាប់ជាអ្នកផ្គត់ផ្គង់ ហើយការស្តុកឈើនោះទៀតមិនឲ្យលើសពី១៣ម៉ែត្រគុបនោះទេសម្រាប់ទុកកែឆ្នៃ ។
ពលរដ្ឋបានរាយការណ៍ឲ្យដឹងថា តំបន់ដែលកើតមានរោងសិប្បកម្មដ៏ច្រើននោះ គឺស្ថិតក្នុង ព្រៃអភិរក្ស ជាតំបន់ព្រៃការពារមណ្ឌលគិរី ដែលមានផ្ទៃដីលាតសន្ធឹងប្រមាណជា៣៧ម៉ឺនហិចតា ហើយត្រូវបានគេមើលឃើញថា ឈើគ្រប់ប្រភេទដែលដឹក យកមកកែឆ្នៃតាមរោងសិប្បកម្មទាំងនោះ គ្មានក្រុមហ៊ុនណាមួយផ្គត់ផ្គង់ឡើយ គឺសុទ្ធឈើខុសច្បាប់ទាំងស្រុងដឹកចេញពីតំបន់ព្រៃការពារមណ្ឌលគិរី ដែលគ្រង់គ្រងដោយលោក ឡុង ប៊ុង ប្រធានព្រៃការពារមណ្ឌលគិរី WWS ។ ប្រភពបានបញ្ជាក់ថា បើពុំមានការឃុបឃិតពីជំនាញគ្រប់គ្រង និងសមត្ថកិច្ចពាក់ព័ន្ធនោះទេឈ្មួញមិនអាចប្រព្រឹត្តល្មើសបានឡើយ។
មេប៉ុស្គិ៍ឃុំពូជ្រៃ លោក ត្រាង ប៊ុនធឿន និយាយថា កន្លែងរោងសិប្បកម្មនៅឃុំពូជ្រៃពិតជាមានចំនួនច្រើនមែន ហើយសិប្បកម្មទាំនោះសុទ្ធតែអះអាងថា មានច្បាប់អនុញ្ញាត ហើយឈើសម្រាប់កែឆ្នៃម្ចាស់សិប្បកម្មទាំងនោះសុទ្ធតែឈើខុសច្បាប់ ដឹកចេញពីព្រៃការពារមណ្ឌលគិរី ។ ចំណែប្រធានព្រៃការពារមណ្ឌលគិរី លោក ឡុង ប៊ុង បានឲ្យ ដឹងដែរថា ចំពោះរោងសិប្បកម្មដែលអនុញ្ញាតអោយធ្វើសកម្មភាពកែឆ្នៃឈើនៅទីតាំងលើ លោកនិយាយថា សួរទៅខណ្ឌរដ្ឋាបាលព្រៃឈើ ចំណែករឿងបទល្មើសព្រៃឈើកើតក្នុងតំបន់ព្រៃការពារ លោកសូមអោយជួយផ្ដល់ព័ត៌មានអោយគាត់ ព្រោះកម្លាំងសមត្ថកិច្ចរបស់លោកមានគ្នាតិចពិបាកក្នុងការធ្វើការ ហើយនាពេលកន្លងមកពេលថ្មីៗនេះ កម្លាំងសមត្ថកិច្ចរបស់លោកបង្ក្រាប់បានបទល្មើយព្រៃឈើនិងសត្វព្រៃជាច្រើនករណីមកហើយដែរ។
ជុំវិញព័ត៌មានខាងលើកនាយខណ្ឌរដ្ឋបាលព្រៃឈើខេត្តមណ្ឌលគិរី លោក កែប កក មិនអាចទំនាក់ទំនងសុំការបំភ្លឺបានទេ ដោយទួរស័ព្ទរបស់ហៅចូលច្រើនដងគ្មានអ្នកលើក។ គួររំលឹកដែរថា ថ្មីៗនេះ រដ្ឋមន្ត្រីក្រសួងយុត្តិធម៌ធ្លាប់បានស្នើអោយព្រះរាជអជ្ញាអមសាលាដំបូងខេត្តមណ្ឌលគិរី ដែលមកកាន់តំណែងថ្មី ជួយពិនិត្យឡើងវិញ ករណីបទល្មើសព្រៃឈើនៅមណ្ឌលគិរី ហើយរយៈពេលចុងក្រោយនេះនៅទូរទាំងខេត្តមណ្ឌលគិរី ហាក់បីដូចស្ងប់ស្ងាត់បន្តិចមែន ប៉ុន្តែសិប្បកម្មកែរច្នៃឈើហាក់បីមានសន្ទុះកើនឡើងខុសប្លែក ដែលជាប្រភពបំផ្លិចបំផ្លាញព្រៃឈើដ៏សាហារ ផងដែរ៕ ឦសាន២
http://ift.tt/1L3Z6MI
