មន្ត្រីនគរបាលម្នាក់ប្រចណ្ឌ វាយប្រពន្ធដូចរន្ទះល្បីពេញខេត្តកំពង់ឆ្នាំង តែមិនទាន់មានទោស
ខេត្តកំពង់ឆ្នាំង ៖ មន្ត្រីនគរបាលប៉ុស្តិ៍ម្នាក់ត្រូវបានឃាត់ខ្លួនបញ្ជូនមកស្នងការដ្ឋាននគរបាលខេត្តនៅព្រឹកថ្ងៃទី១៩ ខែកុម្ភៈ ឆ្នាំ២០១៦ តាមបញ្ជាររបស់លោកស្នងការនគរបាលខេត្ត ដើម្បីសាកសួរ បន្ទាប់ពីជនរងគ្រោះជាប្រពន្ធ មានប្តឹងទៅអង្គការសិទ្ធមនុស្ស ថាបុរជាប្តីបានប្រើអំពើហិង្សាវាយដំជាច្រើនលើកកាលពី៥ថ្ងៃមុន នៅក្នុងភូមិគោកបន្ទាយ ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចបានអោយដឹងថា៖ ស្ត្រីរងគ្រោះ មានឈ្មោះ សែន រី អាយុ៣៨ឆ្នាំ រស់នៅក្នុងភមិគោកបន្ទាយ ឃុំគោក បន្ទាយ ស្រុករលាប្អៀរ បានទៅកាន់ទីស្នាក់ការ សមាគមការពារសិទ្ធិមនុស្សអាដហុក ប្រចាំខេត្តកំពង់ឆ្នាំង ដើម្បីសុំការអន្តរាគមន៍ បន្ទាប់ពីរូបគាត់ត្រូវបានប្តីឈ្មោះ មិត្ត ធា ជាមន្ត្រីរនគរបាលប៉ុស្តិ៍ វាយធ្វើបាបជាច្រើនលើក ហើយរឿងនេះត្រូវបានដឹងដល់លោកស្នងការ ទើបលោកស្នងការនគរបាលខេត្តបានបញ្ជាអោយ នាំមន្ត្រីនគរ បាល រូបនោះមកធ្វើការសាកសួរ។
ស្ត្រីរងគ្រោះបានរៀបរាប់អោយដឹងថា ៖គាត់មានកូន៥នាក់ជាមួយប្តីមុន ប៉ុន្តែបានលែងលះគ្នារួចរាល់ហើយ។ កាលពីជាង៣ខែមុននេះ គាត់បានស្គាល់មន្ត្រីនគរបាលប៉ុស្តិ៍គោកបន្ទាយ ស្រុករលាប្អៀរ ខេត្តកំពង់ឆ្នាំងម្នាក់ឈ្មោះ មិត្ត សុធា និងបានព្រមព្រៀងរស់នៅជាមួយគ្នាជាប្តីប្រពន្ធ ដោយមិនបានរៀបការឡើយ ។
នៅក្នុងរយៈពេលបីខែកន្លងទៅ ពេលគាត់បានរស់នៅជាមួយប្តីជាមន្ត្រីនគរបាលប៉ុស្តិ៍រូបនេះ គេតែងតែវាយធ្វើបាបគាត់ជាញឹកញាប់ដោយសាររឿងប្រច័ណ្ឌ ។ លើកចុងក្រោយគឺនៅថ្ងៃទី១៣ ខែកុម្ភៈ ឆ្នាំ២០១៦ គាត់បានទៅបេះឈូកនៅខាងក្រោយភូមិ ស្រាប់តែប្តីបានចោទគាត់ថា មានប្រុស សាហាយ និងបានវាយធ្វើបាបគាត់យ៉ាងខ្លាំង និងបានចាប់កាត់សក់គាត់ចោល ហើយពន្យុះគាត់អោយទៅប្តឹងថែមទៀតផង ។ ដោយសារទ្រាំនឹងការវាយធ្វើបាបរបស់ប្តីជានគរបាលនេះមិនបាន ទើបគាត់មកប្តឹងអង្គការសិទ្ធិមនុស្សអោយមកជួយអន្តរាគមន៍។
ដោយឡែកសមត្ថកិច្ចជំនាញនគរបាលខេត្ត មិនទាន់អោយដឹងអំពីលទ្ធផល នៃការសាកសួរចម្លើយរបស់មន្ត្រី នគរបាលដែលរងការចោទប្រកាន់នោះនៅឡើយទេ។ រឿងនេះគេកំពុងតាមដានមើលថាតើ លោកស្នងការ នគរបាលខេត្ត និងចាត់ការយ៉ាងណាចំពោះមន្ត្រីនគរបាល ដែលបានប្រើអំពើហិង្សាល្មើសច្បាប់ចំពោះប្រពន្ធខាងលើនេះ៕ រិទ្ធិ ជួយ
http://ift.tt/1Ufsen2
