ប្រទេសចិន ៖ អ្នកម្ដាយជនជាតិចិនមួយរូបបានដាច់ចិត្តទម្លាក់កូនក្នុងផ្ទៃចោលភ្លាមក្រោយពេលដែលពិនិត្យឃើញថា កូនរបស់ខ្លួនមានរូបរាងដូចនាងមច្ឆា ។ នាង Wu ម្ដាយវ័យក្មេងដែលមានអាយុត្រឹមតែ ២៣ ឆ្នាំ រូបនេះបានពរពោះកូនរបស់ខ្លួនអស់រយៈកាល ៦ ខែមកហើយ មុនពេលរូបនាងសម្រេចចិត្តទៅពិនិត្យផ្ទៃពោះក្នុងមន្ទីរពេទ្យ Hubei ក្នុងប្រទេសចិន ។
រឿងដែលគួរឱ្យរន្ធត់ថែមទៀតនោះគឺសារព័ត៌មានរបស់ចិនបានបញ្ជាក់ឱ្យដឹងថា កូនក្នុងផ្ទៃរបស់នាង Wu មិនមានតម្រងនោមនោះឡើយ ហើយថែមទាំងក្រិនថ្លើមទៀតផង ។ ក្រុមគ្រូពេទ្យបានបញ្ជាក់ឱ្យដឹងថា នេះជាករណីនៃជំងឺឆ្លងដ៏កម្រមួយដែលធ្វើឱ្យទារកនោះមានរូបរាងដូចជានាងមច្ឆា ។ ហើយបើសិនជាទុកឱ្យទារកនោះកើតមកនោះ ក៏គេមានជីវិតត្រឹមតែរយៈពេលប៉ុន្មានម៉ោងប៉ុណ្ណោះក្រោយពេលកើត ដូច្នេះហើយបានជានាង Wu សម្រេចចិត្តទម្លាក់គេចោលទាំងសោកសង្រេងជាទីបំផុត ។
តាមអ្នកស្រាវជ្រាវបានឱ្យដឹងថា ជំងឺដ៏កម្រនេះក៏ធ្លាប់កើតទៅលើក្មេងស្រីអាមេរិកម្នាក់ផងដែរ ឈ្មោះថា Shiloh Pepin ប៉ុន្តែក្មេងស្រីរូបនេះអាចមានជីវិតបានតែ ១០ ឆ្នាំប៉ុណ្ណោះក្នុងឆ្នាំ ២០០៩ ទោះបីជានាងឆ្លងកាត់ការវះកាត់ជាច្រើនលើកច្រើនសារក៏ដោយ ៕
វង្សា ប្រភព ៖ Dailymail
http://ift.tt/2aOtU3K
