នគរបាលថា៖ ក្រុមចោរ៦នាក់រៀបគម្រោងធ្វើសកម្មភាពគាស់ផ្ទះឃុំក្រាំងយ៉ូវ ស្រុកស្អាងចាប់បានទាំងអស់បាញ់បាក់ជើងម្នាក់
ខេត្តកណ្តាល៖ តាមការអះអាងនគរបាលខេត្តកណ្តាលថា បុរសចំនួន៦នាក់ប្រើប្រាស់រថយន្តហាយឡែនឌ័រ ពណ៌ស្ករ បើកបរអង្កេតរងចាំឱកាសល្អនឹងធ្វើសកម្មភាពប្លន់ នៅឃុំក្រាំងយ៉ូវស្រុកស្អាង ប៉ុន្មានថ្ងៃមកហើយ។ ក្រោមការតាមដានឃ្លាំមើលសមត្ថកិច្ច ហើយបានឈានបើកប្រត្តិបត្តការបង្ក្រាបតែម្តង ដោយកម្លាំងនាយកដ្ឋានព្រហ្មទណ្ឌក្រសួងសហការជាមួយកម្លាំងនគរបាលខេត្តកណ្តាលនគរបាលស្រុកស្អាងនិងនគរបាលប៉ុស្តិ៍ជុំក្រាំងយ៉ូវ ចាប់បានទាំងជនសង្ស័យ និងរតយន្តខណៈកំពុងឡោមព័ន្ធជនសង្ស័យម្នាក់បានព្យាយាមរត់គេច ក៏ត្រូសមត្ថកិច្ចបាញ់បាក់ជើង ។ប្រតិបត្តការបង្ក្រាបជនសង្ស័យនេះបានធ្វើឡើងកាលពីវេលាម៉ោង ១៨ និង០៦ នាទី ថ្ងៃទី០៤ ខែសីហា ឆ្នាំ២០១៦ ស្ថិតនៅចំណុច ភូមិអំពិលលាស់ ឃុំក្រាំងយ៉ូវ ស្រុកស្អាង ខេត្តកណ្តាល។
ប្រភពពីនគរបាលខេត្កណ្ដាលបាននិយាយថា៖ ក្រុមប្លន់ ប្រដាប់អាវុធសកម្ម១ក្រុមនេះ មានបក្ខពួក០៦នាក់ ដែលបានប្រើប្រាស់រថយន្តម៉ាក ហាយឡែនឌ័រ ពណ៌ស្ករ ផលិតឆ្នាំ២០០២ ដែលបន្លំខ្លួនជាកម្មករ សំណង់ ត្រៀមធ្វើសកម្មភាពប្លន់នៅក្នុងភូមិសាស្ត្រខេត្តកណ្តាល ត្រូវបានចាប់ខ្លួនមុនពេលធ្វើសកម្មភាពមានឈ្មោះដូចខាងក្រោម៖ ១-ឈ្មោះ ប៊ិត តឿ ភេទប្រុស អាយុ៣៥ឆ្នាំ ស្នាក់នៅភូមិស្វាយជ្រុំ ឃុំស្វាយទង ស្រុកមេសាង ខេត្តព្រៃវែង មុខរបរ ធ្វើស្រែ (មុខសញ្ញាចាស់ធ្លាប់ប្លន់ច្រើនដងនិងយើងកំពុងតាមរកចាប់) មានដីកាចាប់ខ្លួនប្លន់ក្របី១៤ក្បាលនៅរតនគីរី។
២-ឈ្មោះ ម៉ុន ខុន ភេទប្រុស អាយុ៤៨ឆ្នាំ ស្នាក់នៅភូមិ៩ ឃុំរង្សី ស្រុកកោះញែក ខេត្តមណ្ឌលគិរី មុខរបរ កម្មករសំណង់ ។ ៣-ឈ្មោះ ជា ពេជ្រ ភេទប្រុស អាយុ៣៥ឆ្នាំ ស្នាក់នៅភូមិក្រោក ឃុំសំបួរ ស្រុករមាសហែក ខេត្តស្វាយរៀង មុខរបរ ធ្វើស្រែ (ធ្លាប់ប្លន់សកម្ម)។ ៤-ឈ្មោះ អូ វន ភេទប្រុស អាយុ២៤ឆ្នាំ ស្នាក់នៅភូមិចក ឃុំផ្សារក្រោម ក្រុងសៀមរាប ខេត្តសៀមរាប មុខរបរ កម្មករសំណង់ (ធ្លាប់ប្លន់សកម្ម) ៥-ឈ្មោះ ឃឹម ធា ភេទប្រុស អាយុ៤៨ឆ្នាំ ស្នាក់នៅផ្ទះជួល ភូមិត្នោតជ្រុំ សង្កាត់បឹងទំពុន ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ ។ ៦-ឈ្មោះ ជា រដ្ឋា ភេទប្រុស អាយុ៤២ឆ្នាំ ស្នាក់នៅភូមិក្របៅ ឃុំក្របៅ ស្រុកកំចាយមារខេត្តព្រៃវែង មុខរបរ កម្មករដាំដំឡុង ។
ប្រភពបានបញ្ជាក់ថា៖ សម្ភារៈដកហូតមាន៖ -រថយន្ត០១គ្រឿង -កន្ត្រៃកាត់ដែក ១ -ដែកគាស់ ១ -ញញួរ ១ -ពិល ២ -មួកក្រណាត់ ៥-ខោអាវភ្លៀង ២កំផ្លេរ -ខ្សែកន្ថា និងកន្សែងយ័ន្ត -ស្បែកជើងប៉ាតា ៣គូ។ ប៉ូលីសថា ក្រុមជនសង្ស័យបានសារភាពបឋម ពួកវារៀបចំគម្រោងធ្វើសកម្មភាពគាស់ផ្ទះនៅក្នុងភូមិសាស្ត្រ ស្រុកស្អាង ខេត្តកណ្តាល ។ ហើយក៏ធ្លាប់ប្លន់នៅតាមខេត្តមួយចំនួនទៀតផងដែរ។ សមត្ថកិច្ចកំពុងបន្តសួរចម្លើយដើម្បីចងក្រងសំណុំរឿងបញ្ជូនទៅតុលាការ៕
http://ift.tt/2aY2LRI
