កាន់តែមែនទែនហើយ សុគន្ធ ថេរ៉ាយុ ហ៊ាននិយាយពីគម្រោងរៀបការជាមួយ រ៉ាប៊ី

ខណៈដែលចម្ងល់ស្នេហ៍តារាចម្រៀងក្រោមដំបូលផលិតកម្មតែមួយលោក សុគន្ធ ថេរ៉ាយុ និង
កញ្ញា រ៉ាប៊ី ត្រូវបានទស្សនិកជនជាច្រើនគាំទ្រឲ្យពួកគេក្លាយជាគូស្នេហ៍បើកចំហមក នៅពេលនេះលោក សុគន្ធ ថេរ៉ាយុ បានធ្វើបទសម្ភាសជាមួយអ្នកកាសែតក្នុងស្រុកមួយរូបថា ចង់ឲ្យមានពិធីរៀបការជាមួយកញ្ញា រ៉ាប៊ី ពិតប្រាកដ ហើយបើសិននិស្ស័យពួកគេមានពិតមែន គេនឹងហៅអ្នកសែតរូបនោះញ៉ាំការជាភ្ញៀវពិសេសថែមទៀតផង។

ការលើកឡើងក្នុងកិច្ចសន្ទនានេះមិនដឹងថា លោក សុគន្ធ ថេរ៉ាយុ និងកញ្ញា រ៉ាប៊ី បានបង្កើតទំនាក់ទំនងក្រៅឆាកសិល្បៈស៊ីជម្រៅបែបណានោះទេ ទើបតារារូបនេះហ៊ានលាតត្រដាងទឹកចិត្តរបស់ខ្លួនមានចំពោះកញ្ញា រ៉ាប៊ី ប្រាប់ដល់មហាជន រហូតហ៊ានព្រលយសម្តីពាក់ព័ន្ធទៅដល់ពិធីរៀបមង្គលការថែទៀត។

ទោះយ៉ាងណាក្រៅពីការបញ្ចេញនូវពាក្យសម្តីពីមាត់ផ្ទាល់នេះដែរ លោក សុគន្ធ ថេរ៉ាយុ ក៏បានទទួលស្គាល់ថា លោកបានចាប់ដៃគូច្រៀងជាមួយតារាចម្រៀងស្រីច្រើនរូបមកហើយ ប៉ុន្តែអ្នកទាំងនោះមិនដែលមានអ្នកណាម្នាក់ធ្វើឲ្យលោកមានអារម្មណ៍ចូលចិត្ត ដូចជាកញ្ញា រ៉ាប៊ី ទេ។ ក្នុងបទសម្ភាសន៍នេះ ទោះជាមិនទាន់មានការឆ្លើយតបពីកញ្ញា រ៉ាប៊ី ជុំវិញពាក្យសម្តីលោក សុគន្ធ ថេរ៉ាយុ ខាងលើនេះក្តី ប៉ុន្តែតារាប្រុសរូបនេះក៏បាននិយាយជំនួស រ៉ាប៊ី ថា នាងក៏ចូលចិត្តរូបលោកខ្លាំង ខុសប្លែកពីដៃគូរបស់នាងមុនៗផងដែរ៕

http://ift.tt/2mMzHBE