អត់មានថវិការដ្ឋាភិបាលជួយឧបត្ថម្ភ ពួកអ្នកភូមិម៉ុងសម្រេចចិត្តរួមកម្លាំងគ្នាធ្វើផ្លូវខ្លួនឯង
ពួកអ្នកភូមិជនជាតិម៉ុង (Hmong) នៅក្នុងភូមិចំនួន៣ ស្ថិតក្នុងស្រុក Chat Trakan ខេត្ត Tambon Bo Pak រួមកម្លាំងគ្នាជួសជុលផ្លូវដោយខ្លួនឯង ប្រវែង ២១ គីឡូម៉ែត្រ នៃផ្លូវ Bo Pak-Ban Nam Juang ខណៈដែលពុំមានថវិការដ្ឋាភិបាលសំរាប់ជួសជុល ។
តាមប្រភពព័ត៌មានបានឲ្យដឹងថា Bo Pak-Ban Nam Juang ដែលជាផ្លូវដ៏សំខាន់មួយតភ្ជាប់ភូមិចំនួន ៣ ទៅកាន់«ពិភពខាងក្រៅ» បាននិងកំពុងទាមទារឲ្យមានការជួសជុល ព្រោះថា នៅអំឡុងរដូវវស្សា ផ្លូវនេះវាក្លាយជាកន្លែងទឹកហូរ ។
បងប្អូនពលរដ្ឋម៉ុងទាំងនោះ ដែលដឹកនាំដោយមេក្រុមឈ្មោះ Yee Saeyang បានមកជួបជុំគ្នាកាលពីថ្ងៃសុក្រ កន្លងទៅនេះ ដោយម្នាក់ៗបាននាំមកជាមួយ កាំបិត, ចបកាប់ និងប៉ែល ក៏ដោយជាដុំថ្ម និងស៊ីម៉តិ៍ ដើម្បីចាក់បំពេញគ្រហ៊ូងធំៗ និងកាប់មែកឈើ ។
អ្នកភូមិឈ្មោះ Chor Woradamrongkul និយាយថា ប្រជាជនក្នុងតំបន់បានសម្រេចចិត្តចាត់វិធានការនេះ គឺដើម្បីកែលំអសហគមន៍របស់ពួកគេ ខណៈពុំមានការជួយឧបត្ថម្ភហិរញ្ចវត្ថុពីរដ្ឋាភិបាល ។
សូមបញ្ជាក់ថា «Hmong» គឺជាក្រុមជនជាតិភាគតិចមកពីតំបន់ភ្នំនៃប្រទេសចិន, វៀតណាម, ឡាវ, មីយ៉ាន់ម៉ា និងថៃ។ ម៉ុងក៏ជាក្រុមតូចមួយនៃជនជាតិភាគតិចមៀវ (Miao) នៅក្នុងប្រទេសចិនផងដែរ ៕
http://ift.tt/2rxZ6Bx
