បុរសម្នាក់ត្រូវតុលាការឃុំខ្លួននៅក្នុងពន្ធនាគារព្រោះតែបានបាញ់ព្រួញចំបុរសម្នាក់ចាប់រំលោភប្រពន្ធខ្លួនអោយរងរបួស
ខេត្តកំពង់ឆ្នាំង៖ បុរសម្នាក់ត្រូវបានតុលាការ សម្រេចឃុំខ្លួនក្នុងពន្ធនាគារខេត្ត នៅរសៀលថ្ងៃទី២៨ ខែមិថុនា ឆ្នាំ២០១៧ ដោយបានចោទប្រកាន់ពីបទប្រើអំពើហឹង្សាដោយចេតនា ដោយបានយកព្រួញបាញ់ និងវាយទៅលើបុរសម្នាក់ទៀតអោយរងរបួស ខណះបុរសរូបនោះកំពុងប្រតាយប្រតប់ចាប់ប្រពន្ធខ្លួនរំលោភ (នឹងធ្លាប់ចាប់រំលោភបានសម្រេចជាច្រើនដង) ដែលរឿងនេះបានកើតឡើងនៅវេលាម៉ោង១១និង៣០នាទីអាធ្រាតុ ថ្ងៃទី២៥ ខែមិថុនា នៅក្នុងភូមិព្រែកឆ្តោរ ឃុំកំពង់អុស ស្រុកជលគីរី ខេត្តកំពង់ឆ្នាំង។
យោងតាមរបាយការណ៍របស់សមត្ថកិច្ចនគរបាលព្រហ្មទណ្ឌ័កំរិតស្រាលខេត្ត ដែលបានសួរចម្លើយជនជាប់ចោទ ឈ្មោះ ឈូក សំណាង អាយុ៥៥ឆ្នាំ មានទីលំនៅភូមិឃុំកើតហេតុខាងលើបានអោយដឹងថា៖ នៅយប់កើតហេតុ រូបគេបានឃើញប្រពន្ឋ្ធរបស់ខ្លួនចុះទៅក្រោយផ្ទះ ដោយមានការសង្ស័យគាត់ក៏បានលបដើរទៅតាមក្រោយ ដោយកាន់កំពួច(ធ្នូបាញ់កណ្តុរ) ទៅជាមួយផង។ ពេលដើរបានប្រហែល៦០ម៉ែត្រពីផ្ទះ បានច្របាច់ពិលបំភ្លឺ ស្រាប់តែឃើញប្រពន្ធគាត់កំពុងប្រតាយប្រតប់គ្នាជាមួយបុរសឈ្មោះ គង់ ភឿក (ជាអ្នកធ្លាប់រំលោភប្រពន្ធគាត់ជាច្រើនដង )ដែលជាអ្នកភូមិជាមួយគ្នា ស្រាប់តែពេលនោះឈ្មោះ គង់ ភឿកបានស្ទុះមកវាយគាត់ ពេលនោះគាត់ក៍បានបាញ់កំពួចត្រូវចំទ្រូងឈ្មោះ គង់ ភឿក ១ព្រួញហើយឈ្មោះ គង់ ភឿកបានដកគ្រាប់ព្រួញចេញពីទ្រូង និងស្ទុះមកវាយគាត់ទៀត ហើយក៍បានប្រតាយប្រតប់គ្នា បន្ទាប់មកអ្នកជិតខាងក៏ចូលមកជួយ ទើបឈ្មោះ គង់ ភឿក រត់គេចខ្លួនបាត់ ។
ចំណែកស្ត្រីឈ្មោះ ស .ល អាយុ៥១ឆ្នាំ ជាប្រពន្ធជនជាប់ចោទវិញបានអោយដឹងថា៖ នៅថ្ងៃកើតហេតុ ឈ្មោះ គង់ ភឿក បានទូរសព្ទ័មកប្រាប់គាត់ថា អោយគាត់ទៅយកប្រាក់ ដែលឈ្មោះគង់ ភឿក បានជំពាក់១០០ដុល្លា ពេលនោះគាត់បានលបលួចចុះទៅក្រោយផ្ទះ ហើយបានជួបឈ្មោះ គង់ ភឿក តែពេលនោះឈ្មោះ គង់ ភឿក ប្រាប់ថា មានតែ១០ម៉ឺនរៀលទេ ហើយអោយទៅយកនៅផ្ទះខ្លួន (គង់ ភឿក) បន្ទាប់មករូបគាត់បានដើរតាមឈ្មោះគង់ ភឿក បាន៣-៤ជំហាន ស្រាប់តែប្តីគាត់ឈ្មោះ ឈូក សំណាង បានបាញ់មួយព្រួញ ត្រូវចំឈ្មោះ គង់ ភឿក និងបានស្ទុះមកប្រតាយប្រតប់គ្នា ដោយប្តីគាត់បានវ៉ៃឈ្មោះ គង់ ភឿក មួយដងកំពួចបែកក្បាលបន្ថែមទៀត ចំណែកគាត់ជាប្រពន្ធ បានស្ទុះទៅឃាត់ត្រូវប្តីគាត់វាយ១ដងកំពួចបណ្តាលអោយបែកក្បាលដែរ ។
ស្ត្រីជាប្រពន្ធបានរំលឹកដំណើររឿងពីមុនមកថា៖ ឈ្មោះ គង់ ភឿក ធ្លាប់ចាប់រំលោភគាត់ជាច្រើនលើ កណាស់មកហើយ ដូចជាកាលខែមេសា ឆ្នាំ២០១៤ ម៉ោងប្រហែល១០យប់ ខណៈប្តីគាត់ទៅភ្នំពេញ២-៣ថ្ងៃ ឈ្មោះគង់ ភឿក បានមកចាប់រំលោភគាត់ដល់ផ្ទះ ទោះបីគាត់ខំសំពះអង្វរយ៉ាងណាក្តី ក៍ឈ្មោះ គង់ ភឿក ចាប់បង្ខំគាត់រំលោភទាល់តែបានសម្រេច ។ ក្រោយពីនោះបាន ២-៣ ថ្ងៃ ឈ្មោះគង់ ភឿក បានមកចាប់រំលោ ភគាត់ដល់ផ្ទះទៀត តែរូបគាត់មិនហ៊ានប្រាប់ប្តីទេ ។ រយៈពេល៣ឆ្នាំកន្លងទៅនេះ ឈ្មោះ គង់ ភឿក បានគម្រាម និងចាប់រំលោភគាត់ជាច្រើនលើក ច្រើនសារ រហូតដល់ឆ្នាំ២០១៦ ឈ្មោះ គង់ ភឿក បានខ្ចីលុយគាត់ចំនួន១០០ ដុល្លាប្រាប់ថា យកទៅធ្វើលប នៅពេលគាត់យកលុយទៅអោយ ឈ្មោះគង់ ភឿក បានចាប់គាត់រំលោភទៀត ។
នៅថ្ងៃទី១៨ ខែមិថុនា ឆ្នាំ២០១៧ ឈ្មោះគង់ ភឿក បានទូរសព្ទ័មកប្រាប់ថា អោយគាត់ទៅយកលុយសង៥ម៉ឺនរៀល ពេលនោះម៉ោង៩យប់ គាត់បានទៅជួបឈ្មោះ គង់ ភឿក នៅព្រៃក្រោយផ្ទះ ពេលនោះឈ្មោះ គង់ ភឿក បានប្រើគាត់ កោសខ្យល់អោយ ហើយបានចាប់គាត់រំលោភទៀត ។ លុះដល់ថ្ងៃទី២៥ ខែមិថុនា ឈ្មោះគង់ ភឿក បានទូរសព្ទ័អោយគាត់ទៅជួបយកលុយទៀត ក៍កើតរឿងបែបនេះទៅ ។ . នៅក្នុងរបាយការណ៍របស់សមត្ថកិច្ច ពុំមានចម្លើយរបស់ឈ្មោះ គង់ ភឿក ដែលជាមនុស្សទី៣ក្នុងរឿងនេះទេ តែតាមសមត្ថកិច្ចនគរបាលប្រាប់ថា ឈ្មោះ គង់ ភឿក នេះបានទៅដេកពេទ្យនៅភ្នំពេញ។
មន្ត្រីនគរបាលខេត្តបានអោយដឹងថា៖ ដើមហេតុនៃសាច់រឿងនេះ មកពីបុរសជាប្តី និងជាជនជាប់ចោទដែលត្រូវបានតុលាការឃុំខ្លួន មានការសង្ស័យអំពើផិតក្បត់របស់ប្រពន្ធទើបចេញតាមតាន ហើយពេលឃើញ ប្រពន្ធណាត់ជួបប្រុសទាំងកណ្តាលអាធ្រាតុបែបនេះ ក៍ប្រើអំពើហឹង្សាតែម្តង ។ បើតាមចម្លើយរបស់ស្ត្រីជាប្រពន្ធ មិនគួរបណ្តោយខ្លួនអោយគេរំលោភជាច្រើនដង និងគ្រប់ទីកន្លែងជាង៣ឆ្នាំ បែបនេះឡើ យ គួរណាស់ត្រឹមម្តងប្រាប់ប្តីអោយដឹង និងត្រូវប្តឹងសមត្ថកិច្ចអោយចាប់ខ្លួនជនល្មើសទើបត្រឹមត្រូវ៕ ( ឈៀង ថារិទ្ធ )
http://ift.tt/2upBKLc
