សមត្ថកិច្ចចំរុះចាប់បានរថយន្ត១គ្រឿងដឹកពស់និងអណ្តើកជាង ៣០០ គីឡូ ប្រគល់អោយអង្គការវាយអេតយកទៅលែងក្នុងព្រៃនិងបឹងធម្មជាតិ

ខេត្តកំពង់ឆ្នាំង៖ សត្វពស់៣ប្រភេទនិងអណ្តើក២ប្រភេទជាង៣០០គីឡួ ដឹកតាមរថយន្តទូរីស១គ្រឿងត្រូវបានសមត្ថកិច្ចចំរុះខេត្ត ស្ទាក់ចាប់បាននៅម៉ោង៥និង១០នាទីព្រឹកថ្ងៃទី២៤ ខែមិថុនា ឆ្នាំ២០១៧ លើផ្លូវជាតិលេខ៥ចំណុចភូមិចំការស្វាយ ឃុំសេដ្ឋី ស្រុកសាមគ្គីមានជ័យ។សត្វព្រៃទាំងអស់ខាង លើនេះត្រូវបានសង្កាត់រដ្ឋបាលព្រៃឈើកំពង់ត្រឡាច ប្រគ ល់អោយអង្គការវាយអេត យកទៅលែងនៅក្នុងព្រៃនិងបឹងធម្មជាតិវិញ។

សមត្ថកិច្ចសង្កាត់រដ្ឋបាលព្រៃកំពង់ត្រឡាចបាននិយាយអោយដឹងថា៖ សត្វព្រៃទាំងអស់ខាងលើរួមមាន ពស់ថ្លាន់ចំនួន៩ក្បាល ស្មើនិង៦៩គីឡូ ពស់សង់សឺចំនួន១២៣គីឡូ ពស់ចាន់តាមមចំនួន២៣គីឡូ អណ្តើកក្បាលធំនិងអណ្តើកបិតមុខចំនួន១១១គីឡូ ។ សត្វព្រៃទាំងអស់នេះបានដឹកតាមរថយន្តទូរីស១គ្រឿងម៉ាកស្តារិចពណ៌ស្លែ ពាក់ស្លាកលេខ ភ្នំពេញ 2H2191 តាមផ្លូវជាតិលេខ៥ពីជើងទៅត្បូង លុះដល់ចំណុចប៉ុស្តិសន្តិសុខលេខ៥០០របស់កងរាជអាវុធហត្ថខេត្ត ស្ថិតនៅក្នុងភូមិចំការស្វាយ ឃុំសេដ្ឋី ស្រុកសាមគ្គីមានជ័យ ក៏ត្រួវបានកំលាំងសមត្ថកិច្ចចំរុះមានមេព្រៃ នគរបាល និងអាវុធហត្ថ ស្ទាក់ចាប់តែម្តង ចំណែកអ្នកបើកបររថយន្តចុះរត់គេចខ្លួនបាត់។វត្ថុតាងនៃបទល្មើសខាងលើនេះត្រូវបានសមត្ថកិច្ចចំរុះប្រគល់ជូនសង្កាត់រដ្ឋបាលព្រៃឈើកំពង់ត្រឡាច ជាអ្នកកសាងសំណុំរឿងតាមនិតិវិធី។

នៅព្រឹកថ្ងៃទី២៤ ខែមិថុនា នេះដែរសមត្ថកិច្ចសង្កាត់រដ្ឋបាលព្រៃឈើកំពង់ត្រឡាចបានធ្វើកំណត់ហេតុប្រគល់សត្វព្រៃទាំងអស់ខាងលើ ជូនអង្គការវាយអេតដែលសហការជាមួយកងរាជអាវុធលើផ្ទៃប្រទេស នាំយកទៅលេងក្នុងព្រៃធម្មជាតិនិងបឹងទន្លេសាបវិញ។សមត្ថកិច្ចរដ្ឋសង្កាត់រដ្ឋបាលព្រៃឈើកំពង់ត្រឡាចបានអោយដឹងថា៖ តាមនិតិវិធីសមត្ថកិ ច្ចនឹងប្រកាសទុករយះពេល១ខែ អោយម្ចាស់សត្វព្រៃចូលខ្លួនមកទទួលការបង់ផាកពិន័ យតាមផ្លូវច្បាប់ទើបអាចយករថយន្តទៅវិញបាន តែបើមិនចូលខ្លួនមកទេនោះសមត្ថកិច្ច នឹងកសាងសំណុំរឿងបញ្ជូនទៅតុលាការតាមនិតិវិធី៕ ( ឈៀង ថារិទ្ធ )