នគរបាលខេត្តព្រះសីហនុបញ្ជូនជនជាតិចិនបើកបរក្នុងស្ថានភាពស្រវឹងទៅកាន់សាលាតំបូងខេត្ត ចាត់ការតាមនិតិវិធីច្បាប់
ខេត្តព្រះសីហនុៈ MC. បុរសជាជនជាតិចិនដែលបានបើកបរក្នុងស្ថានភាពស្រវឹងបង្ករគ្រោះថ្នាក់ ដល់ជនបរទេសជនជាតិបារាំង កាលពីវេលាពាក់កណ្តាលអាធ្រាត ឈានចូលថ្ងៃទី២២ មិថុ នា ឆ្នាំ២០១៧ នារសៀលថ្ងៃទី២២នេះ បន្ទាប់ធ្វើការសាកសួរពេញមួយថ្ងៃ ត្រូវបានបញ្ជូនទៅកាន់សាលាតំបូងខេត្តហើយ ដើម្បីចាត់តាមនិតិវិធីច្បាប់ចរាចរណ៏ផ្លូវគោក។
ជុំវិញការបញ្ជូនខ្លួនជនជាតិចិនទៅសាលាតំបូងនេះ លោក វរៈសេនីយ៍ឯក អ៊ី សុខា ស្នងការរងទទួលផែនសណ្តាប់ធ្នាប់បានគួសបញ្ជាក់ថា ចំពោះមូលហេតុដែលដល់ការអនុវត្តន៏ច្បាប់ ក៏ព្រោះតែនៅវេលាពាក់កណ្តាលអាធ្រាតឈានចូលថ្ងៃទី២២ ខែមិថុនា ឆ្នាំ២០១៧ មានករណីមួយកើតឡើងដែលបង្កឡើងដោយរថយន្តម៉ាកឡិចស៊ិសពណ៏ខ្មៅពាក់ស្លាកលេខភ្នំពេញ 2Q 5989 បើកបរដោយជនជាតិចិនឈ្មោះ HUANG SUN BAO ភេទប្រុស អាយុ២៦ឆ្នាំ មានទីលំនៅសង្កាត់លេខ៣ ក្រុងព្រះសីហនុ បានបើករេចង្កូតទៅបុកម៉ូតូជនជាតិបារាំង ម៉ាកស្តែប គ្មានស្លាកលេខ(ម៉ូតូខូច) ដែលកំពុងបណ្តើរនៅចឹញ្ចើមថ្នល់ ដោយឈ្មោះ HOCHART ភេទប្រុស អាយុ៤៥ឆ្នាំ មានទីលំនៅសង្កាត់លេខ៣ដូចគ្នា ខ្ទាតចម្ងាយប្រមាណជាង១០ម៉ែត្រ រួចបន្តទៅបុកខឿនពុះទ្រូងចែកផ្លូវឆ្លងទៅផ្លូវម្ខាងទៀត ប៉ុន្តែសំណាងល្អពុំបណ្តាលអោយគ្រោះថ្នាក់ធ្ងន់ធ្ងរទៅលើមនុស្សណាម្នាក់ គឺមានការខូចខាតតែម៉ូតូតែប៉ុណ្ណោះ។
ប្រភពដ៏ដែលបានបន្តថា ក្រោយការត្រួតពិនិត្យរួចជនជាតិចិនដែលបើករថយន្តបង្ករគ្រោះថ្នាក់នោះមានសារជាតិអាល់កុល រហូតដល់ 1.01ក្នុងមីលីលិត្រខ្សល់ ជាចំនុចមួយខ្ពស់បំផុត។ ស្ថិតក្នុងឱកាសនោះផងដែរ លោក វរៈសេនីយ៍ឯកអ៊ី សុខា ស្នងការរងទទួលផែនសណ្តាប់ធ្នាប់ ក៏បានអំពាវនាវដល់ម្ចាស់អាជីវកម្មជួលម៉ូតូឡានទាំងអស់អោយបានជ្រាបថា ដើម្បីចូលរួមអភិវឌ្ឈន៍ប្រទេស ក៏ដូចជាចូលរួមទប់ស្កាត់ករណីគ្រោះថ្នាក់ចរាចរណ៏នៅកម្ពុជា សូមមេត្តាបញ្ឈប់ការជួលម៉ូតូ ឡាន ទៅអោយជនបរទេសដែលគ្មានប័ណ្ណបើកបរ នៅក្នុងព្រះរាជាណាចក្រកម្ពុជា៕
http://ift.tt/2sx5ckv
