ល្បិចត្រីងៀតឆ្លៀតពងមិនអាចមានឥទ្ឋិពល ក្នុងការបន្លំភ្នែករាស្ត្របានទៀតទេ
ខេត្តព្រះសីហនុៈ MC.ក្រុមប្រជាពលរដ្ឋជាច្រើនគ្រួសារដែលកំពុងកាន់កាប់លើទីតាំងដីមួយកន្លែងស្ថិតក្នុងភូមិ ចំណោទរាំឃុំបិតត្រាំង ស្រុកព្រៃនប់ ខេត្តព្រះសីហនុ បាននឹងកំពុងមានប្រតិកម្មខ្លាំងទៅនឹងការចុះឈួសឆាយដី រួមជាមួយការកាយព្រុំបោះបង្គោលថ្ម ពីសំណាក់សំណាងលោក លោក លឹម ហ៊ុយ ឡេង ខណៈពេលបណ្តឹងតវ៉ារបស់ពួកគាត់ស្ថិតនៅក្នុងដៃខុទ្ទកាល័យសម្តេចអគ្គមហាសេនាបតីតេជោ ហ៊ុន សែន នៅឡើយ។
បងស្រី លី សុខងីម តំណាងប្រជាពលរដ្ឋបានអះអាងថា អ្វីដែលតំណាងលោក លឹម ហ៊ុយ ឡេង ឈ្មោះ ហិនត្រឹងហៅ វណ្ណា នេះគឺកំពុងរំលោភច្បាប់ទាំងស្រុង ខណៈពេលដែលសំណុំរឿងស្ថិតក្នុងដៃតុលាការជាពិសេសសំណុំរឿងនេះ ត្រូវបានខុទ្ឋកាល័យសម្តេចអគ្គមហាសេនាបតីតេជោ ហ៊ុន សែន ទទួលស្គាល់ដោយលោក ហូ សិទ្ឋី បញ្ជូនលោក រដ្ឋមន្ត្រី ក្រសួងរៀបចំដែនដីនគររូបនីយកម្ម និង សំណង់ ចាត់ការតាមនិតិវិធី ប៉ុន្តែបែជាលោក ហិន ត្រឹង ហៅ វណ្ណាយក សជណរបស់សាលាខេត្ត អនុញ្ញាតឈួសឆាយដីមកឈួសបំពានលើដីរបស់ម្ចាស់កាន់កាប់ស្របច្បាប់ទៅវិញ។
ទង្វើទាំងនេះ វាបានសបញ្ចាក់ថា ក្រុមអ្នកមានអំណាច មានទ្រព្យនៅខេត្តព្រះសីហនុកំពុងធ្វើអោយរដ្ឋាភិបាល ទទួលភាពស្មុកស្មាញ ប្រជាពលរដ្ឋបាត់ជំនឿព្រោះតែល្បិចកន្ទេលធំបន្លំដេក របស់ក្រុមលោភលន់ទាំងនេះ។ ហេតុនេះមានតែសម្តេចអគ្គមហាសេនបតីតេជោ ហ៊ុន សែន តែម្នាក់ប៉ុណ្ណោះដែលអាចដុសក្លែល ក្រុមជញ្ជក់ឈាមរាស្ត្រ ជ្រកក្រោមស្លាកអភិវឌ្ឌ្យន៏។
បងស្រីបញ្ចាក់បន្ថែមថា ជាការពិតរាល់ឯកសារ របស់លោកលោក លឹម ហ៊ុយ ឡេងមានគឺពុំមានជាសាលក្រមស្ថាពរ ដែលកាត់ក្តីអោយលោកលោក លឹម ហ៊ុយ ឡេងឈ្នះក្តីនោះទេ គឺជា សជណ របស់សាលាខេត្ត ដែលបានអនុញ្ញាត្តិអោយលោក លឹម ហ៊ុយ ឡេង ឈួសឆាយដីព្រៃ ដែលមានទីតាំងកន្លែងផ្សេងតែប៉ុណ្ណោះ ដូចនេះ លោក លឹម ហ៊ុយ ឡេងពុំទាន់មានសិទ្ឋគ្រប់គ្រាន់ក្នុងការគ្រប់គ្រងដីទំនាស់នេះទេ។
ឆ្លើយតបទៅនឹងប្រតិកម្មរបស់ក្រុមប្រជាពលរដ្ឋ លោក ហិនត្រឹងហៅវណ្ណា តំណាងលោក លឹម ហ៊ុយ ឡេង បានអះអាងថាអ្វីដែលលោកធ្វើនេះ គឺធ្វើឡើងទៅតាមសេចក្តីជូន តំណឹងរបស់សាលាខេត្ត តែប៉ុណ្ណោះបើចង់អោយលោកបញ្ឈប់នៅការឈួសឆាយនេះ ដរាបណាមាន សជណ ពីសាលាខេត្តទើបលោកឈប់ ក្រុមប្រជាពលរដ្ឋពុំមានសិទ្ធីក្នុងការហាមឃាត់សកម្មភាពរបស់លោកនោះទេ៕
http://ift.tt/2t0Y558
