ប្រជាពលរដ្ឋចំនួន២៤គ្រូសារសម្តែងការព្រូយបារម្ភ នឹងចំណាត់ការរបស់សាលាដំបូងខេត្ត ពាក់ព័ន្ធរឿងទំនាស់ដីធ្លីក្នុងភូមិគគី ឃុំបិតត្រាងស្រុកព្រៃនប់ ជាមួយក្រុមហ៊ុន ថៃ ហេងឡុង

ខេត្តព្រះសីហនុៈMC. ក្រុមប្រជាពលរដ្ឋចំនួន២៣គ្រូសារផ្សេងទៀត បានសម្តែងការព្រួយបារម្ភខ្លាំងផងដែរ ចំពោះសុវត្ថិភាពរបស់ពួកគេ ក្រោយពីរដឹងថា ពួកគេក៏មានបញ្ជីរឈ្មោះស្ថិតក្នុងចំណាត់ ការផ្លូវច្បាប់របស់សាលាដំបូងខេត្តព្រះសីហនុផងដែរ ក្នុងរឿងទំនាស់ដីធ្លី ជាមួយនឹងក្រុមហ៊ុន ថៃហេង ឡុង បន្ទាប់ពីលោក ឈនផ្លុំជាមន្ត្រីយោធាមានឋានៈជានាយឧត្តម សេនីយ៍ទោបំរើការងារនៅក្រសួងការពារជាតិត្រូវបានចាប់ខ្លូនដោយមន្ត្រីកងរាជអាវុធហត្ថខេត្តព្រះសីហនុ តាមអំណាចដីការរបស់សាលាដំបូងខេត្តព្រះសីហនុពាក់ព័ន្ធរឿងទំនាស់ដីធ្លីមួយកន្លែងស្ថិតនៅក្នុងភូមិគគី ឃុំ បិតត្រាង ស្រុងព្រៃនប់ខេត្តព្រះសីហនុ កាលពីរថ្ងៃទី០៤ កក្កដាឆ្នាំ២០១៧ កន្លងមក។

បងស្រីឈ្មោះ ហេង ក្នុងចំណោមប្រជាពលរដ្ឋរងគ្រោះជាច្រើនទៀតបាននិយាយថា គាត់បាន មករស់នៅ លើទីតាំងដីខាងលើនេះ ជាង១០ឆ្នាំមកហើយ មិនដែលមានបញ្ហរអ្វីនោះទេ ហើយដីនេះ មិនមែនគាត់បានពីការចូលកាន់កាប់ ឬរំលោភបំពានយកនោះទេ គឺបានមកពីរទិញលក់ពីប្រជាពលរដ្ឋ ក្នុងតំបន់ តែម្តង ដោយការទិញលក់ ក៏មានការទទូលស្គាល់ ពីអាជ្ញាធរ ត្រឹមត្រូវផងដែរ ព្រមទាំងបានសាងសង់ផ្ទះរស់នៅ រហូតមកមិនដែល មានបញ្ហរអ្វីទេ ។ប៉ុន្តែរសំរាប់ពេលនេះ បែរជា ត្រូវគេចោទថា រស់នៅលើដី របស់ក្រុមហ៊ុន ថៃ ហេង ឡុងទៅវិញ ព្រមទាំងមាន ឈ្មោះក្នុងបញ្ជីរ ដែលត្រូវចាប់ខ្លូនរបស់តុលាការយ៉ាងអយុតិ្តធម៏ទៀតផង ខណៈពេលដែលពូកគាត់មិនធ្លាប់ ទទូលបាន បណ្តឹងអ្វីទាំងអស់ ពីមុខមក។ទង្វើបែបនេះគឺជាការរំលោភបំពានសិទ្ធសេរីភាពរបស់ក្រជាពលរដ្ឋទាំងស្រុងហើយ វាមិនយត្តិធម៏នោះទេ។ ព្រោះការលក់ដូរ ដីតំបន់នេះក៏ធ្វើឡើង មានការទទូលស្គាល់ អាជ្ញាធរផងដែរ ដូចនេះ អ្វីដែលក្រុមហ៊ុន ថៃ ហេង ឡុងអះអាងថា ជាដីកម្មសិទ្ធិរបស់ខ្លូនសូមឲ្យ សមត្ថកិច្ចពាក់ព៏ន្ធ មេត្តា ពិនិត្យ ឡើងវិញ ផងមុននឹងសម្រេច ឲ្យក្រុមហ៊ុន មួយនេះ ធ្វើការប្តឹងផ្តល់ប្រជាពលរដ្ឋ ស្លូតត្រង់ ចាប់ដាក់គុកដាក់ច្រវ៉ាក បង្ករភាបស្មុកស្មាញ ដល់សង្គមជាតិ ។ ប្រភពដ៏ដែល បានបន្តទៀតថា ដីតំបន់ ពយម៉ាចូវនេះមួយចំនួន ត្រូវបាន ដាក់ចូលក្នុងផែនទីជាគំរបព្រៃឈើឆ្នាំ២០០២ ជាសម្បត្តិរដ្ឋអស់ហើយ ដូចនេះ បើក្រុមហ៊ុនមានបណ្ណ័កម្មសិទ្ធិ ក៏បានបណ្ណ័កម្មសិទ្ធិនោះ អស់សុពលភាពប្រើប្រាស់ហើយដែរ ដូចនេះមិនអាចប្តឹងបាននោះទេ។

ជាមួយគ្នានេះ ក្រុមប្រជាពលរដ្ឋ រដ្ឋរងគ្រោះខាងលើបានធ្វើការបញ្ជាក់ថា ពួកគាត់ក្រៅពីពឹងពាក់មេធាវីកាពារក្តី ពួកគាត់ក៏បានដាក់ពាក្យបណ្តឹង សូមអន្តរាគមន៏ផងដែរ នៅអង្គភាពប្រឆាំងអំពើពុករលួយ ជាលទ្ធផល នៅព្រឹកថ្ងៃទិ១៣ខែកក្កដាឆ្នាំ២០១៧នេះ អង្គភាព ប្រឆាំងអំពោះពុករលួយ បាន យល់យល់ព្រមឲ្យតំណាងចំនួន៤រូបចូលធ្វើការឆ្លើយបំភ្លឺហើយ។ហើយ អ្វីដែលប្រជាពលរដ្ឋ សូមណូមពរឲ្យអង្គភាពប្រឆាំងអំពើពុករលូយ ធ្វើការពិនិត្យនោះគឺប្លង់ដីដែលក្រុមហ៊ុន ថែ ហេងឡុងមានដើម្បីឲ្យប្រាកដថា វាមានទីតាំងនៅណាឲ្យប្រាកដ (នៅភូមិចំណោទរាមឬនៅភូមិគគី) ។ហើយអ្វីដែលគួអោយឆ្ងល់បំផុតនោះ ក្រោយពីមេធាវីរបស់ពួកគាត់ធ្វើសន្និសិទ្ឋកាសែត គេពុំបានឃើញដើមបណ្តឹងចេញមកប្រតិកម្ម បែរជាប្រព័ន្ឋតុលាកាចេញសេចក្តីថ្លែងការណ៏ទៅវិញ វាមិនខុសអីឆ្នាំងក្តីបែរជាទៅក្តៅគម្របទៅវិញ គាត់ពុំយល់សោះលើបញ្ហានេះ តើអ្វីទៅដែលហៅថាច្បាប់សម្រាប់មនុស្សគ្រប់រូប។

ទាក់ទិនទៅរឿងទំនាស់ដីនេះលោកពុធធាវីជាមេធាវីការពារក្តី ឲ្យពលរដ្ឋទាំង២៤គ្រួសារដែលគំពុងរងការចោទប្រកាន់បាន ឲ្យដឹងថាវាជារឿងអយុត្តិធម៌មួយសម្រាប់កូនក្តីរបស់គាត់ ឈ្មោះឈានផ្លុំ និងកូនក្តី២៣រូបទៀត ក្នុងហេតុផលភស្តុតាងមិនប្រក្រតីដីរបស់ពលរដ្ឋ កាន់កាប់តាំងពីឆ្នាំ១៩៩៣ ជារៀងតមក ។ តែបើពិនិត្យស្រាវជ្រាវទៅលើប្រវត្តិដីឃើញថាដីរបស់ក្រុមហ៊ុនចិននៅឯចំនោទរាមឯនោះវិញទេហេតុអ្វីបែជាមកប្តឹងពលរដ្ឋនៅភូមិគគីចំនួន២៤គ្រួសាររំលោភយកដីទៅវិញ ហើយរាល់ឯកសារចុះហត្ថលេខាមួយចំនួនខុសប្រក្រតីពិសេសជាងនេះទៅទៀតដីដែលក្រុមហ៊ុនចិនបង់ពន្ធនៅឯចំនោទរាមទៀតពុំមានឃើញឯកសារបង់ពន្ធដីនៅក្នុងភូមិគគីឃុំបិតត្រាងឡើយហើយស្រាវជ្រាវរកឃើញឯកសារបង់ពន្ធដីនៅក្នុងភូមិគគីខុសប្រក្រតីទៀត។លោកបន្តទៀតថាការឃុំខ្លួនកូនក្តីរបស់លោកវាជារឿងអយុត្តិធម៌ ធ្វើឲ្យប្រជាពលរដ្ឋផ្សេងទៀតរងការភិតភ័យព្រួយបារម្មណ៍ពីភាពអយុត្តិធម៌នេះហើយលោកក៏បានរៀបចំសំណុំរឿងប្តឹងជំទាស់ទៅសាកាឧទ្ទផងដែរ ។

ឆ្លើយតបទៅនឹងប្រតិកម្មរបស់ប្រជាពលរដ្ឋ២៣គ្រួសារនោះ លោក រស់ សារាំ ព្រះរាជ អាជ្ញារងអមសាលាតំបូងខេត្ត បានអះអាងថា បន្ទាប់ពីមានពាក្យបណ្តឹងរបស់ក្រុមហ៊ុនចិន រួចមក សាលាតំបូងបានបង្កើតក្រុមការងារចុះអង្កេត ដោយមានមន្ត្រីសុរិយោដី និង រដ្ឋបាលព្រៃឈើ ចុះទៅជាមួយ ហើយក្រុមមន្ត្រីជំនាញទាំងនោះ សុទ្ឋតែបានអះអាងដីតំបន់នោះ មិនស្ថិតក្រោមគម្របបៃតងឆ្នាំ២០០២នោះទេ ដូចនេះអ្វីដែលសាលាតំបូងធ្វើនោះ គឺអនុវត្តន៏ទៅតាមនិតិវិធីនៃច្បាប់ទាំងស្រុង។

ជាមួយគ្នានេះផងដែរ លោក លឹម ប៊ុន ហេង អ្នកនាំពាក្យនៃសាលាតំបូងខេត្តបានគូសបញ្ជាក់ថា ក្រោយពីលោកពុធធាវីជាមេធាវីការពារក្តី ធ្វើសន្និសិទ្ឋកាសែតរួចមក សាលាតំបូងខេត្តក៏បានចេញសេចក្តីថ្លែងការណ៏មួយបដិសេធន៏ជុំវិញការចោទប្រកាន់របស់លោកលោកពុធធាវីជាមេធាវីការពារក្តីរួចហើយដែរ ដោយឡែកចំពោះការព្រួយបារម្មណ៏របស់ប្រជាពលរដ្ឋទាំង២៣នាក់នោះ សូមកុំព្រួយបារម្មណ៏អី ព្រោះសាលាតំបូងនឹងធ្វើទៅតាមនិតិវិធីច្បាប់ ប្រសិនបើប្រជាពលរដ្ឋមានសំអាងអីដាក់មកសាលាតំបូងខេត្ត ដើម្បីការពារខ្លួន។

លោក ឌី សុ ភី នារងសង្កាត់រដ្ឋាព្រៃឈើខេត្តព្រះសីហនុ បានធ្វើការបញជាក់ថា ទីតាំងដី ដែលប្រជាពលរដ្ឋ កំពង់រស់នៅតំបន់ពយម៉ាចូវ បើមើលថា ផែនទី ភាគីច្រើន គឺជាដីស្ថិតក្នុងគំរបព្រៃឈើឆ្នាំ២០០២ ។ប៉ុន្តែរជុំវិញបញ្ហរនេះបើចង់ ឲ្យមានភាពច្បាស់លាស់ ទល់តែ ចុះទៅធ្វើពិនិត្យនឹងវាស់ ដោយ ម៉ាស៊ីន (GPS) ពីព្រោះចំណុចនិមួយៗ សុទ្ធិសឹងមានលេខ យាមនិកាត្រឹមត្រូវ។

លោក ឡាក់ គៀន មេឃុំបិតត្រាងដែលមានវត្តមានក្នុងពិធីសន្និសីទកាសែតបានឲ្យដឹងថាពលរដ្ឋក្នុងភូមិគគី ឃុំបិតត្រាងសរុបចំនួន៧៤គ្រួសារ ហើយមានចំនួន២៤គ្រួសារ ទទួលរងកាចោទប្រកាន់ ពីភាគីក្រុមហ៊ុនចិនមានលោកវែងសម្បត្តិជាដើមចោទនោះ លោកអះអាងថាពលរដ្ឋទាំងនោះបានមករស់នៅកាន់កាប់ អាស្រ័យផលមានផ្ទះរបងរឹងមាំផ្លូវថ្នល់ តាំងពីឆ្នាំ១៩៩៣មកម្លេះ ទើបតែមកដល់ឆ្នាំ២០១៥ បែជាក្រុមហ៊ុនចិនប្តឹងពលរដ្ឋរបស់លោកថារំលោភយកដីក្រុមហ៊ុនទៅវិញក្នុងនាមលោកជាអាជ្ញាធរជាមេឃុំមិនបានដឹងមិនបានចុះហត្ថលេខាលើដីក្រុមហ៊ុនចិននោះទេចុះហេតុអ្វីបានជាលោកវែងសម្បត្តិជាដើមបណ្តឹងរបស់ក្រុមហ៊ុនចិនចេញមុខមកចោទពលរដ្ឋគាត់ទៅវិញហើយឯកសារមួយចំនួនខុសប្រក្រតីដែលលោកមិនបានដឹង ៕