រថយន្ត៤គ្រឿងបុកបន្តគ្នាបណ្តាលមនុស្សម្នាក់រងរបួសធ្ងន់ និងរថយន្ត២គ្រឿងខូចធ្ងន់
ខេត្តកំពង់ឆ្នាំង៖មនុស្សម្នាក់បានរងរបួសធ្ងន់ នៅក្នុងករណីរថយន្ត៤គ្រឿងបានបុកបន្តគ្នា ដែលហេតុការណ៍នេះបានកើតឡើងនៅវេលាម៉ោង១៤និង១៥នាទីល្ងាច ថ្ងៃទី០៩ខែកក្កដា ឆ្នាំ២០ ១៧ នៅផ្លូវជាតិលេខ៥ ចំណុចចន្លោះគីឡូម៉ែត្រលេខ៥០និង៥១ ស្ថិតនៅក្នុងភូមិតាកុល ឃុំពានី ស្រុកកំពង់ត្រឡាច ខេត្តកំពង់ឆ្នាំង។
សមត្ថកិច្ចនគរបាលមូលដ្ឋានបានអោយដឹងថា៖ករណីគ្រោះថ្នាក់ចរាចរណ៍នេះដំបូងបង្កឡើងដោយរថយន្តម៉ាកឡិចស៊ីស ពណ៌ស្ករ ពាក់ស្លាកលេខភ្នំពេញ 2Y 59-36 បើកបរពីទិសខាងជើងទៅត្បូង បានមកបុកចំពីក្រោយរថយន្តម៉ាកDEAWOO ពណ៌ស ពាក់ស្លាកលេខភ្នំពេញ 2R 64-05 បុក ហើយរថយន្តម៉ាកDEAWOOនោះក៏បានវិលទៅបុក រថយន្តម៉ាក ហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3C 41-65 ក្នុងដំណើរច្រាស់ទិសគ្នា ហើយរថយន្តDEAWOO មិនទាន់អស់ល្បឿនក៏បានទៅបុករថយន្តម៉ាកហាយឡិនដឺ ពណ៌ទឹកមាស ពាក់ស្លា កលេខភ្នំពេញ2H 82-10 ដោយមានអ្នកបើកបរឈ្មោះ លី លន ភេទប្រុស អាយុ49ឆ្នាំ រស់នៅក្នុងភូមិរំចក4សង្កាត់រតនះ ក្រុងបាត់ដំបង ខេត្តបាត់ដំបង ក្នុងដំណើរច្រាស់ទិសគ្នា។
សមត្ថកិច្ចបានអោយដឹងទៀតថា៖នៅក្នុងហេតុការណ៏គ្រោះថ្នាក់នេះបានបង្កអោយរងរបួសមនុស្សម្នាក់ ខូចរថយន្តចំនួន០៤គ្រឿង ក្នុងនោះធ្ងន់០២គ្រឿង។ រថយន្តទាំង៤គ្រឿងត្រូវបានសមត្ថកិច្ចអូសយកមករក្សាទុកនៅអធិការដ្ឋាននគរបាលស្រុកកំពង់ត្រឡាច កសាងសំណុំរឿងតាមនិតិវិធី ដើម្បីរង់ចាំធ្វើការដោះស្រាយតាមផ្លូវច្បាប់៕ ( ឈៀង ថារិទ្ធ )
http://ift.tt/2u3WR8Z
