មន្ទីរកសិកម្មខេត្តផ្តល់ម៉ូតូ៣០គ្រឿងដល់ជំនួយការឃុំ និងមន្ត្រីកសិកម្មស្រុកដើម្បីបង្កើនការផ្សព្វផ្សាយបច្ចេកទេសកសិកម្មធន់នឹងបំរែបំរួលអាកាសធាតុនៅតាមមូលដ្ឋាន
ខេត្តកំពង់ឆ្នាំង៖ លោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកំពង់ឆ្នាំង បានថ្លែងនៅរសៀលថ្ងៃទី២៦ ខែសីហា ឆ្នាំ២០១៧ នៅក្នុងកម្មវិធីចែកម៉ូតូនៅក្នុងមន្ទីរកសិកម្មខេត្តថា៖ ម៉ូតូចំនួន៣០គ្រឿងនេះគឺជាម៉ូតូរបស់ក្រសួងកសិកម្ម ដែលតម្រូវអោយមន្ទីរកសកម្មខេត្ត ចែកជូនដល់ជំនួយការឃុំ និងមន្ត្រីកសិកម្មស្រុកចំនួន៦ ដើម្បីយកទៅប្រើប្រាស់បង្កើនសកម្មភាព ក្នុងកម្មវិធីផ្សព្វផ្សាយបច្ចេកទេសកសិកម្មធន់នឹងបំរែបំរួលអាកាសធាតុនៅតាមមូលដ្ឋានគោលដៅ អោយប្រជាកសិករយល់ដឹអំពីការដាំដុះដំណាំស្រូវ បន្លែបង្ការ និងការចិញ្ចឹម មាន់ ជ្រូក ទៅតាមលក្ខណៈបច្ចេកទេសថ្មី ស្របតាមអាកាសធាតុនាពេលបច្ចុប្បន្ន។
លោក ងិន ហ៊ុន បានអោយដឹងថា៖ នៅក្នុងខេត្តកំពង់ឆ្នាំង កម្មវិធីផ្សព្វផ្សាយបច្ចេកទេសកសិកម្មធន់នឹងបំរែបំរួលអាកាសធាតុនេះ មន្ទីរកសិកម្មខេត្តបានធ្វើការផ្សព្វផ្សាយតាំងពីឆ្នាំ២០ ១៥មក ដើម្បីអោយប្រជាកសិករនៅតាមមូលដ្ឋានផ្លាស់ប្តូរទម្លាប់ចាស់ មកធ្វើការដាំដុះស្រូវ បន្លែបង្កា ការចិញ្ចឹមសត្វតាមបច្ចេកទេសថ្មី ដែលផ្តល់ជូនដោយជំនួយការឃុំ និងមន្ត្រីស្រុកនៃមន្ទីរកសិកម្ម រុក្ខាប្រម៉ាញ់ និងនេសាទខេត្តវិញ។ ចំណែកជាលទ្ធផលនៃការផ្សព្វផ្សាយកន្លងមក គឺប្រជាកសិករមួយចំនួនធំទទួលបានជោគជ័យ ក្រោយពីការទទួលយកបច្ចេកទេសពីមន្ទីរកសិកម្មខេត្ត ដោយមានការចំណាយដើមទុនតិច ក្នុងការដាំដុះស្រូវ និងបន្លែ តែទទួលបានទិន្នផលល្អទ្ធេរដង ដោយឡែកការចិញ្ចឹមសត្វមាន់ និងជ្រូកវិញក៏បានទទួលលទ្ធផលល្អផងដែរគឺមាន់ និងជ្រូកមានសុខភាពល្អ ឆាប់ធំធាត់ និងងាយលក់បានថ្លៃនៅក្នុងទីផ្សារទៀតផង។
លោក ងិន ហុន បានបន្តថា៖ ចំណែកការផ្តល់ម៉ូតូលើកនេះ គឺជាលើកទី២ហើយ ដែលលើកទី១គឺផ្តល់ជូនជំនួយការឃុំ និងមន្ត្រីកសិកម្មស្រុកចំនួន៣០គ្រឿងនៅក្នុងឆ្នាំ២០១៦ និងលើកទី២នេះគឺត្រូវផ្តល់បន្ថែមជូនចំនួន៣០គ្រឿងទៀត ដើម្បីជាមធ្យោបាយអោយពួកគាត់ចុះផ្សព្វផ្សាយបច្ចេកទេសកសិកម្មធន់នឹងបំរែបំរួលអាកាសធាតុជួយដល់ប្រជាកសិករ។
ដោយឡែកមន្ត្រីកសិកម្មស្រុក និងជំនួយការឃុំ នៅពេលទទួលបានម៉ូតូថ្មីនេះ ពួកគាត់បានអោយដឹងថា៖ ពួកគាត់មានទឹកចិត្តសប្បាយរីករាយណាស់ និងសូមថ្លែងអំណរគុណយ៉ាងជ្រាលជ្រៅផងដែរដល់ប្រមុខរាជរដ្ឋាភិបាល ក្រសួងកសិកម្ម និងមន្ទីរកសិកម្មខេត្ត ដែលបានយកចិត្តជួយផ្តល់ម៉ូតូទាំងអស់នេះដល់ពួកគាត់ ដើម្បីធ្វើជាមធ្យោបាយចុះធ្វើការងារនៅក្នុងមូលដ្ឋាន។ ក្រោយពីទទួលបានម៉ូតូនេះហើយ ពួកគាត់នឹងបង្កើនការចុះផ្សព្វផ្សាយបច្ចេសទេសកសិកម្មទៅតាមកម្មវិធី អោយបានញឹកញាប់បន្ថែមទៀត ដើម្បីអោយប្រជាពលរដ្ឋយល់ដឹង និងចូលរួមអនុវត្តន៍អោយបានគ្រប់ក្រុមគ្រួសារកសិករ ដើម្បីទទួលបានលទ្ធផលល្អ សំដៅជួយលើកស្ទួយជីវភាពរស់នៅប្រជាពលរដ្ឋអោយបានធូរធា កាត់បន្ថយបានភាពក្រីក្រជាបន្តបន្ទាប់នៅក្នុងមូលដ្ឋាន ៕ រឹទ្ធិ ជ័យ
http://ift.tt/2waa7th
