​ពិតជា​រន្ធត់​! ស្លាប់​២​របួសធ្ងន់​ស្រាល​៣​ក្នុង​ហេតុការណ៍​រថយន្ត​ដឹក​ដី​បុក​រះ​រថយន្ត​និង​ម៉ូតូ​

ខេត្តព្រះសីហនុ៖ មនុស្សចំនួន០២នាក់បានស្លាប់ភ្លាមៗយ៉ាងរន្ធត់នៅក្នុងរថយន្ត និងមនុស្សចំនួន០៣នាក់ផ្សេងទៀតបានរងរបួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៏មួយ កាលពីវេលាម៉ោង១៩ និង៤០នាទី យប់ថ្ងៃទី២៧ ខែសីហា ឆ្នាំ២០១៧ នៅចំនុចចំណោទបិតត្រាំង ស្ថិតក្នុងភូមិពួធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។

ជុំវិញករណីគ្រោះថ្នាក់ចរាចរណ៏នេះ យោងប្រភពជំហានតំបូងពីលោក វរៈសេនីយ៏ឯក ព្រហ្ម ពៅ នាយការិយាល័យចរាចរណ៏ជើងគោគបានគូសបញ្ជាក់ថា នៅវេលាម៉ោង១៩និង៤០នាទី យប់ថ្ងៃទី២៧ ខែសីហា ឆ្នាំ២០១៧ នៅចំនុចចំណោទ បិតត្រាំង ស្ថិតក្នុងភូមិពួធឿង ឃុំបិតត្រាំង ស្រុកព្រៃនប់ ខេត្តព្រះសីហនុ មានកណីគ្រោះថ្នាក់ចរាចណ៏មួយកើតឡើង ដែលបង្កឡើងរវាងរថយន្តដឹកដីម៉ាកហ៊ីយ៉ាន់ដាយ ពណ៏ខៀវ ពាក់ស្លាកលេខព្រះសីហនុ 3A 5318 អ្នកបើករបរមិនស្គាល់អត្តសញ្ញាណ បើកក្នុងទិសដៅចេញពីក្រុងព្រះសីហនុ បានរត់គេចខ្លួនក្រោយកើតហេតុបានបុកជាមួយរថយន្តមួយគ្រឿងម៉ាក តូយូតាព្រុស ពណ៏ស ពាក់ស្លាកលេខ ភ្នំពេញ2AP9795 បើកបក្នុងទិសដៅចូលក្រុងព្រះសីហនុ បើកបរដោយឈ្មោះ យិត យ័រ ភេទ ប្រុស អាយុ២៥ឆ្នាំ មានទីលំនៅភូមិ០១ សង្កាត់លេខ៤ ក្រុងព្រះសីហនុ (ស្លាប់គៀបក្នុងរថយន្ត) រួមតំណើរជាមួយឈ្មោះ ស្រី សុជាតិ ភេទប្រុស អាយុ៣០ឆ្នាំ មានស្រុកកំណើតនៅខេត្តកោះកុង(ស្លាប់ក្នុងរថយន្ត) និងឈ្មោះ កែវ សៀន ភេទ ប្រុស អាយុ២០ឆ្នាំ មានមុខរបរជាងភ្លើង មានទីលំនៅភូមិ ស្មាច់ដែង ឃុំរាម ស្រុកព្រៃនប់ ខេត្តព្រះសីហនុ រងរបួសធ្ងន់។ ហើយរថយន្តម៉ាក តូយូតាព្រុស ពណ៏សនោះ បានខ្ទាតទៅបុកម៉ូតូម៉ាក ហុងដាសេ១២៥ពណ៏ខ្មៅ បើកបដោយឈ្មោះ ព្រហ្ម សម្បត្តិ ភេទ ប្រុស អាយុ៣៥ឆ្នាំ របួសស្រាលនិងប្រពន្ធឈ្មោះ យែម ស្រីយ៉ា រងរបួសធ្ងន់ មានទីលំនៅភូមិ ស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ដែលជិះបើកស្របទិសពីក្រោយ បានបណ្តាលអោយរងរបួសចំនួន០២នាក់។

ហេតុការណ៍ដ៏រន្ធត់នេះ បើយោងតាមសាក្សីបានអះអាងថា នៅមុនកើតហេតុគេបានឃើញតូយូតាព្រុស ពណ៏ស បើកយ៉ាងលឿនក្នុងទិសដៅចូលក្រុងព្រះសីហនុ(ពីកើតទៅលិច) មកដល់ចំនុចកើតហេតុ ក៏បានវ៉ាម៉ូតូមួយគ្រឿងដែលជិះគ្នា២នាក់ ធ្វើតំណើចូលក្នុងក្រុងព្រះសីហនុដូចគ្នា គាប់ជួនពេលនោះ រថយន្តដឹកដីក៏បានមកដល់ដែរ ហើយបានបុករថយន្តពណ៌សពេញទំហឹង ខ្ទាតមកត្រូវម៉ូតូដែលជិះពីក្រោយប៉ើងស្ត្រីជាប្រពន្ធខ្ទាតជាច្រើនម៉ែត្រ រងរបួសធ្ងន់។

សូមបញ្ជាក់ផងដែរថា នៅក្នុងហេតុការណ៍ដ៏ន្ធត់នេះ សាច់ញាតិជនរងគ្រោះ ក៏ដូចជាអ្នកទៅមើលហេតុការណ៍ បានខឹងសម្បារថយន្តគ្លីនិចឯកជនសេតេយ៉ាងខ្លាំងថា ជារថយន្តសង្គ្រោះខ្វះក្រមសីល៍ធម៌ បើកទៅដល់ហើយពុំព្រមដឹកជនរងគ្រោះ ដែលកំពុងគាស់ចេញពីរថយន្តទាំងមិនទាន់ដឹងថាស្លាប់ ឬយ៉ាងណា សុខចិត្តបើករថយន្តត្រឡប់ទៅវិញ ទុកអោយជនរងគ្រោះស្លាប់យ៉ាងអាណោចអាធម។ បើទោះបីជាយ៉ាងណារថយន្តសង្គ្រោះគួរណាស់តែជួយសង្គ្រោះ ៕ ទន់ សុខ