​សមត្ថកិច្ច​ចាប់បាន​ស្ត្រី​ជា​មេ​កន្ទុយលេខ​៣​នាក់ នៅក្នុង​ផ្សារលើ​ក្រុង​កំពង់ឆ្នាំង​

ខេត្តកំពង់ឆ្នាំង៖ស្ត្រីជាមេកន្ទុយ៣នាក់ត្រូវកំលាំងសមត្ថកិច្ចនគរបាលក្រុងកំពង់ឆ្នាំងចាប់ខ្លួនបាន រួមនិងវត្ថុតាងមួយចំនួន នៅវេលាម៉ោង១០និង១៥នាទី ព្រឹកថ្ងៃទី០៦ ខែ សីហា ឆ្នាំ២០ ១៧ នៅក្នុងផ្សារលើ ស្ថិតនៅក្នុងភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង។

សមត្ថកិច្ចនគរបាលក្រុងកំពង់ឆ្នាំងបានអោយដឹងថា៖ស្ត្រីដែលត្រូវចាប់ខ្លួនបានមាន ១ឈ្មោះ.លីន លីដា ភេទស្រី អាយុ៣២ឆ្នាំ មានទីលំនៅភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ២..ឈ្មោះ សុខ ស្រីល័ក្ខ ភេទស្រី អាយុ២៩ឆ្នាំ មានទីលំនៅភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ៣.ឈ្មោះ .ហូ សាវិន ភេទស្រី អាយុ៣៤ឆ្នាំ មានទីលំនៅក្នុងភូមិប្អេរ សង្កាត់ប្អេរ ក្រុងកំពង់ឆ្នាំង។

សមត្ថកិច្ចបានអោយដឹងទៀតថា៖ ក្នុងពេលចុះបង្ក្រាបសមត្ថកិច្ចដកហូតបានវត្ថុតាង មាន ក្រដាស់កត់ឆ្នោតកន្ទុយលេខ០៩ដុំ ក្រដាស់កាបោនផ្ដាន០៤សន្លឹក ទូរស័ព្ទដៃ០៤គ្រឿង ប៉ិច០៤ដើម, ទឹកលប់០១ដើម, ប្រដាប់កឹប០៤ លុយខ្មែរ ៤៣៧.០០០រៀល។ដោយឡែកក្នុងកាបូបស្ពាយ០២ នឹងស្បោងប្លាស្ទិចខ្មៅ០១មានសំភារះ ,ក្រដាស់កត់កន្ទុយលេខ,លុយខ្មែរមួយចំនួន ដែលជារបស់មេកត់កន្ទុយលេខផ្សេងទៀតបានរត់ចោលក្នុងពេលសមត្ថកិច្ចចុះបង្ក្រាប។

ស្ត្រីជាមេកន្ទុយលេខទាំង៣នាក់ និងវត្ថុតាង ត្រូវបានសមត្ថកិច្ចនគរបាលក្រុងកំពង់ឆ្នាំង កសាងសំណុំរឿងបញ្ជូនទៅស្នងការដ្ឋានខេត្តកំពង់ឆ្នាំង ចាត់ការបន្តតាមនិតិវិធីច្បាប់ហើយគេក៏មិនទាន់ដឹងថា ស្ត្រីទាំង៣នាក់ខាងលើនេះត្រូវបានសមត្ថកិច្ច ធ្វើការអប់រំដោះលែងមកវិញ ឬក៏ត្រូវបញ្ជូនខ្លួនទៅកាន់តុលាការនោះទេ៕ រឹទ្ធិ ជ័យ