ទើបចេពីគុកសើមៗ ខឹងបងថ្លៃឈ្លោះប្រកែកជាមួយបងស្រីរបស់ខ្លួនស្ទុះចេញពីវង់ផឹកស្រា យកកាំបិតអាករ និងខ្វេះភ្នែកសម្លាប់ចោលយ៉ាងសាហាវ
ភ្នំពេញ ៖ ជនញៀនថ្នាំជោគជាំម្នាក់ទើបចេញពីគុកថ្មីៗ បានធ្វើសកម្មភាពយ៉ាងឃោរឃៅអាករសម្លាប់សាច់ថ្លៃខ្លួនឯង ព្រមទាំងខ្វេះភ្នែកជនរងគ្រោះបោះចោល។ ឃាតកម្មដ៏រន្ធត់នេះបានប្រព្រឹត្តនៅចំណុច ផ្ទះគ្មានលេខ ក្រុម៤ ភូមិដើមចាន់១ សង្កាត់ច្បារអំពៅទី២ ខណ្ឌច្បារអំពៅ កាលពីវេលាម៉ោងប្រហែល១៣ និង០០នាទីទី២៨ ខែសីហា ឆ្នាំ២០១៧ ក្រោយកើយហេតុអ្នកភូមិបានប្តឹងសមត្ថកិច្ច ហើយត្រូវកម្លាំងអន្តរាគមន៍របស់អាវុធហត្ថរាជធានីភ្នំពេញ ដឹកនាំដោយលោកវរសេនីយ៍ទោ សៀ ទីន បានចុះទៅឃាត់ខ្លួនជនដៃដល់ភ្លាមៗ។បច្ចុប្បន្នជនបង្កត្រូវបានកម្លាំងអាវុធហត្ថរាជធានីភ្នំពេញ ឃាត់ខ្លួនបញ្ជូនទៅកាន់ការិយាល័យព្រហ្មទណ្ឌដើម្បីចាត់ការតាមច្បាប់។ ចំណែកសពជនរងគ្រោះធ្វើកោសល្យវិច្ច័យ និងប្រគល់ជូនសាច់ញាតិ ។
មន្ត្រីកងរាជអាវុធហត្ថបានឲ្យដឹងថា៖ ជនសង្ស័យឈ្មោះ សំ សំណាង ភេទប្រុស អាយុ២៩ឆ្នាំ មុខរបរមិនពិតប្រាកដ ជាមនុស្សញៀនថ្នាំជោគជាំទើបចេញពីគុកថ្មីៗ និង ស្នាក់នៅចំណុចកើតហេតុខាងលើ។ ដោយឡែកជនរងគ្រោះឈ្មោះ សិទ្ធ ណាក់ ភេទប្រុស អាយុ៣៤ឆ្នាំមុខរបរកម្មករសំណង់ ត្រូវជាសាច់ថ្លៃជនបង្ក ស្នាក់នៅជាមួយគ្នា។មន្ត្រីបានបញ្ជាក់ថា៖ ហេតុការណ៍នេះកើតឡើង ផ្តើមចេញពីពួកគេផឹកស៊ីជាមួយគ្នានៅក្រោមផ្ទះ ហើយពេលនោះជនរងគ្រោះក៏ឈ្លោះប្រកែកជាមួយប្រពន្ធ រីឯ ជនបង្កក៏ស្រែក កុំឲ្យឈ្លោះគ្នាក៏ក្លាយជាទំនាស់ រហូតឈានដល់ជនបង្ក ទាញកាំបិតឆ្នៃអាករសម្លាប់ជនរងគ្រោះ និងខ្វេះគ្រាប់ភ្នែកទាំងសងខាងគប់ចោលដែលសកម្មភាពនេះធ្វើឲ្យអ្នកភូមិញាក់សាច់ ៕
http://ift.tt/2vqXmMt
