​រថយន្ត​ធុន​ធំ​ភ្លៅ​៥​បើក​បុក​បង្គោល​ភ្លើង​ប៉ើង​៥​ម៉ែត្រ​និង​បុក​រថយន្ត​ចត​ស្ងៀម ១​គ្រឿង​ទៀត​អាច​នឹង​សង​ការខូចខាត​គេ​ជាង​មួយ​ពាន់​ដុល្លារ​

ខេត្តកំពង់ឆ្នាំង៖ បង្គោលភ្លើងថ្មធំមួយដើមនៅលើចិញ្ចើមផ្លូវជាតិ បានបាក់ប៉ើងចេញពីកន្លែងដើម៥ម៉ែត្រ និងរថយន្តចតស្ងៀម១គ្រឿងទៀតបានរងការខូចខាតស្រាល ដោយសាររថយន្តធុនធំភ្លៅ៥មួយគ្រឿងបានរេចង្កូតបើកបុកពេញទំហឹង ។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង១១និង៤៥នាទី ថ្ងៃត្រង់ទី១០ ខែកញ្ញា ឆ្នាំ២០១៧ នៅលើផ្លូវជាតិលេខ៥ ចន្លោះគីឡូម៉ែត្រលេខ៩២និង៩៣ ស្ថិតនៅក្នុងភូមិទី៣ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។

សមត្ថកិច្ចនគរបាលចរាចរណ៍ក្រុងកំពង់ឆ្នាំងបាននិយាយអោយដឹងថា៖ រថយន្តភ្លៅ៥បង្កគ្រោះថ្នាក់ខាងលើនេះ ម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ 4A . 2252 ក្បា លពណ៌ស ទ្រុងពណ៌ខៀវ ដឹកស៊ីម៉ង់ និងគ្រឿងសំណង់ ពីប៉ោយប៉ែតទៅក្រុងភ្នំពេញ។ លុះបើកបរមកដល់ចំណុចកើតហេតុ ក៏បានរេចង្កូតឡើងចិញ្ចើមផ្លូវខាងស្តាំដៃ បុកបង្គោ លភ្លើងថ្មធំ១ដើម បាក់ប៉ើងចេញពីគល់៥ម៉ែត្រ កិនលើទុយោទឹកក្រុមហ៊ុនអានកូបែកធ្លាយពេញថ្នល់ បុករថយន្ត១គ្រឿងទៀតដែលចតស្ងៀម ម៉ាកហ៊ីយ៉ាន់ដាយ ក្បាលពណ៌សពាក់ស្លាកលេខ តាកែវ 3A . 2185 បណ្តាលអោយរងការខូចខាតស្រាល និងបែកកញ្ច ក់ និងបុកផ្លាកយីហោលក់ដូរ១ផ្ទាំងនៅមុខផ្ទះប្រជាពលរដ្ឋខូចខាតផងដែរ។ ចំណែករថយន្តបង្កបានរងការខូចខាតក្បាលរថយន្តធ្ងន់ធ្ងរ ឯអ្នកបើកបរ និងព្រូរថយន្តបានកៀបនៅក្នុងក្បាលរថយន្តរងរបួសស្រាល ។

នៅក្នុងហេតុការណ៍គ្រោះថ្នាក់នេះអ្នកបើកបររថយន្តបង្កបានប្រាប់សមត្ថកិច្ចថា មកពីរូបគាត់បើកគេចរថយន្តតូចមួយគ្រឿងដែលបើកមកពីមុខ ព្រោះតែខ្លាចបុករថយន្តនោះទើបមានគ្រោះថ្នាក់បែបនេះ ។ ប៉ុន្តែតាមសាក្សីប្រជាពលរដ្ឋដែលមានផ្ទះនៅកន្លែងកើតហេតុសង្ស័យថា គេបើកបររថយន្តងោកច្រើនជាង ព្រោះពួកគាត់មិនឃើញគេបើកគេចរថយន្តណាដែលបើកបរមកពីមុខនោះឡើយ។

ករណីគ្រោះថ្នាក់ខាងលើនេះ សមត្ថកិច្ចបានឃាត់រថយន្តបង្កទុកមួយរយះ ដើម្បីអោយអ្នកបើកបររថយន្តធ្វើការទូទាត់សំណងការខូតខាត បង្គោលភ្លើងជូនក្រុមហ៊ុនអគ្គីសនី សងការបែកបាក់ទុយោទឹកក្រុមហ៊ុនអានកូ សងការ៉ូការ៉ូឡាដែលបែកបាក់លើចិ ញ្ចើមផ្លូវទៅមន្ទីរសាធារណៈការខេត្ត សងការខូចខាតទៅម្ចាស់រថយន្ត១គ្រឿងទៀតដែ លចតស្ងៀម សងផ្លាកយីហោលក់ដូរនៅមុខផ្ទះប្រជាពលរដ្ឋ ដែលតាមការប៉ាន់ស្មាន គឺត្រូវសងគេសរុបប្រមាណជាង១ពាន់ដុល្លា ទើបអាចយករថយន្តបង្ករបស់ខ្លួនទៅប្រកបអាជីវកម្មវិញបាន ៕ រឹទ្ធិ ជ័យ