លោក មឿន មេគយចល័តគ្រប់គ្រង៣ខេត្ត កំពុងប្រឹងកើបលុយពីអ្នកដឹកទំនិញ និងឈ្មួញចរាចរណ៍ឈើប្រណីត ប្រាក់ចំណូលមួយចំណែកផ្គត់ផ្គង់ឆ្នាំងបាយលោកថ្នាក់លើ
ខេត្តឧត្តរមានជ័យ៖ មន្ត្រីគយចល័តក្រុម លោកមឿន មកពីអគ្គនាយកដ្ឋានគយក្រោមការចាត់តាំងពីលោកលោក កើត សុធារ៉ា មេគយចល័ត បានដាក់ប៉ុស្ដិ៍យាមនៅគ្រប់ច្រកទ្វារអន្តរជាតិទាំងបី នៃខេត្តឧត្តរមានជ័យ និងពង្រាយប៉ុស្តិ៍ជាច្រើនទៀតនៅខេត្តសៀមរាប ខេត្តព្រះវិហារ ហើយកំពុងទទួលរងការរិះគន់ពីក្រុមអាជីវករ ដឹកទំនិញទាំងតូចធំ និងក្រុមអ្នករកស៊ីដឹកឈើ ដោយចោទថាបានគាបសង្កត់ពួកគាត់បង់ប្រាក់ដោយគ្មានលិខិតស្នាម ដែលពួកគេសង្ស័យថាលុយទាំងនោះចូលត្រឹមហោប៉ៅក្រុមលោកមឿន ប៉ុណ្ណោះ ។
អ្នករកស៊ីដឹកទំនិញផ្សេងៗ និងបន្លែផ្លែឈើបន្តិចបន្តួចមកពីប្រទេសថៃ បានត្អូញត្អែថា ការរកស៊ីសព្វថ្ងៃមិនសូវសល់កំរ៉ៃសម្រាប់ផ្គត់ផ្គង់ជីវភាពគ្រួសារប៉ុន្មានទេ ពីព្រោះលោកគយចល័តរបស់អគ្គនាយកដ្ឋានគយ បានកំណត់ឲ្យពួកគាត់បង់ប្រាក់ច្រើនតាមតែចិត្តពួកគេចង់បាន។ ហើយបើមិនបង់ប្រាក់តាមការទាមទារទេ គេគំរាមឃាត់រថយន្ដទុក ឬពិន័យទំនិញទ្វេជាពីរជាបី ដែលពួកគាត់ភ័យខ្លាចគ្មានជម្រើសក៏ចេះតែបង់ឲ្យចៀសវាងក្រុមមគយ លោក មឿន ចាប់កំហុសធ្វើបាប។
ក្រុមអាជីវករដឹកទំនិញតាមរថយន្តតូចៗពីប្រទេសថៃគ្រប់ច្រកទាំងអស់ ជាពិសេសតាមច្រកទ្វាអន្តរជាតិអូស្មាច់ បានត្អូញត្អែថាបើទោះជាពួកគាត់មានច្បាប់អាជីវកម្មបង់ពន្ធត្រឹមត្រូវហើយក៏ដោយ ក៏ប៉ុស្ដិ៍គយចល័ត អគ្គនាយកដ្ឋានគយ នៅតែបង្ខំឲ្យពួកគាត់បង់ប្រាក់ក្នុងមួយរថយន្ដ៧ម៉ឺនរៀល ចំណែករថយន្តធំដឹកសាំង ទំនិញសំខាន់ៗ និងដឹកឈើគ្រប់ប្រភេទ ទារច្រើនៗណាស់ ហើយការបង់ប្រាក់ គឺធ្វើឡើងតាមរបៀបពុករលួយនេះគ្មាន ចេញបង្កាន់ដៃ ពិន័យបង់ពន្ធចូលរដ្ឋអ្វីនោះឡើយ សូម្បីតែអ្នកសំកុកទារលុយក៏ជាជនស៊ីវិលជាសាច់ញាតិរបស់លោក មឿន មិនមែនជាមន្ត្រីគយចុះមកអនុវត្តខ្លួនឯងនោះឡើយ ។
មូលហេតុ នេះហើយទើបគេសង្សយ័ថា លោកមឿនមេគយចល័ត របស់អគ្គនាយកដ្ឋានគយ គ្រប់គ្រងបីខេត្តកំពុងតែប្រមូលលុយរបៀបពុករលួយគ្មាបារ៉ែម គ្មានស្តង់ដា ។ លោក មឿន មេគយចល័តមានអំណាចគ្រប់គ្រង៣ខេត្ត គឺខេត្តសៀមរាប ខេត្តព្រះវិហារ និងខេត្តឧត្តរមានជ័យ ព្រោះតែ លោក មឿន ជាមនុស្សស្និទ្ធនឹងលោក កើត សុធារ៉ា មេគយចល័តដ៏មានអំណាច ហើយលោក មឿនបានប្រាប់អ្នកកាសែតដឹងថា ការដាក់ជនស៊ីវិលជំនួសឲ្យមន្ត្រីគយដោយលោកថា ការងារនេះ មានការយោគយល់ ពីគណបញ្ជាការឯកភាពខេត្ត ព្រោះការដឹកជញ្ជូនទំនិញមានលក្ខណតូចតាច បើសិនជាធំដុំលោកនឹងប្រើមន្ត្រីគយ។
លោកមឿនបានអួតប្រាប់អ្នកកាសែតទៀតថា ក្រសួងតម្រូវឲ្យគាត់រកប្រាក់ចំណូលចូលរដ្ឋក្នុងមួយខែចំនួនបីខេត្តនេះជាង ១០០លានរៀល។ បើចាប់ឡានប្រជាពលរដ្ឋឲ្យបង់ក្នុង១រថយន្ដ១លានរៀល គឺពលរដ្ឋរត់អត់រួចទើបលោកឲ្យបង់ក្នុង១រថយន្ដបន្ដិចបន្តួច រួចល្ងាចឡើងទើបលោកសរសេពន្ធ គឺមិនអាចចេញបង្កាន់ដៃពន្ធជួនពលរដ្ឋបានភ្លាមៗទេ។ តែទោះជាយ៉ាងណាក្តី អ្នករកស៊ីដឹកទំនិញគ្រប់ប្រភេទសម្តែងការដាក់ការសង្ស័យថា លោក មឿន ប្រមូលលុយចូលហោប៉ៅខ្លួនឯង និងចាត់ចែងឆ្នាំងបាយមេៗ៕
http://ift.tt/2fRrTJs
