សមត្ថកិច្ច​ចាប់ខ្លួន​មនុស្ស​ប្រុស​ស្រី​៥​នាក់ ពេល​កំពុង​ធ្វើ​សកម្មភាព​ប្រើប្រាស់​ថ្នាំញៀន ដោយ​ដកហូត​ថ្នាំញៀន​បាន​២​កញ្ចប់

ខេត្តកំពង់ឆ្នាំង៖ មនុស្សប្រុសស្រី៥នាក់ជាអ្នកបើបប្រាស់ថ្នាំញៀនត្រូវបាននគរបាលក្រុងកំពង់ឆ្នាំងសហការណ៍ជាមួយនគរបាលខេត្ត ចាប់ខ្លួនបាន នៅវេលាម៉ោង១១និង០០នា ថ្ងៃទី២១ ខែវិច្ចិកា ឆ្នាំ២០១៧ នៅចំណុចភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ដោយដកហូតថ្នាំញៀនបាន២កញ្ចប់។

សមត្ថកិច្ចបានអោយដឹងថា៖ ក្នុងកិច្ចប្រតិបត្តិការនេះសមត្ថកិច្ចឃាត់ខ្លួនបានមនុស្សប្រុស ស្រីចំនួន៥នាក់ក្នុងនោះមាន ១.ឈ្មោះ លី សុវណ្ណារ៉ុង ភេទប្រុស អាយុ២៣ឆ្នាំ មានទីលំនៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ២.ឈ្មោះ អឹម រុនគិរី ភេទប្រុស អាយុ២០ឆ្នាំ មានទីលំនៅភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ៣.ឈ្មោះ យ៉ុង សុគុន្ធវិទូ ភេទប្រុស អាយុ១៨ឆ្នាំ មានទីលំនៅភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ៤.ឈ្មោះ ជុន ចាន់ថាបរម៉ី ភេទស្រី អាយុ១៥ឆ្នាំ មានទីលំនៅភូមិទី២ សង្កាត់ខ្សាម ក្រុងកំពង់ឆ្នាំង និងទី៥.ឈ្មោះ ស៊ឹម បូរីសាគរ ភេទស្រី អាយុ១៤ មានទីលំនៅភូមិទី៣សង្កាត់ខ្សាម ក្រុងកំពង់ឆ្នាំង ដោយដកហូតបានវត្ថុតាងមាន៖-ថ្នាំម៉ាទឹកកក០២កញ្ចប់ នឹងឧបករណ៍សំរាប់ប្រើប្រាស់គ្រឿងញៀនមួយចំនួន ។

ជនសង្ស័យទាំង៥នាក់ និងវត្ថុតាង ត្រូវសមត្ថកិច្ចនាំខ្លួនមកកាន់ស្នងការដ្ឋានគរបាលខេត្តកំពង់ឆ្នាំងធ្វើការសាកសួរ និងកសាងសំណុំរឿងបញ្ជូនទៅតុលាការខេត្តចាត់ការតាមផ្លូវច្បាប់ ៕ រឹទ្ធិ ជ័យ