រថយន្តវីហ្គូលបើកលឿនពេករេធ្លាក់ថ្នល់ បួងចង្កូតឡើងថ្នល់វិញជ្រុលទៅបុករថយន្តដឹកថ្មក្រឡាប់ផ្ងារជើង!
ខេត្តព្រះសីហនុ៖ រថយន្តវីហ្គោ បើកក្នុងទិសព្រះសីហនុ-ភ្នំពេញបោះពួយលឿនពេករេធ្លាក់ផ្លូវជាតិអ្នកបើកបរបានបួងចង្កូតឡើងវិញក៏ជ្រុលទៅបុកជាមួយរថយន្តម៉ាកនីសាន់ ដឹកថ្មក្រឡាប់ផ្ងារជើងឡើងទ្រមេឃ។
ហេតុការណ៍នេះបានកើតឡើងនៅវេលាម៉ោង៥ និង៣០ នាទីព្រឹក ថ្ងៃទី៩ខែ វិច្ឆិកា ឆ្នាំ២០១៨ នៅលើដងផ្លូវជាតិលេខ៤ ចន្លោះគីឡូម៉ែត្រលេខ ១៦០ និង១៦១ស្ថិតក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ ។
សមត្ថកិច្ចបានឱ្យដឹងថា ម៉ាកវីហ្គោ ពណ៌ស្ក ពាក់ផ្លាកលេខ កណ្តាល 2A-7171 មានទិសដៅ ពីខេត្ត ព្រះសីហនុទៅភ្នំពេញ បើកបរដោយឈ្មោះ ឆេង ឈីមគង់ ភេទប្រុស អាយុ៥៣ឆ្នាំ មុខរបរ ជាងកញ្ចក់ មានទីលំនៅភូមិ២សង្កាត់២ ក្រុងខេត្តព្រះសីហនុ បានរងរបួសស្រាល ពេលមកដល់ចំណុចខាងលើ បានធ្លាក់ចិញ្ចើមផ្លូវ អ្នកបើកបរបានបួងចង្កូតឡើងវិញក៏ជ្រុលទៅបុកជាមួយរថយន្តម៉ាកនីសាន់ កង់ដប់ ពាក់ស្លាកលេខកោះកុង 3A_0246 ពណ៌ស ដឹកថ្ម ក្នុងទិសដៅបញ្ច្រាសគ្នា បើកបរដោយឈ្មោះសុខ ឌី ភេទប្រុស អាយុ៣៩ឆ្នាំ មានទីលំនៅភូមិម៉ាត់សាយ ឃុំអូរ ស្រុកភ្នំស្រួច ខេត្តកំពង់ស្ពឺ បណ្ដាលឱ្យរថយន្តដឹកថ្មក្រឡាប់ផ្ងារជើងឡើងលើ។ ប៉ុន្តែអ្នកបើកបរមិនរងគ្រោះធ្ងន់ធ្ងរទេ។ រីឯរថយន្តហ្វីហ្គោខ្ទាតធ្លាក់ពីលើផ្លូវជាតិ៕
https://ift.tt/eA8V8J
