យុវជនពីរនាក់ផឹកស្រាបៀរស្រវឹង បែកគុំនិតបបួលគ្នាលួចទូក ត្រូវចាប់ខ្លួន
ខេត្តព្រះសីហនុ៖ យុវជនម្នាក់ក្នុងចំណោម២នាក់ ដែលជាប់ពាក់ព័ន្ឋទៅនឹងករណីលួចទូក កាលពីយប់ថ្ងៃទី១៣ឈានចូលថ្ងៃទី១៤ខែធ្នូ ត្រូវបានម្ចាស់ទូកឃាត់ខ្លួនបាន កាលពីថ្ងៃទី១៤វេលាម៉ោង៣ និង០០នាទីនៅចំណុចសងភីណង ក្នុងសង្កាត់កោះរ៉ុង ហើយបានបញ្ជូនខ្លួនមកដល់ដីគោកនាវេលាម៉ោង១៣ និង៥០នាទីថ្ងៃទ១៥ខែធ្នូឆ្នាំ ដើម្បីប្រគល់ជូនសមត្ថកិច្ចប៉ូលិសក្រុងព្រះសីហនុ ចាត់ការតាមនិតិវិធីច្បាប់។
អ្នកស្រី វណ្ណី អាយុ៥៦ឆ្នាំ ជាម្ចាស់ទូកបានឲ្យដឹងថាគាត់មានទូកមួយគ្រឿងជាប្រភេទទូកអូសសម្រាប់អូសមឹក និងបង្គាដើម្បីចិញ្ជឹមគ្រួសារបានប្រាប់ថា នៅព្រឹកថ្ងៃកើតហេតុគាត់ងើបពីព្រឹកដូចសព្វដង ក្រឡេកមើលទូកគាត់មិនឃើញក៏មានការភ្ញាក់ផ្អើល និងប្រាប់ឲ្យបងប្អូនចេញទូកតាមរករហូតមកដល់ម៉ោង៣ថ្ងៃដ៏ដែល គាត់បាលឮដំណឹងថាចាប់បាននៅដំបន់(សងភីណង) កោះរ៉ុងក្នុងទឹកដីខេត្តព្រះសីហនុ។ ក្រោយពីឃាត់ខ្លួនបាននៅកោះរ៉ុងហើយក៏ប្រគល់ជនល្មើសឲ្យសម្ថកិច្ចកោះរ៉ុង ធ្វើកំណត់ហេតុមួយយប់ លុះព្រឹកថ្ងៃទី១៥នេះក៏បានបញ្ជូនទាំងជនល្មើស និងទូកមកកន្លែងកើតហេតុដើមវិញដើម្បីឲ្យសម្ថកិច្ចធ្វើកំណត់ហេតុ និងសាកសួរបន្ត។
យោងតាមចំលើយសារភាពរបស់ជនល្មើសបានឲ្យដឹងថា គេមានឈ្មោះ សាវុធ ភេទប្រុស អាយុ២៩ឆ្នាំ មានស្រុកកំណើតនៅខេត្តកំពង់ស្ពឺ មកធ្វើជាកូនដៃទូកគេមិនពឹតប្រាកដនៅថ្ងៃកើតហេតុខាងលើរូបគេមានគ្នាពីរនាក់ដោយម្នាក់ទៀតឈ្មោះ ស្វិត បានផឹកស្រានៅម្តុំផែពេលស្រវឹងក៏បែកគុំនិត លួចទូកតែមិនដឹងថាទៅទីណាទេ លុះព្រឹកឡើងក៏ទៅដល់កោះរ៉ុងស្រាប់តែម្ចាស់គេទៅទាន់ ក៏ចាប់បានរូបគេចំណែកម្នាក់រត់ឡើងគោកគេចខ្លួនបាត់។ បច្ចុប្បន្នជនសង្ស័យ ត្រូវបានបញ្ជូនមកកាន់អធិការរដ្ឋាននគរបាលក្រុងព្រះសីហនុដើម្បីចាត់ការទៅតាមផ្លូវច្បាប់៕ ដោយ កោះរ៉ុង
