មនុស្ស៣នាក់ ត្រូវបានគេកាប់ប្រហារនឹងកាំបិត
ប្រទេសចិន៖ កាសែតចិនកុម្មុនិស្តនិយាយថា ប៉ូលិសនៅក្នុងរដ្ឋធានី នៃតំបន់ស៊ីនជាំងចុងខាងលិចថា បានឃុំបុរសម្នាក់ក្រោយពីមនុស្ស៣នាក់ ត្រូវរបួសនៅដោយសារជននោះកាប់ប្រហារនឹងកាំបិតដែលជាអំពើហិង្សានោះដ៏ញាក់សាច់។ ទីភ្នាក់ងារសារព័ត៌មានស៊ិនហួផ្លូវការ បាននិយាយនៅល្ងាចថ្ងៃច័ន្ទថា បុរសម្នាក់បានកាប់ប្រហារទៅលើមនុស្ស៣នាក់នៅចំណតរថយន្តក្រុងមួយកន្លែង នៅក្នុងតំបន់អភិវឌ្ឍន៍នៅអ៊ុយរ៉គី ហើយ ប៉ូលិសបានប្រញាប់ប្រញាល់ទៅកាន់កន្លែងកើតហេតុ និងបានចាប់ខ្លួនជនសង្ស័យមុននឹងបានបញ្ជូនអ្នក របួសទៅកាន់មន្ទីរពេទ្យ។
មានការកត់សម្គាល់ថា មនុស្សរាប់រយនាក់ ត្រូវបានគេសម្លាប់នៅក្នុងតំបន់នោះ នៅក្នុងរយៈពេលពីរឆ្នាំកន្លងមក ភាគច្រើនជាអំពើហិង្សារវាងពួកមូស្លីម អ៊ុយហូរ ដែលបានហៅស៊ីនជាំងថា ជាស្រុករបស់គេ ហើយនិងពួកជនជាតិហាន។ រដ្ឋាភិបាលចិនកុម្មុយនិស្តក៏បានក៏បានខឹងក្រេវក្រោធចំពោះការវាយប្រហារនៅក្នុងតំបន់ផ្សេងរបស់ប្រទេសខ្លួន ដែលក្នុងនោះរួមមានទីក្រុងប៉េកាំងផងដែរ ថាពួកសកម្មប្រយុទ្ធឥស្លាមនិយមមកពីតំបន់ស៊ីនជាំងជាអ្នកបង្ក។ ការវាយប្រហារច្រើនរាប់មិនអស់ ត្រូវបានគេទម្លាក់ទៅលើពួកសកម្មប្រយុទ្ធដែលប្រើកាំបិត ដែលក្នុងនោះរួមមានឧប្បត្តិហេតុមួយនៅឯស្ថានីយរថភ្លើង នៅភាគនិរតីប្រទេសចិន នៅក្នុងខែមិនាដែលពេលនោះស្លាប់មនុស្ស២៩នាក់យ៉ាងចលាចល៕
