ឃាត់ខ្លួនជនសង្ស័យប្រុសស្រី៤នាក់ និងដក់ហូតបានថ្នាំញៀន មេតំហ្វេតាមីនអាយស៍ (ទឹកកក) ចំនួន៣៨ថងតូចៗ
ខេត្តបន្ទាយមានជ័យ៖ ជនសង្ស័យប្រុសស្រី៤នាក់ បានធ្វើសកម្មភាពជួញដូរថ្នាំញៀន នៅតាមបន្ទាត់ព្រំដែនកម្ពុជា ថៃ ត្រូវបានកម្លាំងសមត្ថកិច្ចស្រាវជ្រាវបានសម្រេច។ ករណី បង្ក្រាបនេះក្រោយការដឹកនាំកម្លាំងដោយលោក ធិន ស៊ិនដេត នាយការិយាល័យប្រឆាំងគ្រឿងញៀន និងបានសហការណ៍ជាមួយនឹងកម្លាំងនគរបាលក្រុងប៉ោយប៉ែត និងដឹកនាំបញ្ជាផ្ទាល់ពីលោកផាន់ ភីរម្យ ព្រះរាជអាជ្ញារងអមសាលាដំបូងខេត្ត ។
ប្រតិបត្តិការបង្ក្រាបគ្រឿងញៀននេះ ធ្វើនៅត្រង់ចំណុចវត្តជិនសូរិយារាម ហៅវត្តម៉ងចិន ស្ថិតនៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង៦ និង៣០នាទី ថ្ងៃទី១៧ ខែធ្នូ ឆ្នាំ២០១៤ ។
លោកធិន ស៊ិនដេត នាយការិយ័លប្រឆាំងគ្រឿងញៀន បានថ្លែងឲ្យដឹងនៅវេលាម៉ោង ១១និង២០នាទីព្រឹក ថ្ងៃទី១៨ ខែធ្នូ ឆ្នាំ២០១៤នេះថា៖ ក្រោយពីបានតាមដានស្រាវជ្រាវ និងកំណត់មុខសញ្ញាច្បាស់លាស់ លោកក៏បានរាយការណ៍ទៅលោកស្នងការខេត្ត និងបានដឹកនាំកម្លាំងចុះទៅភ្លាមៗតែម្តង និងបានឃាត់ខ្លួនជនសង្ស័យប្រុសស្រី៤នាក់ និងដក់ហូតបានវត្ថុតាងគ្រឿងញៀនប្រភេទ មេតំហ្វេតាមីនអាយស៍ (ទឹកកក) ចំនួន៣៨ថងតូច ទូរស័ព្ទ ចំនួន៥គ្រឿង ដបកែឆ្នៃសំរាប់ប្រើប្រាស់ចំនួន ២ ដែកកេះ ចំនួន៣ សំបកថងប្លាស្ទិច ១ដុំ បំពងបឺត១ធំ កន្ត្រៃ ១ផងដែរ ។
លោកបន្តថា៖ ជនសង្ស័យទី១ ឈ្មោះ ហុក ស្រៀង ភេទប្រុស អាយុ៤៣ឆ្នាំ មុខរបរជាអ្នករត់ម៉ូតូឌុប រស់នៅបន្ទាប់ជួលភូមិ បាលិលេយ្យ២ សង្កាត់ប៉ោយប៉ែត ,ទី២ឈ្មោះ សំ សុផាត ហៅរ៉ា ភេទប្រុស អាយុ៣១ឆ្នាំ មុខរបជាបុគ្គលិកកាស៊ីណូ រស់នៅបន្ទាប់ជួលភូមិ-សង្កាត់អូរអំបិល ក្រុងសេរីសោភ័ណ ,ទី៣ឈ្មោះ រិន ម៉ាឡា ភេទស្រី អាយុ២៦ឆ្នាំ មុខរបរសេវាបំរើខារ៉ាអូរខេ ប៉ោយប៉ែតផាស រស់នៅបន្ទាប់ជួលភូមិ-សង្កាត់-ក្រុងប៉ោយប៉ែត ,ទី៤ឈ្មោះ រ័ត្ន បញ្ញា ភេទស្រី អាយុ១៧ឆ្នាំ មុខរបរសេវាបំរើខារ៉ាអូរខេ CVR រស់នៅបន្ទាប់ជួល ភូមិ-សង្កាត់-ក្រុងប៉ោយប៉ែត ។
ក្រោយពីសមត្ថកិច្ចឃាត់ខ្លួនជនសង្ស័យទាំងអស់ រួមទាំងវត្ថុតាងទាំងអស់ ខាងលើនេះ បានបញ្ជូនទៅអធិការដ្ឋាននគរបាលក្រុងប៉ោយប៉ែតសាកសួរនាំ និងបានសារភាព ចំពោះ មុខសមត្ថកិច្ចថាពួកខ្លួនពិតជាបានប្រព្ត្រឹត្តបទល្មើសជួញដូរគ្រឿងញៀនមែន ។ បច្ចុប្បន្ន សមត្ថកិច្ចជំនាញបានសាងសំណំរឿងជនសង្ស័យ និងវត្ថុតាង បញ្ជូនទៅកាន់សាលា ដំបូង ខេត្តបន្ទាយមានជ័យ ដើម្បីចាត់ការតាមនិតិវិច្បាប់៕ ដោយយីហាំង
