កូនស្រី លោកចៅសង្កាត់ព្រែកលាភ ត្រូវតុលាការឃុំខ្លួន និងភរិយាកំពុងតែរត់គេចខ្លួន ក្នុងករណីចេញសែកអត់លុយចំនួន ៨២ម៉ឺនដុល្លារ
ភ្នំពេញ ៖ ជនជាប់ចោទចេញមូលប្បទានបត្រគ្មានសាច់ប្រាក់ ចំនួន៨២ម៉ឺនដុល្លារ ឈ្មោះ ព្រាប សិរីសុធា ភេទស្រី អាយុ៣២ឆ្នាំ ជាកូនលោក ព្រាប មុនី ចៅ សង្កាត់ព្រែកលៀប ត្រូវចៅក្រមស៊ើបសួរសាលា ដំបូងរាជធានីភ្នំពេញលោក រស់ ពិសិដ្ឋ បានសម្រេចឃុំខ្លួន ដាក់ពន្ធនាគារព្រៃស បណ្ដោះអាសន្នកាលពីល្ងាចថ្ងៃទី២៥ ខែ ធ្នូ ឆ្នាំ២០១៤ ។ ស្ត្រី ជាប់ចោទត្រូវបាននគរបាល ព្រហ្មទណ្ឌក្រសួងមហាផ្ទៃឃាត់ខ្លួនកាល ពីថ្ងៃទី២៤ ខែធ្នូ ឆ្នាំ២០១៤ តាមដីកា បង្គាប់ឲ្យនាំខ្លួនលេខ៧១៤តព្រ របស់ ចៅក្រមស៊ើបសួរសាលា ដំបូងរាជធានី ភ្នំពេញ លោក រស់ ពិសិដ្ឋ ។
ការឃុំខ្លួននេះបានធ្វើបន្ទាប់ពីតំណាង អយ្យការលោក គឺ ប៊ុណ្ណារ៉ា ព្រះរាជ អាជ្ញារងអមសាលាដំបូងរាជធានីភ្នំពេញ ចោទប្រកាន់ពីបទ « ចេញមូលប្បទានបត្រគ្មានសាច់ប្រាក់»តាមបញ្ញត្ដិមាត្រា ២៣១ ច្បាប់ស្ដីពីឧបករណ៍អាចជួញដូរ បាន និងប្រតិបត្ដិការទូទាត់សងប្រាក់ ដែលបានប្រព្រឹត្ដនៅថ្ងៃទី៤ ខែកញ្ញា ឆ្នាំ២០១២, ថ្ងៃទី៤, ៥, ៦ ខែតុលា ឆ្នាំ២០១២, ថ្ងៃទី ៤, ១២, ១៥ ខែវិច្ឆិកា ឆ្នាំ២០១២, ថ្ងៃទី៤ ខែធ្នូ ឆ្នាំ២០១២ ។
ជាប់ពាក់ព័ន្ធ នឹងករណីនេះដែរ នៅព្រឹកថ្ងៃទី២៦ ខែធ្នូ ឆ្នាំ២០១៤ សមត្ថកិច្ចក៏បាននាំខ្លួនឈ្មោះ ម៉ម សិលា ហៅវីន ភេទប្រុស អាយុ២៨ឆ្នាំ ត្រូវជាប្ដីរបស់ជនជាប់ចោទឈ្មោះព្រាប សិរី សុធា ដើម្បីសាកសួរ ប៉ុន្ដែនៅរសៀល ថ្ងៃដដែលនេះត្រូវបានតុលាការឲ្យត្រឡប់ ទៅផ្ទះវិញដោយមិនជាប់ពាក់ព័ន្ធទៅនឹងរឿងចេញ សែកអត់លុយចំនួន៨២ម៉ឺនដុល្លារ នោះ។
នៅក្នុងសំណុំរឿងចេញសែកអត់ ប្រាក់នេះផងដែរមិនត្រឹមតែកូនស្រី របស់លោក ព្រាប មុនី ប៉ុណ្ណោះទេដែល ជាប់ចោទ ក្នុងនោះសូម្បីតែភរិយា របស់គាត់ក៏សមត្ថកិច្ចកំពុងស្វែងរកចាប់ខ្លួនដែរ ប៉ុន្ដែត្រូវ បានគេចខ្លួនមួយរយៈ បន្ទាប់ពីសំណុំរឿងមួយនេះបានផ្អិបមួយរយៈវែងមករបស់ចៅក្រមស៊ើប សួរលោក តែ សំអាង តែបន្ទាប់ពីសំណុំរឿងនេះបានធ្លាក់ទៅក្នុងដៃ លោក រស់ ពិសិដ្ឋ ចៅក្រមស៊ើបសួរ សំណុំរឿងមួយនេះត្រូវបានពន្លឿននីតិវិធីទើបឈានដល់ ចេញដីកានាំខ្លួនកូនស្រីលោក ព្រាប មុនី ចៅសង្កាត់ព្រែកលៀបយកទៅឃុំនៅពន្ធនាគារព្រៃសបណ្ដោះអាសន្ន ៕
