កាមរីបុកម៉ូតូកង់៣ បង្កឲ្យមនុស្ស៧នាក់ រងរបួសធ្ងន់ស្រាល
ខេត្តព្រះសីហនុ៖ មនុស្ស៧នាក់ក្នុងចំណោម១០នាក់បានរងរបួសធ្ងន់ និងស្រាលក្នុង ហេតុ ការណ៍ គ្រោះថ្នាក់ចរាចរណ៍ ដែលបង្កឡើងដោយរថយន្តជនជាតិចិន សាំងហ្គាពួរ ម៉ាកកាមរី ឆ្លាមពាក់ស្លាកលេខ ភ្នំពេញ 2K-7895 បុកម៉ូតូកង់បីជាមួយ កាលពីវេលា ម៉ោង១៥ និង៤៥ នាទីថ្ងៃទី១៦ ខែធ្នូ ឆ្នាំ២០១៤ នៅចំនុចចំណោទលោកយាយម៉ៅ ស្ថិត ក្នុង ភូមិ ៣ សង្កាត់ លេខ៣ ក្រុងព្រះសីហនុ។
យោងតាមប្រភពពីអ្នកបើកបរម៉ូតូកង់បី ឈ្មោះលោក ប្រាក់ សារឿន បានរៀបរាប់ នៅថ្ងៃកើតហេតុខណៈពេលគាត់ដឹកភ្ញៀងមកពីកម្សាន្តនៅក្បាលឆាយមកដល់ចំណុចកើតហេតុ ស្រាបតែមានរថយន្តជនជាតិសាំងហ្គាពួជិះម្នាក់បើកបញ្ជ្រាស់ទិសគ្នា បានគេចរថយន្តកុងតៃនឺមកគៀម៉ូតូរបស់គាត់ បណ្តាលអោយធ្លាក់ផ្លូវចូលទៅក្នុងកូនជ្រោះចំណោទលោកយ៉ាងម៉ៅ សំណាងហើយបានកូនឈើនៅក្បែរ ជួយទប់កុំអីមនុស្ស៩នាក់នៅក្នុងម៉ូតូរួមទាំងគាត់មិនដឹងទៅជាយ៉ាងណានោះទេ។
លោកបន្តថាជនរងគ្រោះទាំង៩នាក់នោះមានទី១ -ឈ្មោះ ពួច សុខ ភេទស្រី អាយុ៥៧ឆ្នាំ របួសស្រាល ទី២-ឈ្មោះ ដូ ហេង ភេទស្រី៤៩ឆ្នាំ មធ្យម ទី៣-សុខ សេង ភេទ ប្រុសអាយុ៥៨ឆ្នាំ របួសមធ្យម ទី៤-ឈ្មោះឌុល អឿន ភេទ ស្រី អាយុ៤៥ឆ្នាំ របួសក្បាល ទី៥-ឈ្មោះជុត ចិន្តា ភេទ ស្រី អាយុ៤៧ឆ្នាំរបួស្រាល ទី៦-ឈ្មោះឌុល សល ភេទស្រី អាយុ២៥ឆ្នាំ ទី៧- អែក កាភេទ ប្រុស អាយុ៤៥ឆ្នាំរបួសស្រាល ទី៨-ឈ្មោះជា ហេង ភេទស្រីអាយុ៤៨ឆ្នាំ និងទី៩-ឈ្មោះអ៊ុំ ឌឿក ភេទ ស្រី អាយុ៣៩ របួសស្រាល អ្នកទាំងអស់ស្នាក់នៅភូមិ៤ សង្កាត់លេខ៤ក្រុងព្រះសីហនុ ឯ ម៉ូតូរបសគាត់រងការខូចខាតទាំងស្រុង។
សូមបញ្ជាក់ថា ជុំវិញករណីគ្រោះថ្នាក់ចរាចរណ៍នោះ ស្ត្រីជនជាតិសាំងហ្គាពួរ ដែលជាអ្នកបើកបររថយន្តបង្ក ពុំត្រូវបានសមត្ថកិច្ចបង្ហាញអំពីអត្តសញ្ញាណនោះទេ សូម្បីតែជនរងគ្រោះ មកសុំស្គាល់ឈ្មោះស្ត្រីបង្ក និងសុំជួបចចាររកដំណោះស្រាយបញ្ហាសំណងរបស់ពួកគាត់ ថ្លៃព្យាបាលក៏សមត្ថកិច្ច និងស្ត្រីបង្កពុំចេញមកដោះស្រាយឡើយនៅព្រឹកថ្ងៃ១៧ ខែធ្នូ ឆ្នាំ២០១៤ នេះ៕ ដោយ កោះរ៉ុង
