ស្រីអ៊ីតនាយ ចឺម និង នាយ ក្រូច ក្លាយជាតារាចម្រៀងប្រចាំផលិតកម្មសាន់ដេ
Saturday 17/01/2015 Time : 10: 45 am
ភ្នំពេញ៖តារាកំប្លែងនាយ ក្រូចនាយ ចឺម និង ស្រីអ៊ីតបាននាំគ្នាចុះកុងត្រាច្រៀងឲ្យផលិតកម្មសាន់ដេរយៈពេល ៣ ឆ្នាំក្រោយគម្រោងចេញទៅសម្ដែងនៅសហរដ្ឋអាមេរិកត្រូវបរាជ័យ។
នាយ ក្រូច និយាយថាពូកខ្ញុំបានចុះរួចហើយតាំងពីអាទិត្យមុនម៉េ្លះ និង កំពុងត្រៀមថតបទចម្រៀងចូលឆ្នាំផលិតកម្មកំពុងរៀបចំ។ ប៉ុន្តែនាយបន្តថាភាគីផលិតកម្មបានទាក់ទងពូកគេ ក្នុងអំឡុង ២ ខែមុនមកម្ល៉េះ។
តារាកំប្លែងរូបនេះបានបន្តថាពេលនេះកំពុងមានការមមាញឹកនិពន្ធបទចម្រៀងដោយខ្លួនឯងសម្រាប់ក្មួយ និង ប្អូនស្រីហើយយកទៅឆ្លងយោបល់ពីខាងផលិតកម្មជាមុនសិនបន្ទាប់មកទើបចាប់ផ្ដើមថតតែម្ដង។ ទោះបីជាយ៉ាងណានាងមិនទាន់មានទំនុកចិត្តថា បទចម្រៀងដែលជាស្នាដៃនិពន្ធ និងច្រៀងរបស់នាយបានទទួលការគាំទ្រច្រើន ឬយ៉ាងណានោះទេ។
ប៉ុន្តែតារាកំប្លែងខាងលើអះអាងថា អ្នកទាំង ៣នឹងព្យាយាមឱ្យលទ្ធភាព ដើម្បីក្រសោបការគាំទ្របន្ថែមក្រៅពីប្រជាប្រិយភាពមានស្រាប់ តាមរយៈកំប្លែងនៅស្ថានីយទូរទស្សន៍ CTN។ ទោះបីជាយ៉ាងណា នាយ បញ្ជាក់ថា អាជីពចម្រៀងនៅសាន់ដេមិនមានផលប៉ះពាល់ដល់ការងារស្នូលនៅស្ថានីយខាងលើនោះទេខណៈមានការយោគយល់ពីមេកោយរបស់ខ្លួនដែរ៕
ដោយៈ ករុណា
រៀបចំដោយៈ ភក្ដី
By: khmeronlinews.com
http://ift.tt/17S3FYT
