លោកឧត្តមសេនីយ៍ត្រី អាត់ ខែម ស្នងការនគរបាលខេត្តបន្ទាយមានជ័យ រងការការរិះគន់ថា លោកមិនប្រឹងប្រែងធ្វើការងារជំនាញប៉ូលិសទេ ចង់ធ្វើការងារកាកបាទក្រហមច្រើនជាង!
ខេត្តបន្ទាយមានជ័យ៖ ស្នងការនគរបាលខេត្តបន្ទាយមានជ័យ លោកឧត្តមសេនីយ៍ត្រី អាត់ ខែម នៅរសៀលថ្ងៃទី១៨ ខែមករា ឆ្នាំ២០១៥នេះ បានចុះចែកអំណោយមួយចំនួនទៅជួនក្រុមគ្រួសារ ដែលបានជួប គ្រោះអគ្គិភ័យកាលពីថ្ងៃទី១៤ ខែមករា ឆ្នាំ២០១៥ នាពេលកន្លងទៅនេះ ដែលពលរដ្ឋរិះគន់ថាខុសភារកិច្ច។
ការចំណាយពេលចុះចែកអំណោយនោះ ក៏មានការកៀងគអូសទាញ មន្ត្រីនគរបាល មួយចំនួនផ្សេងទៀតដើម្បីឲ្យសម្បើម ប៉ុន្តែពលរដ្ឋក៏រិះថាបានធ្វើឲ្យមន្ត្រីអនុវត្តការងារខុសទិស។ អំណោយ ដែលបានចែកដល់គ្រួសារជនពលរដ្ឋនោះមាន៖ គ្រឿងឧបភោគ បរិភោគ សម្ភារៈប្រើប្រាស់ និងថវិកាមួយចំនួន ដែលគួរតែប្រគល់ឲ្យស្ថាប័នកាកបាទក្រហមកម្ពុជាធ្វើទេទើបមិនឆ្គង ។
លោកឧត្តមសេនីយ៍ត្រី អាត់ ខែម សកម្មភាពនោះត្រូវបានប្រជាពលរដ្ឋរស់នៅ តាមមូលដ្ឋាន បានរិះគន់ថា កំពុងតែរំលោភការងារកាកបាទក្រហមកម្ពុជា។ ពលរដ្ឋថាលោកគួរតែយកចិត្តទុកថែរក្សាដោះស្រាយរឿងសន្តិសុខ និងលុបបំបាត់ភាពអសកម្ម ចោរកម្ម ល្បែង គ្រឿងញៀន ការរត់ពន្ធឈើ ទំនិញ ការរត់ពន្ធមនុស្ស ការលួចកកាយកាប់ដីភ្នំក្នុងខេត្ត ការដាក់កុងត្រូលជជុះតាមផ្លួវ ។ល។ នោះជារឿងដែលលោកឧត្តមសេនីយ៍ត្រី អាត់ ខែមត្រូវធ្វើ។
គេសង្កេតឃើញថាស្ទើរតែរាល់ចុងសប្តាហ៍ លោកតែងតែនាំមន្ត្រីក្រោមឱវាទ ចុះមូលដ្ឋានតាមមូលដ្ឋាន ពុំធ្វើការជំនាញទេ ដែលមើលទៅកំពុងតែដើរតួនាទីជា មន្ត្រីកាកបាទក្រហមកម្ពុជា ឬតំណាងរាស្ត្រ ហើយគេសង្ស័យថា អាត់ ខែម ចង់ធ្វើតំណាងរាស្ត្រហើយមើលទៅ។ ទាក់ទងការរិះគន់នេះការសែតខ្មែរអង្គរមិនទាន់អាចសុំការបំភ្លឺពីលោកឧត្តមសេនីយ៍ត្រី អាត់ ខែមស្នងការនគរបាលខេត្តបន្ទាយមានជ័យ បាននៅឡើយទេ ព្រោះទូរស័ព្ទមិនចូល កាលពីរសៀលថ្ងៃទី១៨ មករានេះ ៕ (មិត្តអ្នកអាន៖ យាយញាប់)
