ភោជនីយដ្ឋានតាបារាំងបើកថ្មី អញ្ជើញភ្ញៀវជាង២០០នាក់ ភ្លក់ម្ហូបមិនគិតថ្លៃ
ខេត្តកំពង់ឆ្នាំង៖ ភោជនីយដ្ឋានយីហោតាបារាំង ទើបតែបើកថ្មីនៅក្នុងភូមិទី១ សង្កាត់ខ្សាម ក្រុងកំពង់ឆ្នាំងខាងជើងតារាងប៉ាល់ទាត់មុខសាលាខេត្តកំពង់ឆ្នាំង នៅព្រឹកថ្ងៃទី០៥ ខែមករា ឆ្នាំ២០១៥យើងបានឃើញអតិថិជនជាង២០០នាក់បានចូលភ្លក់ម្ហូបយ៉ាងណែនណាន់តាប់ ដែលគេបានប្រាប់អោយដឹងថា ជាការអញ្ជើញភ្ញៀវមកពិសារភ្លក់ស្នាដៃមិនគិតលុយ ដែលពី មុនៗ មកមិនធ្លាប់មានទេនៅក្នុងទីក្រុងកំពង់ឆ្នាំង និងជាទំនាក់ទំនងរកម៉ូយ របស់ម្ចាស់ភោជ នីយដ្ឋានថ្មី។
លោក យូ សឿង ហៅតាបារាំង ជាម្ចាស់ភោជនីយដ្ឋានបាននិយាយអោយដឹងថា៖ ការពិត កន្លែងទីតាំងនេះជាង២ឆ្នាំកន្លងមក កូនៗគាត់ក៏បានបើកលក់គុយទាវ បាយ កាហ្វេផងដែរ និង ក៏មានអថិតិជនគាំទ្រច្រើនដែរតែហាងគាត់គ្មានឈ្មោះគ្មានយីហោនោះទេ។ ក្រោយមកដោយ មាន ការរីកចំរើនជាបន្តបន្ទាប់គាត់ក៏បានបង្កើតភោជនីយដ្ឋានដាក់ឈ្មោះ តាបារាំង នេះឡើង ដើម្បីអោយមិត្តភក្តិ និងអតិថិជនបានស្គាល់ និងចំណាំបានច្បាស់។
តាបារាំងបានអោយដឹងថាទៀតថា៖មេចុងភៅរបស់ភោជនីយដ្ឋានថ្មីរបស់គាត់នេះគឺជាកូន ប្រុសច្បងរបស់គាត់ផ្ទាល់ ដែលមានបទពិសោធន៍ជាចុងភៅនៅក្នុងភោជនីយដ្ឋានបារាំង មួយកន្លែងក្នុងទីក្រុងភ្នំពេញជាង៥ឆ្នាំមកហើយ គឺមានបទពិសោធន៍ធ្វើម្ហូបគ្រប់មុខរបស់ខ្មែរនិងម្ហូប បរទេសយ៉ាងស្ទាត់ជំនាញ ចង់ដឹងរស់ជាតិអាចចូលមកពិសារបានពិតជាមិនខុសចិត្តឡើយ។
លោកប្រធានមន្ទីរទេសចរណ៍ខេត្តកំពង់ឆ្នាំងបាននិយាយអោយដឹងថា៖នៅក្នុងក្រុងកំពង់ ឆ្នាំងមានភោជនីយដ្ឋានធំៗតែ៧កន្លែងប៉ុណ្ណោះ ហើយភោជនីយដ្ឋានដែលលក់ដាច់មាន៣ ទៅ៤កន្លែងតែប៉ុណ្ណោះ។ តាមការវាយតម្លៃរបស់លោកអោយដឹងថា៖ការដូរដាច់ និងមានការ គាំទ្រពីអតិថិជនគឺ ភោជនីយដ្ឋានស្អាតមានបរិដ្ឋាន និងអនាម័យល្អ មានធុងដាក់សំរាម ក្រោម តុ អ្នកបំរើភ្ញៀវស្អាតបាតរស់រាយរាក់ទាក់ចេះបដិសណ្ឋារកិច្ចចំពោះភ្ញៀវ មានសម្លៀកបំពាក់ សមរម្យមិនស៊ិចស៊ី បើអ្នកបំរើភ្ញៀវមានឯកសណ្ឋានដូចៗគ្នាទៀតនោះ កាន់តែល្អប្រសើរ ចុង ភៅត្រូវតែមានឯកសណ្ឋានស្អាតបាត សម្ភារៈប្រើប្រាស់ចានឆ្នាំង កែវ សម ស្លាបព្រា ត្រូវមាន អនាម័យល្អ កន្លែងលាងចាននិងកន្លែងទុកកាកសំណល់ត្រូវមានអនាម័យល្អ ចំណុចពិសេស ម្យ៉ាង ទៀតនោះគឺការលក់ដូរម្ហូបអាហារមានតម្លៃសមរម្យមិនកោរភ្ញៀវ មានបញ្ជីមុខម្ហូបមាន ដាក់តម្លៃកំណត់ត្រឹមត្រូវ មានសេវាកម្មលឿនរហ័សទាន់ចិត្ត មានបង្គន់អនាម័យស្អាតល្អ និងត្រូវមានការថែទាំជាប្រចាំមិនធំក្លិន។
ដោយឡែកអាហារដ្ឋាននៅក្នុងក្រុងកំពង់ឆ្នាំងគឺមានច្រើន ប៉ុន្តែអាហារដ្ឋានដែលលក់ដាច់ នោះមិនមានច្រើនទេ ព្រោះតែមិនមានលក្ខណៈដូចរៀបរាប់ខាងលើ។ចំណែកសេវាកម្មកំ សាន្ត ការាអូខេវិញមានគ្រាន់បើតែ៣កន្លែងតែប៉ុណ្ណោះ ហើយធ្លាប់រងការរិះគន់ពីភ្ញៀវទាំងអស់ ថា បង្គន់អនាម័យគក្រិចៗចូលមិនរួចឡើយ ដែលបញ្ហានេះម្ចាស់ការាអូខេទាំងនោះល្មមធ្វើការ កែលំអរហើយកុំអោយខ្មាស់ភ្ញៀវមកកំសាន្ត៕ ដោយ រិទ្ធិ ជ័យ
