ឃាត់ខ្លួនជនសង្ស័យជួញដូរគ្រឿងញៀនម្នាក់
ភ្នំពេញ ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍រដ្ឋបាលស្រះចក បានធ្វើការបង្ក្រាបករណីជួញដូរគ្រឿងញៀនឃាត់ខ្លួន និងដកហូតបានថ្នាំញៀន៣កញ្ចប់ កាលពីវេលាម៉ោង១០ព្រឹកថ្ងៃទី០៩ ខែមករា ឆ្នាំ២០១៤ ស្ថិតនៅលើផ្លូវលេខR៦ ក្នុងសង្កាត់ស្រះចក ខណ្ឌដូនពេញ ខណៈជនសង្ស័យកំពុងចែកចាយគ្រឿងញៀន ។
ជុំវិញការឃាត់ខ្លួនជនសង្ស័យខាងលើ សមត្ថកិច្ចបានឲ្យដឹងថា កម្លាំងពួកលោកបានធ្វើការស្រាវជ្រាវ និងដាក់កម្លាំងឃ្លាំមើលរហូតដល់ថ្ងៃឃាត់ខ្លួនឃើញជនសង្ស័យកំពុងបើកម៉ូតូយកថ្នាំញៀនមកឱ្យម៉ូយនៅខាងមុខរដ្ឋាករទឹកស្វ័យតភ្នំពេញ សមត្ថកិច្ចក៏បានចូលទៅឃាត់ខ្លួនតែម្តង ។
ជនសង្ស័យឈ្មោះលឹម ប៉េងលាភ អាយុ២២ឆ្នាំ ស្នាក់នៅបន្ទប់ជួលផ្ទះសំណាក់ (អូយេស) មានទីតាំងនៅខាងមុខវត្តនាគវ័ន្ត ក្នុងសង្កាត់ស្រះចក ខណ្ឌដូនពេញ ចំណែកវត្ថុតាងដកហូតរួមមានថ្នាំញៀនម៉ាទឹកកក៣កញ្ចប់, ម៉ូតូម៉ាកធូដេ មួយគ្រឿង ៕
បច្ចុប្បន្ន ជនសង្ស័យត្រូវបាន ប៉ូលិសកំពុងរៀបចំកសាងសំណុំរឿងបញ្ជូនទៅកាន់តុលាការដើម្បីចាតការ តាមនិតិវិធីនៃច្បាប់៕
ដោយៈ ឧត្តម
រៀបចំដោយៈ សុខា
By: khmeronlinenews.com
http://ift.tt/1AU3FT7
