បង្ក្រាបកន្លែងដាំដើមកញ្ឆាមួយកន្លែងដកហូតបានវត្ថុតាង និងឃាត់ជនសង្ស័យម្នាក់
បន្ទាយមានជ័យ ៖ ផ្ទះប្រជាពលរដ្ឋម្នាក់ត្រូវបាន កម្លាំងកងរាជអាវុធហត្ថខេត្តបន្ទាយមានជ័យបានចុះប្រតិបត្តិការបង្ក្រាប និងឆែកឆេរទីតាំងដាំដុះដើមកញ្ឆាមួយកន្លែង នៅវេលាម៉ោង២ និង១៣នាទីរសៀលថ្ងៃទិ៩ ខែមករា ឆ្នាំ២០១៥ ស្ថិតនៅភូមិនិមិ្មត១ សង្កាត់និមិ្មត ក្រុងប៉ោយប៉ែត ខេត្តបន្ទាយមានជ័យ។
លោកបានបន្តថា ជនសង្ស័យត្រូវបានសមត្ថកិច្ចឃាត់ខ្លួនមានឈ្មោះ ហុី ហ៊ុន ភេទប្រុស អាយុ៧១ឆ្នាំ រស់នៅភូមិកើតហេតុខាងលើនេះ បានដកហូតបានវត្ថុតាងរួមមាន កញ្ឆាក្រៀមចំនួន៤គីឡូក្រាម ដើមកញ្ឆាស្រស់តូចធំ ចំនួន៦៨ដើម និងផើងសំរាប់បណ្តុះចំនួន១ផងដែរ ។
យោងតាមពាក្យបណ្តឹងពីពលរដ្ឋេរាយការណ៍ លោកឧត្តមសេនីយ៍ត្រី ឱ បូរិន្ទ បានបញ្ជាកម្លាំងដោយផ្ទាល់ចុះបង្ក្រាប និងបានឃាត់ខ្លួនបានជនសង្ស័យម្នាក់ និងដកហូតបានដើមកញ្ឆាក្រៀម និង ដើមកញ្ឆាស្រស់ជាច្រើនផងដែរ ។ ក្រោយពីសមត្ថកិច្ចឃាត់ជនសង្ស័យ និងវត្ថុតាង បានឆ្លើយសារភាពថា ខ្លួនពិតជាបានដាំដុះដើមកញ្ឆាពិតមែន និងរក្សាទុកកញ្ឆាក្រៀមចំនួនខាងលើមែន ។
បច្ចុប្បន្នកម្លាំងកងរាជអាវុធហត្ថបានកសាងសំណុំរឿងបញ្ជូនជនសង្ស័យនិងវត្ថុតាងទៅកាន់សាលាដំបូងខេត្តដើម្បីចាត់ការតាមនិតិវិធីច្បាប់៕
ដោយៈ ឧត្តម
រៀបចំដោយៈ សុខា
By: khmeronlinenews.com
http://ift.tt/14cqZhF
